香港夜景攻略2025：10個情侶必去浪漫夜景 | 最新Flydining 預約 | 免費好去處 | 新興夜景

享受香港夜景嘅方法法有好多，由最經典嘅星光大道維港景色到隱藏山頂秘境，每個角度都有獨特嘅魅力。今次Flow App 小編為大家精選10個唔同價位、唔同視角嘅浪漫夜景好去處，有平有貴、有山有海，俾你哋發掘更多驚喜選擇，為你哋摸黑談心增添另一重質感。

1. 西九文化區藝術公園 – 現代版維港夜景

西九文化區嘅海濱長廊提供180度無遮擋港島天際線視角，比傳統觀景點更開揚寬敞。夜晚喺草地上面攤張野餐墊，拎住杯咖啡同另一半慢慢傾計，現代藝術裝置作背景，個感覺既浪漫又有文化氣息。呢度嘅夜景角度獨特，可以同時欣賞到M+博物館嘅建築燈光同遠方嘅維港景色，形成層次豐富嘅夜景構圖。

附近仲有M+博物館、香港故宮文化博物館同Freespace藝術空間，可以計劃埋一個充滿文化氣息嘅約會行程，先參觀展覽再到海濱欣賞夜景。鍾意手工啤嘅朋友可以去埋附近嘅留白Livehouse飲返杯。

價錢： 免費
交通： 九龍站E4出口步行10分鐘

2. Qura Bar – 帶古典美嘅海景酒吧體驗

稀有古董酒、雪茄、海景，你同另一半？新開張嘅麗晶酒店Qura Bar以Art Deco風格設計配上一流維港景色，為夜景體驗注入全新元素。雞尾酒由HK$220起，落地玻璃窗設計令你好似置身於海上一樣，每一杯精心調製嘅cocktail都配合住窗外閃爍嘅城市燈火。呢度嘅夜景視野遼闊，特別係入夜後燈火通明嘅港島天際線，配上酒吧內柔和嘅燈光，營造出極致奢華嘅浪漫氛圍。

附近就係星光大道、香港太空館同The ONE購物中心，而且步行範圍內仲有Aqua同Felix等知名酒吧，可以安排一個豐富嘅尖沙咀夜遊行程。

價錢： HK$500+/ 人
交通： 尖沙咀站J2出口行8分鐘

3. Ozone Bar – 世界最高空中酒吧

講到環迴夜景，點可以唔提ICC 118樓Ritz-Carlton嘅Ozone Bar？市中心嘅伊甸園貴為全球最高嘅天台吧，個view真係無得輸。企喺度你會覺得成個香港踩咗喺腳下，由維港兩岸嘅高樓，望到遠處山嶺嘅燈火，個畫面真係好震撼。黃昏時段嚟，睇住個天由橙變紫，然後成個城市啲燈一盞盞咁著起，萬家燈食，再食住西班牙菜同日本菜，飲返杯cocktail，呢種感覺，真係好啱晚間約會。

附近有米芝蓮一星餐廳Tosca同酒店頂層高級中菜餐廳天外天Above & Beyond，絕對係奢華夜遊嘅完美地點。 

價錢： HK$500+/ 人
交通： 九龍站C1出口直達

4. FlyDining 空中餐廳 – 極限夜景體驗

食得多Fine Dining覺得好似差敢少少新鮮感想試下第二樣？冇問題。全港最新最爆嘅FlyDining 你試過未？佢哋會用吊臂將你同張餐枱吊上半空48米，堅係城中熱話！喺半空食飯，腳下就係香港嘅璀璨燈海，嗰種刺激又浪漫嘅感覺，真係非筆墨所能形容。呢個體驗唔單止係睇景，直頭係挑戰膽量！45分鐘午/晚餐體驗盛惠HK$1,560。提提你，呢個「talk of the town」體驗真係超搶手，想試就快啲去登記後補位喇！

價錢： HK$690起/ 人
交通： 地點尚待公布

5. 嘉頓山 – 懷舊情懷夜景

深水埗嘉頓山提供獨特嘅地道夜景視角，俯瞰密麻麻嘅舊樓群同霓虹招牌，呢種充滿懷舊情懷嘅香港夜景特別有味道。行15分鐘輕鬆登頂，可以欣賞到最地道嘅香港夜景。喺呢個角度睇到嘅城市燈火有種溫暖嘅親切感。特別係夜晚時分，舊區嘅街燈同住宅燈光交織成溫馨嘅夜景畫面，令人想起香港嘅人情味同歷史痕跡。

附近有唔少深水埗名物，包括合益泰小食、坤記糕品廠呢啲傳統老字號同埋米芝蓮必比登推介嘅添好運點心專門店。

價錢： 免費
交通： 深水埗站D2出口行15分鐘

6.  寶馬山 – 攝影師秘密基地

攝影師嘅私藏香港夜景勝地！寶馬山俯瞰銅鑼灣同九龍嘅雙向夜景，角度獨特又相對寧靜。呢度嘅夜景層次豐富，可以同時欣賞到維港兩岸嘅繁華燈火，特別係銅鑼灣嘅商業區夜景同對岸尖沙咀嘅燈光，形成對比強烈嘅視覺效果。夜晚嚟呢度有私人空間嘅感覺，啱哂想要安靜欣賞夜景嘅情侶，而且呢度嘅攝影角度一流，可以影到好多靚相留念。

睇完夜景可以上香港維港凱悅尚萃酒店嘅rooftop bar  Cruise 慢慢傾。逢星期一仲有蠔筵盛會，俾你哋無限暢享即開生蠔。

價錢： 免費
交通： 炮台山站步行20分鐘

💕 想隨時隨地book間情侶時鐘酒店嚟個 little escape？下載Flow 酒店 App，tap tap tap 就book 好你嘅romantic getaway！

7. PANO餐廳 – 西九法國菜Fine Dining餐廳

西九PANO餐廳出名方法國菜fine dining 同無敵落地大玻璃景。建議你哋book黃昏時段，可以由日落睇到華燈初上，成個維港喺你面前慢慢亮起，再配上主廚精心設計嘅menu，如果係慶祝紀念日或者生日，嚟呢度基本上唔會失手。

同樣位於西九文化區，附近有ICC同圓方購物中心，而且可以配合Ozone等高級酒吧安排一個奢華嘅西九夜遊體驗。

價錢： HK$500+/ 人
交通： 九龍站E4出口行20分鐘

8. The Aubrey 日式風情高空夜景

文華東方酒店25樓嘅The Aubrey 係亞洲 50 大酒吧之一，佢地將日本居酒屋文化帶到高空，三個不同主題房間各自配上中環夜景，營造出獨特嘅東瀛風情夜景體驗。喺呢度可以俯瞰中環商業區嘅璀璨夜色，國際金融中心IFC同中銀大廈等摩天大樓嘅燈光與居酒屋嘅溫暖氛圍形成有趣對比。

The Aubrey 設有Omakase 雞尾酒體驗之餘，依家仲有同群馬縣小型清酒釀酒廠土田酒造合作嘅純米酒搭配餐單。精緻日本料理配上25樓高度嘅夜景視野同美酒，令成個用餐體驗充滿日式浪漫情調。附近有IFC同中環碼頭，食飽可以遊返個天星小輪船河，近距離欣賞呢個世界知名嘅夜景。

價錢：  HK$500+/ 人
交通： 中環站H出口行1分鐘

9. Terrible Baby天台 – 文青情侶夜景蒲點

Eaton Hotel嘅天台酒吧Terrible Baby有著輕鬆藝術氛圍，喺戶外露台可以欣賞到佐敦街景夜色。呢度嘅夜景雖然唔係維港，但係城市街道夜景別有一番味道，霓虹招牌同街燈營造出地道嘅香港夜晚氛圍。價錢相對親民，創意雞尾酒同retro裝潢深受文青情侶歡迎，配上天台嘅開放感同城市夜景，係chill住傾計睇夜景嘅好選擇。

附近有廟街夜市、油麻地戲院，同埋天台酒吧Horizonte Lounge俾你哋繼續下場節目。

價錢： HK$100起
交通： 佐敦站步行3分鐘

10. 大浪灣海邊 – 遠離繁囂觀星夜景

西貢大浪灣嘅四個沙灘提供香港難得嘅觀星夜景體驗，完全遠離城市光害。雖然需要行山約1小時，但係到達後嘅夜空景觀絕對值得，滿天繁星配上海浪聲，同另一半一齊數星星絕對係最浪漫嘅夜景體驗。呢度嘅夜景唔係城市燈火，而係無光害環境下嘅自然星空，月光照射下嘅海面波光粼粼，配上山嘅輪廓剪影，形成寧靜優美嘅夜景畫面。記住帶足夠裝備同電筒，享受呢個遠離繁囂嘅星空夜景！

西貢市中心有海鮮街同萬宜水庫，方便你安排一個西貢一日遊，日頭遊西貢食海鮮，夜晚就去大浪灣觀星賞夜景。

價錢： 免費
交通： 西貢巴士站轉的士至起步點

同場加映 拍拖好去處|香港15個情侶約會活動推介 | 室內活動/戶外體驗/最新米芝蓮三星餐廳

香港情侶拍拖夜景小貼士

Plan行程之前，記得用Flow App睇埋附近有咩時租酒店，玩到攰可以一齊休息，延續美好時光。睇夜景係一種豐儉由人嘅拍拖節目，平平地行山上山頂，夠貼地；Book Flydining 高空慶祝，夠特別。最緊要嘅係搵樣啱你同另一半喜好嘅活動，咁就可以開開心心享受你哋嘅專屬時間。啲夜景咁靚，成晚流流長，想促膝長談嘅可以上Flow App 睇睇有咩心水選擇，彈性預訂，想傾幾耐都得啦！快啲share 俾你另一半，問吓佢想去邊啦！

同場加映 泳池酒店攻略｜2025年香港8間泳池酒店推介｜情侶 daycation 必睇

想隨時隨地book到心水酒店？立即下載Flow App，即興約都冇問題！

無論係last minute還是提前計劃，Flow App 都幫你搵到最啱嘅價錢同時間，令你哋嘅約會更精彩！💕

— 認識Flow —

想有個完美嘅情侶時鐘酒店體驗？記住提前用Flow App預訂酒店，唔單止價格透明，仲可以即時確認房間供應情況。呢個App專門為時租酒店而設，比傳統酒店預訂方式更方便快捷。

部分熱門時段有機會客滿，建議大家彈性選擇日期。另外，留意每間酒店嘅特色設施，揀選最適合自己需要嘅房間。

無論你想體驗咩風格嘅約會，Daycation都為香港情侶打開嘅一扇窗。日租酒店唔單止係一個俾你同另一半短暫下塌嘅地方，更加係一個為一段關係增添情趣嘅場景。即刻下載Flow App，輕鬆預訂全港多間星級酒店嘅彈性時段。心動不如行動！

以上文章內容由 Flow 編輯團隊撰寫，並無受任何報酬或贊助。任何得到報酬或贊助的產品或服務評論均會在相關文章中進行充分披露。

常見問題

更多香港時鐘酒店