【香港時租情侶酒店2026 】12間推介 | $450 起歎星級設施 (九龍/港島/新界)

其實拍拖唔一定要趕行程嘅，近年好多情侶都興玩 Daycation，搵間高質情侶酒店開房休息吓，喺鬧市入面搵返個專屬空間，鍾意做乜就做乜，舒舒服服咁嘆返幾個鐘。

2026-03-10

By Jamie Wong

【香港時租情侶酒店2026 】12間推介 | $450 起歎星級設施 (九龍/港島/新界)

每逢星期六日都要諗去邊拍拖，諗到頭都大埋？成日行街睇戲食飯，行程悶之餘，想搵個地方靜靜地「過二人世界」都難，屋企又唔方便。

但其實拍拖唔一定要趕行程嘅，近年好多情侶都興玩 Daycation，搵間高質情侶酒店開房休息吓，喺鬧市入面搵返個專屬空間，鍾意做乜就做乜，舒舒服服咁嘆返幾個鐘。

時租情侶酒店就最啱，無論你同另一半係想搵個靚景靚泳池打卡，定係想搵張星級大床瘋狂「叉電」，甚至只係想一對情侶匿喺房睇套戲，都總有一間啱心水，仲可以嘆埋酒店星級設施㗎！

今次我哋就精選咗 12 間 HK$450 至 HK$700 左右嘅熱門推介，環境企理、交通方便，即刻睇吓邊間最啱你哋下次去！

立即跳往：

時租情侶酒店 | 九龍區

想搵個地方「快閃」休息吓？九龍區時租情侶酒店勝在夠晒就腳，無論係收工即刻過嚟、同朋友聚會前後想搵地方歇腳，定係純粹想喺旺角、尖沙咀行街行到攰，隨時上返酒店房休息都咁方便。

1. 旺角智選假日酒店 HolidayInn Express

如果你同另一半係「品牌控」，揀情侶酒店最緊要乾淨同有保證，咁呢間位於旺角同油麻地交界嘅 Holiday Inn Express 就係穩陣之選。一入去個感覺就係優雅又舒服，真係會令人以為自己去咗轉旅行 Short Stay。

地點方面直頭係無得輸，行 5 分鐘就到油麻地地鐵站，樓下就係女人街、廟街同朗豪坊，行完街食飽後上房「攤吓」睇套戲就最正。房內仲有部 32 吋電視同埋 WiFi，係旺角區內非常方便又有品牌質素保證嘅 Daycation 選擇，性價比極高。

房價： HK$513 起 / 4 小時

星級： ⭐⭐⭐⭐

地址：旺角登打士街 1 號 ( Google Map Link )

網上預訂：旺角智選假日酒店

💡 想睇更多旺角區時租酒店？即刻去 Flow 旺角時租酒店揀啱心水！

2. 8度海逸酒店 Habour Plaza 8 Degrees

如果你同另一半準備去新開嘅啟德體藝館睇演唱會或者睇波，咁位於土瓜灣嘅 8 度海逸酒店絕對係最強「後勤基地」。呢度 6 小時時租只需 $550 起，喺市區搵到四星級質素真係無得彈。房入面裝修好摩登，最啱情侶靜靜地沖杯咖啡、斟吓茶，望住個園景或海景過返個悠悠閒嘅下晝。

如果想舒展吓筋骨，酒店仲有齊健身室同埋個露天泳池畀你哋用。時間充裕嘅話，仲可以去埋啟德海濱花園散步「行個圈」，吹吓海風。至於交通方面，雖然佢唔係喺地鐵站正門口，但由宋皇臺站行過去都係 6-8 分鐘左右，當係熱吓身，地點都算幾就腳！

房價： HK$550 起 / 6 小時

星級： ⭐⭐⭐⭐

地址： 土瓜灣九龍城道 199 號 ( Google Map Link )

交通： 港鐵宋皇臺站 D 出口步行約 6-8 分鐘

網上預訂： 8 度海逸酒店

💡 想睇更多九龍城區時租情侶酒店？即刻去 Flow 九龍城時租酒店揀啱心水！

3. 馬哥孛羅香港酒店 Marco Polo Hong Kong Hotel

呢間五星級情侶酒店簡直係「時租界」嘅天花板！如果你同另一半想慶祝紀念日或者生日，又或者單純想「豪嘆」一次五星級嘅舒適度，呢度 6 小時都只係 $680 起。連一千蚊都唔使就住到名牌酒店，仲要係尖沙咀中心地帶，直頭係正到爆。傳聞就連網絡才子葉朗程，都曾經喺度為女朋友慶祝生日！

酒店位置直頭無得輸，就喺海港城入面，行完名店或者去完天星碼頭散步，行兩步就上到房。房入面空間感十足，仲可以俯瞰維港或者尖沙咀嘅無敵靚景，影相打卡一流。如果想再 Chill 啲，記得落埋去佢哋個室外泳池游吓水，或者去健身中心出一身汗。

房價： HK$680 起 / 6 小時

星級： ⭐⭐⭐⭐⭐

地址： 尖沙咀海港城廣東道 3 號 ( Google Map Link )

交通： 尖沙咀站 L6 出口步行約 5 分鐘

網上預訂： 馬哥孛羅香港酒店

4. 香港逸東酒店 Eaton HK

Eaton HK 一早已經搖身一變成為文青最愛嘅聚腳點，將藝術、音樂同創意結合兼玩到極致。成間酒店嘅設計靈感嚟自 90 年代王家衛電影中的老香港，復古港味令每個角落都係打卡位，啱哂情侶留念。房入面除咗有 43 吋高清智能電視之外，仲用咗好多可持續物料同本地藝術品裝飾，由內到外都領先喺潮流尖端。

拍拖嚟呢度，最推介去天台音樂吧「Terrible Baby」，喺個戶外露台飲杯嘢、望住成個佐敦街景吹風，氣氛真係無得彈，定期仲有唔同嘅表演睇。如果肚餓，一定要試吓連續六年拎到米芝蓮一星嘅「逸東軒」，裝修似足舊上海餐館，精緻粵菜真係「唔睇都食吓啦」。

房價： HK$531 起 / 8 小時

星級： ⭐⭐⭐⭐

地址： 九龍佐敦彌敦道 380 號 ( Google Map Link )

交通： 佐敦站 B1 出口步行約 5 分鐘

網上預訂： 香港逸東酒店

💡 想睇更多佐敦區時租酒店？即刻去 Flow 佐敦時租酒店揀啱心水！

時租情侶酒店 | 港島區

雖然呢度係金融重地，中環出入嘅都係中高產，但其實只要識搵，港島多區都有好多性價比高嘅情侶酒店選擇。無論係想喺繁忙商區搵個私密空間「叉吓電」，定係想住得體面啲過二人世界，都一樣搵到質素保證嘅高質時租房。

5. 宜必思香港中上環酒店 Ibis Hong Kong Central & Sheung Wan

如果你同另一半平日都係港島區出沒，想搵間有質素保證、唔會「中伏」嘅連鎖品牌「叉吓電」，呢度 6 小時時租由 $700 零蚊起，就可以享受到五星級都未必有嘅無敵海景，啱哂情侶浪漫一番！

酒店貫徹 ibis 嗰種時尚簡約風，全部房都係用木地板，感覺乾淨企理。房入面雖然有部 32 吋電視，但你哋嚟到都未必會睇，因為最正係個景——你可以同另一半坐喺大玻璃窗邊，望住維港海景，飲杯嘢「Chill 下」，浪漫感即刻爆升。

落到樓下就係充滿文藝氣息嘅上環。你哋可以先去附近嘅摩羅街尋寶行吓，再去啲新開嘅特色 Cafe 飲杯手沖咖啡，或者去附近嘅海濱長廊散步吹吓海風睇日落。

或者最推介去埋榮獲 Asia’s Best 50 第一名嘅 Bar Leone 飲返杯世一雞尾酒，由朝到晚都唔會悶！

房價： HK$752 起 / 6 小時

星級： ⭐⭐⭐⭐

地址： 上環德輔道西 28 號 ( Google Map Link )

交通： 上環站 C 出口步行約 8 分鐘

網上預訂： 宜必思香港中上環酒店

💡 想睇更多中上環區時租酒店？即刻去 Flow 中上環時租酒店揀啱心水！

6. 蘭桂坊酒店@九如坊 Lan Kwai Fong Hotel @ Kau U Fong

聽個名就知道位置有幾正！呢間酒店走「精品路線」，裝修融合咗現代舒適同東方韻味，住入去嗰種「Boutique Hotel」嘅格調，同連鎖酒店觀感完全唔同。呢度仲有間米芝蓮高級粵菜「名人坊」，如果你哋係識食情侶，直頭可以嚟一場星級味蕾之旅。

最推薦嘅「中環人」玩法：下晝先喺房舒舒服服休息，Check in 前有時間仲可以去埋畫廊睇藝術品、大館行下展覽，而夜晚 Check out一落樓就係老蘭嘅心臟地帶。今次仲唔係蘭桂坊嘅「日與夜」都俾你玩晒？

房價： HK$708 起 / 4 小時

星級： ⭐⭐⭐⭐

地址： 中環九如坊 3 號 ( Google Map Link )

交通： 上環站 E2 出口步行約 5 分鐘

網上預訂： 蘭桂坊酒店@九如坊

7. 港島英迪格酒店 Hotel Indigo

如果你哋係鍾意設計感、追求現代簡約風嘅情侶，呢度就啱晒啦！情侶酒店以老灣仔為設計靈感，而房入面裝修簡約和諧，但配套做得好足，由 Nespresso 咖啡機到電視一應俱全。

設施方面更加係「加分位」，屋頂個無邊際泳池同 29 樓嘅 Sky Bar 絕對係重點，記得一定要去打卡，唔打卡同無去過真係無分別！ 加上揀啱房型仲可以望住翠綠山景，喺繁華嘅皇后大道東搵到呢份寧靜，真係好難得。

休息完一輪，想親近吓大自然？從酒店隔離出發，經「舊灣仔郵政局」旁邊嘅灣仔峽道直行上斜，大約 15 分鐘就到 寶雲道 (Bowen Road)。呢度全程平路，可以飽覽由灣仔到中環嘅全景，空氣好到不得了！仲可以令呢次 Daycation 更加豐富。

房價： HK$750 起 / 5 小時

星級： ⭐⭐⭐⭐

地址： 灣仔皇后大道東 246 號 ( Google Map Link )

交通： 灣仔站 A3 出口步行約 5 分鐘

網上預訂： 港島英迪格酒店

💡 想睇更多灣仔區時租酒店？即刻去 Flow 灣仔時租酒店揀啱心水！

8. 富豪香港酒店 Regal Hongkong Hotel

雖然它是老牌五星級酒店，但時租 4 小時竟然只需 $440 左右，平均每小時一百蚊左右就可以在銅鑼灣鬧市搵到個豪華落腳點，簡直是情侶們的福音。

酒店裝修走歐陸典雅風，採光極好。最正的是部分房型可以望到翠綠的維多利亞公園全景，甚至可以看到海港景色。如果你們想暫時遠離鬧市喧囂，一定要上頂樓的泳池睇吓，一邊游水一邊俯瞰銅鑼灣大都會嘅迷人景致，那種五星級情侶酒店的享受真係無得彈。

住呢度仲有一樣方便的地方，就是「落樓就有好嘢食」。如果你們想食地道風味，行兩步就到大名鼎鼎的 榮記車仔麵，食返碗濃味滷水湯底。

想行街的話，轉個彎就是 IKEA，可以順便行吓家品、買雪糕食；如果唔想喺出面同人迫，酒店附近仲有大型超市，買定一堆零食同嘢飲返房慢慢過二人世界，彈性極大！

房價： HK$442 起 / 4 小時

星級： ⭐⭐⭐⭐⭐

地址： 銅鑼灣怡和街 88 號 ( Google Map Link )

交通： 銅鑼灣站 F1 出口步行約 5 分鐘

網上預訂： 富豪香港酒店

💡 想睇更多銅鑼灣區時租酒店？即刻去 Flow 銅鑼灣時租酒店揀啱心水！

時租情侶酒店 | 新界區

想同另一半過二人世界，又唔想下下「長途跋涉」出九龍？其實新界區收埋咗好多隱世嘅高質情侶酒店！無論係想玩得有型嘅文青工業風，定係追求性價比高嘅大空間，新界區嘅 Daycation 選擇隨時帶畀你驚喜，輕鬆打造一個難忘又 Chill 嘅專屬假期。

9. The Pier Hotel

呢間 The Pier Hotel 真係不得了，如果情侶們想遠離市區嗰種壓迫感，呢度絕對係首選。酒店座落喺有「香港後花園」之稱嘅西貢白沙灣，最正係個海景，一望出去就係白沙灣碼頭同密密麻麻嘅遊艇，嗰種置身外國度假村嘅感覺，喺市區酒店真係搵唔到。

房入面配套非常「到位」，除咗有高級寢具，最啱情侶嘅係部智能電視，可以 login 自己嘅串流平台睇戲，過一個私密度極高嘅 Movie Night。而且仲可以享用到 4 星級豪華設施，包括個天台花園同戶外泳池，浪漫指數爆燈！

呢度玩法亦好彈性：如果你哋係「行動派」，可以先去西貢行山或者玩完水上活動，下午 4 點後先入嚟酒店沖個涼、休息吓。又或者你哋鍾意中午 12 點過嚟「避世」，到夜晚 6 點後 Check-out，坐 6 分鐘車就去到西貢海濱長廊同海鮮街，喺附近嘅酒吧飲杯嘢，或者食餐豐富嘅海鮮大餐。

房價： HK$727 起 / 6 小時

星級： ⭐⭐⭐⭐

地址： 西貢白沙灣街 9 號 ( Google Map Link )

交通： 有接駁車往返市區，自駕就更加 Perfect（附近有停車位）

網上預訂： The Pier Hotel

💡 想睇更多西貢區時租酒店？即刻去 Flow 西貢時租酒店揀啱心水！

10. 香港黃金海岸酒店 Gold Coast Hotel

呢度直頭係新界西嘅「渡假神店」！如果你同另一半想搵個地方「偽出國」，呢度嘅南歐風情同棕櫚樹景，真係會令你以為自己去咗歐陸小島。房入面空間感十足，仲要有埋大理石衛浴同浴缸畀你慢慢浸，最正係大玻璃窗望出去就係無敵海景或者遊艇會景，視覺享受一流。

設施方面亦非常全面，除咗室外泳池，仲有水上樂園同健身中心，就算只係嚟 Staycation 幾小時都唔會悶。喺酒店「充電」完之後，可以去埋隔離嘅黃金海岸商場或者黃金泳灘散吓步。黃金泳灘係香港少有嘅人工沙灘，沙質幼細，黃昏時分睇住個日落慢慢沉入海平線，浪漫指數絕對爆燈！玩完一日，你會發覺原來屯門都可以玩得咁有 Quality。

房價： HK$557 起 / 6 小時

星級： ⭐⭐⭐⭐

地址： 屯門黃金海岸青山公路 1 號 ( Google Map Link )

交通： 接駁巴士往來尖沙咀，西九龍總站及酒店，自駕亦非常方便

網上預訂： 香港黃金海岸酒店

💡 想睇更多屯門區時租酒店？即刻去 Flow 屯門時租酒店揀啱心水！

11. 香港荃灣帝盛酒店 Dorsett Tsuen Wan

千祈唔好被佢傳統嘅玻璃窗外牆呃到，入到去原來設計咁摩登，大堂仲有個超 Grand 嘅大樓梯，打卡一流！重點係佢提供多個時段 Check-in，無論你哋想下晝「避世」定夜晚「快閃」，彈性都大到極，完全配合到你哋嘅行程。

既然係慶祝或者想對自己好啲，我強烈建議情侶們直接揀佢哋嘅套房 (Suite)！套房空間感大好多，仲有埋獨立客廳，兩個人喺入面 6 小時慢慢玩、睇戲、甚至叫外賣返嚟開餐都完全唔會覺得有壓迫感。不過要留意，酒店響應環保，房內唔會主動提供牙刷牙膏等一次性用品，記得同另一半自備「私家」洗漱包，環保之餘又衛生。