6大秘密入住方法｜情侶約會要夠 discreet 就睇呢篇
講私隱就唔可以hea！鐘點酒店原來可以匿名訂房、用加密幣、甚至去7仔俾現金～秘密約會就係咁簡單。推介6個秘密鐘點酒店預訂技巧。「6大秘密入住方法」
2025-05-02
By Choi Yan
情侶約會唔想咁張揚？又或者你只係想搵個空間抖吓氣、放吓空？你並唔孤單。喺香港呢個節奏快、人又多嘅城市，有時我哋只係想搵個低調又舒服嘅地方靜靜地休息下，唔駛解釋太多，唔駛留痕跡，就咁簡單。
於是乎，Flow 推出咗「6 大秘密入住方法」，專為重視私隱同彈性預訂體驗嘅你而設。由匿名訂房、用電子錢包避開信用卡紀錄、甚至現金充值同加密貨幣付款都有得揀。無論你係第一次試鐘點酒店，定係老手熟路都好，今次呢篇文章一定幫到你。
睇落係普通酒店預訂，但呢啲細節位其實正正就係 Flow 最貼心嘅地方。即刻一齊睇下點樣用最 discreet 嘅方式，靜靜哋 book 間靚房，安心享受你嘅專屬空間。
Table of Contents
1. 用「訪客模式」預訂｜免登記、零紀錄
唔想開帳戶都得！用 Flow 嘅「以訪客身份繼續」功能，可以無需註冊成會員就預訂到酒店。
點用？
揀好心水酒店，按「以訪客身份繼續」或直接填寫資料就可以落訂。
點解夠 discreet？
落訂後，網站或 App 上唔會顯示任何預訂紀錄。
適合邊啲人？
首次用戶、臨時想 book 房嘅朋友，或者任何重視私隱嘅你。
2. 用本地電子錢包付款｜唔入月結單
唔想喺信用卡帳單留痕跡？Flow 支援多個香港常用電子錢包，包括八達通、PayMe、AlipayHK 同 WeChat Pay。用呢啲電子錢包付款，交易唔會喺銀行月結單中出現。
好處？
無論用邊個電子錢包，都唔會有帳單記錄。
香港人至愛：
呢啲平台係香港人日常最常用，簡單易用，唔駛教都識。
適合邊啲人？
唔想酒店記錄同信用卡掛鈎嘅用戶。
3. 去 7-11 用現金增值 Flow Dollars｜現金至上最穩陣
想全程用現金？Flow 支援喺全港 7-11 用現金充值 Flow Dollars。
點做？
去任何一間 7-11，報上 Flow 戶口資料，繳付現金就可以增值。
點解夠安全？
用現金完全無電子紀錄，真正做到唔留痕跡。
額外 bonus：
Flow Dollars 可以留返日後再用，彈性高之餘又保護私隱。
適合邊啲人？
鐘意現金交易，唔想有任何網上紀錄嘅你。
4. 自設私隱設定｜隱藏預訂紀錄 + 積分
Flow App 內建私隱選項，可以清除預訂記錄，連會員積分紀錄都可以隱藏。
預訂紀錄：
只要幾個步驟，喺帳戶設定內就可以刪除你過往所有紀錄。
積分隱藏：
即使隱藏積分紀錄，積分照常計算同升級，純粹唔會展示出嚟。
點解好？
就算係會員，用戶都可以自由決定幾多私隱要保留。
適合邊啲人？
成日用 Flow，但唔想被人知太多行蹤嘅熟客。
5. 支援加密貨幣付款｜高端玩家至愛
科技達人注意！Flow App 亦支援以加密貨幣付款，包括 Bitcoin、Ethereum、USDC 等等。無需填寫個人資料，保障你嘅匿名性。
點解咁 secure？
交易經區塊鏈處理，資料加密又去中心化，冇人可以追蹤到付款來源。
適合邊啲人？
熟悉加密技術，注重極致匿名體驗嘅你。
注意：
只限 Flow App 支援此功能。
6. 到酒店現場付款｜唔經卡最安心
想一切面對面搞掂？Flow 嘅部分合作酒店支援「現場付款」選項。
點用？
搜尋時用「到店付款」作篩選，預訂時揀「到店付款」，到時 check-in 再以現金或酒店接受嘅付款方式付款。
夠 discreet 嘅原因：
無需網上付款，無需留下電子交易記錄。
Bonus：
你照樣可以透過 Flow App 預先 reserve 心水房型同時段。
適合邊啲人？
鍾意親身交易或者想避開網上金融紀錄嘅用戶。
目前支援：
現時只有 13 間合作酒店支援到店付款，但我哋會陸續會有更多酒店加入，記得留意！如果你有特定酒店想用呢個功能，歡迎 email 我哋，我哋會優先聯絡嗰間酒店為你安排！
無論你係想靜靜哋享受一個人嘅 me time，定係想同另一半來一場唔受打擾嘅秘密約會，其實都唔需要大費周章。只要揀啱平台、識用啱方法，就可以輕鬆安排一個既貼心又 discreet 嘅鐘點酒店體驗。
Flow 一直明白你重視私隱、追求方便，我哋提供嘅每一項功能，正正就係為咗令你可以「靜靜地入住、放心咁享受」。
想搵返屬於你哋兩個嘅空間？
想一個人 recharge 抖抖氣？
點我預訂你嘅理想入住時段，由你自己決定。
超過 300 間高質酒店及共享工作空間，現已可透過 Flow App 預訂 1 至 12 小時日間時段！最抵可節省高達 75% 全日房價，隨時隨地按你生活節奏靈活安排。
Flow 提供多種私密預訂方式，加上以私隱為先的功能設定，配合一系列優質鐘點及日用酒店，令你每次入住都舒適又低調，真正做到方便又放心。
想享受更聰明、更私密的酒店體驗？Flow，等你開展屬於自己嘅完美短歇旅程。
分享文章
下載Flow