泳池酒店攻略｜2025年香港8間泳池酒店推介｜情侶 daycation 必睇

夏日炎炎，想同另一半搵個地方涼快下？香港泳池酒店絕對係你哋嘅最佳選擇！相比起人頭湧湧嘅公眾泳池，泳池酒店提供更私密舒適嘅環境，讓情侶可以盡情享受二人世界。

呢次Flow小編精選咗8間香港泳池酒店，包括令人驚艷嘅Infinity Pool無邊際泳池、坐擁維港海景嘅天台泳池，以及設計獨特嘅室外泳池。每間泳池酒店都有其獨特魅力，無論你想影靚相打卡，定係純粹想relax游水，呢啲精選泳池酒店都能滿足你同伴侶嘅需要。

最重要係，所有推薦嘅酒店都可以透過Flow App輕鬆預訂，價錢實惠性價比超高，係你哋Daycation嘅完美選擇！

1. 歷山酒店 

歷山酒店室外游泳池絕對係hidden gem！位於北角嘅呢間酒店，泳池同酒店設計融合咗維多利亞色彩同現代格調，住得舒服之餘又有質感。

北角呢個區相對冇咁嘈雜，最啱鍾意靜靜地拍拖、享受二人世界的情侶。附近仲有啱少隱世美食，好似米其林指南推薦嘅順德菜館北角鳳城酒家、創新魚類小食嘅魚事者同每朝新鮮製作豆腐嘅德興隆豆腐店。

星級: ⭐️⭐️⭐️⭐️
房價: HK$550起 / 5小時
地址: 香港北角城市花園道32號
交通: 距離炮台山地鐵站步行約2分鐘
網上預訂: 歷山酒店

2. 香港富麗敦海洋公園酒店 

想要真正嘅度假feel？富麗敦海洋公園酒店絕對係首選！呢間係臨海度假酒店，擁有無邊際泳池Infinity Pool，除咗可以沉醉於南中國海同深灣嘅無敵海景，IG-able度爆燈。酒店頂層仲有兩間佔地1,302平方尺、設有獨立私人室外泳池嘅特色泳池套房！

呢間酒店特別啱想要真正放鬆、遠離city life嘅情侶。香港仔區呢間酒店本身就好似一個小型度假村，游完水可以喺海邊散步，感受下大自然嘅寧靜。啱晒番工返到攰、想要真正休息嘅couple。

星級: ⭐️⭐️⭐️⭐️⭐️
房價: HK$796起 / 4小時
地址: 香港仔海洋公園道88號
交通: 距離海洋公園站約5分鐘車程，需搭接駁巴士
網上預訂: 富麗敦海洋公園酒店

3. 香港康得思酒店 

五星級嘅香港康得思酒店喺頂樓設有20米恒溫游泳池，俾你飽覽九龍區嘅迷人景致！泳池配有暖水按摩池、水底音響系統同光纖燈光系統，夜晚游水特別有feel。酒店入面仲有「川」水療中心，由五行元素同傳統中醫藥汲取靈感，提供一系列水療按摩。

酒店位於旺角核心地段，交通超方便，啱晒鍾意shopping同美食嘅情侶。附近除咗有大埔名物「皇甘栗鮮炒乾果專門店」旺角分店，可以試試人氣招牌栗子雪糕同開心果雪糕。仲有90年代章魚燒始祖店–日船章魚小丸子，滿滿懷舊回憶。游完水可以一齊行街食嘢，體驗旺角嘅熱鬧氣氛。

星級: ⭐️⭐️⭐️⭐️⭐️
房價: HK$880起 / 8小時
地址: 旺角上海街555號
交通: 距離旺角地鐵站步行約3分鐘
網上預訂:香港康得思酒店

4. 香港逸東酒店  

行復古情懷嘅香港逸東酒店唔單止有個摩洛哥風情嘅恆溫游泳池、喺頂層有個露天花園嘅雞尾酒吧，仲集合藝術、音樂、文化於一身。

星期六仲有池邊瑜珈，連活動都幫你plan埋。Book完房記得睇埋活動節目表！呢間酒店特別啱鍾情文化藝術嘅情侶。

星級: ⭐️⭐️⭐️⭐️
房價: HK$504起 / 6小時
地址: 佐敦彌敦道380號
交通: 距離佐敦地鐵站步行約10分鐘
網上預訂: 香港逸東酒店

5. 8度海逸酒店 

8度海逸酒店設計簡約舒適，房間view唔錯，性價比極高，啱哂想慳錢但又唔想hea住過嘅情侶。酒店設施齊全，住得舒服之餘又唔會太貴，係個實用選擇。

最正係酒店位於土瓜灣，周圍有好多小店，例如「日昇小食」嘅韭菜餅同芫茜餅、「珍多美」開心果布甸包、「楚撚記大排檔」等，特別啱鍾情小店同貼地美食嘅couple，可以一齊食勻成條街。

星級: ⭐️⭐️⭐️⭐️
房價: HK$500起 / 6小時
地址: 土瓜灣九龍城道199號
交通: 距離土瓜灣地鐵站步行約10分鐘
網上預訂: 8度海逸酒店

6. 華威酒店 

華威酒店特別適合返四日半、第五日收早嘅情侶。由中環港外線5號碼頭搭30分鐘新渡輪到長洲碼頭，再行約5分鐘就可以沉浸喺海島風情。呢間酒店特別適合靜靜地低調約會。

午後黃昏，可以一齊吹吓海風之餘，長洲亦係尋找童年回憶嘅好地方：允升甜品嘅足料芒果糯米糍、郭錦記50年老字號糕餅店嘅香蕉糕、鮑魚酥、嚤囉酥同雞仔餅，一邊食一邊重溫舊時回憶，你話幾溫馨呢。

星級: ⭐️⭐️⭐️
房價: HK$680起 / 5小時
地址: 長洲東灣路86號
交通: 由中環搭渡輪約30分鐘，再步行5分鐘
網上預訂: 華威酒店

7. 香港帝苑酒店 

香港帝苑酒店天台嘅Sky Pool泳池採用地中海設計，池畔可以遠眺維港景緻，一覽無遺嘅靚景配埋泳池旁邊嘅躺椅，啱哂享受日光浴鬆弛神經。Sky Club水療中心提供專業按摩服務，做完spa瞓個晏覺超舒服。

酒店附近雲集多間高級扒房，包括亨利扒房、Ruth’s Chris Steak House、麗晶扒房同La Vache!等，做完水療瞓完覺，啱啱好夠鐘落樓下食個豐富dinner，完美嘅 Daycation。

星級: ⭐️⭐️⭐️⭐️⭐️
房價: HK$1150起 / 8小時
地址: 尖沙咀麼地道69號
交通: 距離尖沙咀地鐵站步行約4分鐘
網上預訂:香港帝苑酒店

8. 銅鑼灣皇冠假日酒店 

港島收工，分秒必爭嘅情侶搭幾個站就到！銅鑼灣皇冠假日酒店屬於洲際酒店集團旗下、喺28樓頂層設有可以鳥瞰城市美景嘅游泳池，只係距離時代廣場同銅鑼灣站步行均5分鐘。酒店內仲有Google評分4.7/5嘅扒房CARVER，出名以炭烤嘅方法呈現頂級牛扒最真實同獨特嘅風味。

酒店毗鄰牛角姊妹店「好呷台灣火鍋」夜市放題、CACAOLAB爆紅酥皮千層蛋撻、NIKUSA肉佐任食宮城縣產仙台A5霜降黑毛和牛壽喜燒，啱哂識飲識食嘅情侶。

星級: ⭐️⭐️⭐️⭐️
房價: HK$956起 / 6小時
地址: 銅鑼灣禮頓道8號
交通: 距離銅鑼灣地鐵站步行約5分鐘
網上預訂: 銅鑼灣皇冠假日酒店

無論你係想搵個靜靜地Chill吓嘅小角落，定係同另一半拍拖放鬆、影相打卡，香港都有好多高CP值嘅時鐘酒店等緊你發掘。

即刻上 Flow App 睇睇有咩心水選擇，彈性預訂，話咁快就入住，唔洗等夜晚都可以輕鬆享受二人世界！ 👉 立即預訂時鐘酒店｜選擇你最想去嘅時間，同你最想見嘅人見面 。

細細聲話你知， 6大秘密入住方法｜情侶約會要夠 discreet 就睇呢篇

【香港自助餐2025】13大酒店Buffet推薦＋預訂優惠攻略

— 認識Flow —

若只需數小時的住宿或工作空間，為何要預訂一整天？

一個為都市空間而設的預訂平台，Flow為您在日間預訂數小時至半天的酒店或工作空間，作短暫停留。跟傳統整天預訂相比，Flow用戶可節省高達75%的費用。

立即下載Flow App，輕鬆找到附近可供使用的時段酒店或辦公室！

加入Flow Rewards 獎賞計劃，每消費滿 HKD50 即可自動獲取 一個 Reward Point 。於一年內儲滿指定 Reward Points，可升級至金會員或鑽石會員，解鎖更多 特別禮遇。

以上文章內容由 Flow 編輯團隊撰寫，並無受任何報酬或贊助。任何得到報酬或贊助的產品或服務評論均會在相關文章中進行充分披露。

常見問題

更多香港時鐘酒店