拍拖好去處|香港15個情侶約會活動推介 | 室內活動/戶外體驗/最新米芝蓮三星餐廳

雖然香港地方細細交通方便，但因為都市人工作忙碌，令到好多情侶一星期見面時間有限，大家都希望見面嘅時候有quality time，留低難忘嘅回憶。搵拍拖好去處其實都幾考功夫，想要新鮮感又想嘗試唔同體驗，好多時搵搵下反而睇到花多眼亂。週末去邊好？Flow App 小編幫你嚴選咗15個2025年香港最受歡迎嘅情侶約會活動，涵蓋室內溫馨workshop到戶外刺激冒險，由平民價格到fine dining體驗，滿足不同喜好同預算嘅情侶。務求令每次約會都帶嚟新驚喜，俾你哋真正享受專屬嘅甜蜜時光！

室內情侶約會活動

1. Let it be the Best Workshop 銀器工作坊 | 情侶手作體驗

拍拖整戒指手鐲咁嘅手作活動，講真係好多couple都試過啦！不過Let it be the Best Workshop呢間銀器工作坊就真係有啲特別，因為你哋可以學埋香港銀器嘅歷史文化。導師會教你哋用鎚紋呢啲傳統技巧，慢慢整出屬於自己嘅戒指或手鐲。工作室環境幾舒服，可以靜靜地做手作傾計。就算係冇飾品製作經驗嘅參加者都可以輕鬆完成，啱哂準備結婚或者慶祝紀念日嘅情侶。

工作坊日期： 星期二、三、四、六日

消費預算： HK$850/人

2. ABC Cooking Studio 情侶烹飪班 | 室內約會活動

聽聞亞洲人嘅love language 係食物。ABC Cooking Studio最近喺銅鑼灣希慎廣場重開，推出咗好多夏日新menu！一齊下廚真係好啱鍾意食嘢、唔係一齊住又或者平時返工忙到冇時間煮飯嘅couple，由準備食料到煮到上枱，每個步驟都可以分工合作。佢哋會教日式、韓式同西式料理，新手都唔使驚，有專業廚師從旁指導。最正係可以即場食返自己整嘅嘢，學到嘢又食得開心。Double date都ok!

消費預算： HK$380起/人

3. Just Climb室內攀石 | 情侶運動約會

拍拖嘅公式——食飯、睇戲、行街——係時候要打破啦。想製造啲真正嘅回憶？試下 Just Climb。新手最驚就係出醜，但呢度嘅樂趣正正就係在於「雞手鴨腳」。望住對方為咗搵個落腳點而諗到皺晒眉，總好過各自喺度碌手機。攀石唔只係運動，更係要兩個人合作嘅小任務，望住對方認真嘅樣，可能仲心動過睇愛情片。

開放時間： 星期一至五 12:00-23:00，週末 10:00-23:00

消費預算： HK$278/人

Flow App精選咗香港各區優質酒店，價錢透明、預訂簡單，仲可以即時確認。下次同另一半出去玩完想休息，記得用Flow App搵個舒適嘅地方充電，為你哋嘅約會畫上完美句號！

4. Ski Tech Hong Kong室內滑雪 | 獨特室內體驗

三十幾度嘅夏天，香港嘅柏油路都就嚟溶。呢個時候，最醒嘅約會地點，就係Ski Tech。唔好期望有北海道嘅壯闊，但係當外面熱到黐線，呢度嘅冷氣同白色嘅滑雪道就係天堂。重點唔係要滑得幾叻，而係有個藉口可以著下冬天衫、飲杯熱朱古力，喺香港嘅夏天享受一下「冬日限定」嘅感覺。呢種反差感，夠你哋影相 post 上 IG 呃 like 呃足一個禮拜。

開放時間： 每日 10:00-22:00

消費預算： HK$1280/人

5. 香港故宮文化博物館 | 文青情侶體驗

文青couple嘅必去地點！香港故宮文化博物館依家有中國飲食文化文物展，同埋「天方奇毯──伊斯蘭與世界文明的交織」展覽，喜歡歷史文化嘅情侶可以慢慢行慢慢傾，輕輕鬆鬆靜靜地拍拖。

消費預算： HK$70-180/人

開館日子： 星期一、三至日 10:00-18:00，星期六 10:00-20:00（星期二休館）

戶外拍拖好去處

6. 螢火蟲觀賞 | 情侶戶外活動

「 好似你呢啲咁出色嘅另一半，無論喺邊度，都好似漆黑中嘅螢火蟲一樣，咁鮮明，咁出眾。」講完呢句對白，唔好齋講，做啦！好多人唔知，香港嘅郊野其實收埋咗好多「小燈籠」。六月夜晚，去大埔滘或者大帽山行個圈，你會發現成條路都係驚喜。唔使開手機電筒，拖實佢，等螢火蟲幫你哋照路。呢種戲入面先有嘅情節，現實都可以發生。

消費預算： 免費（只需交通費）

7. 淺水灣Wakesurfing | 夏日情侶水上活動

冇落過水嘅夏天點算係夏天啊？無論係西貢、大埔、大嶼山定淺水灣都可以租艇出海滑水。初學者有專業教練指導，如果想同伴侶挑戰新事物，嘗試刺激好玩嘅體驗，咁就要趁今個夏天要把握機會一齊濕身。

消費預算： HK$1100/兩小時（包教練指導）

8. 紅花嶺Glamping | 情侶戶外活動

想要真正嘅二人世界？紅花嶺除咗有人氣Ogawa 日系小山屋同北歐精靈村，仲有夏日限定嘅汽車露營。想玩簡單glamping 得，車中泊又得。

夜晚一齊睇星星，朝早一齊睇日出，遠離煩囂得嚟又唔洗做太多準備功夫就可以浪漫一番。

消費預算： HK$1200-2000/晚

最新約會熱點

9. 巴西狂歡節2025 | 最新約會熱點

世界聞名嘅巴西狂歡節今年首次嚟到香港！6月20-29日期間除咗有森巴舞、雷鬼鼓樂表演，仲有巴西戰舞同花式足球show。6月27-29日會喺AIA Vitality公園有大型慶典。送俾鍾意熱鬧氣氛、音樂舞蹈，或者想體驗南美文化嘅情侶。千祈唔好錯過呢個熱情如火嘅嘉年華！

開放時間： 6月20-29日（詳細時間需查詢官方資料）

消費預算： HK$200-400/人

10. Groundswell浪谷 Airside | 最新室內約會熱點

啟德新地標Airside最新開幕嘅Groundswell浪谷絕對係同另一半製造心跳回憶嘅好地方！呢度結合咗餐廳、酒吧同室內衝浪與一身。玩到攰可以一齊坐低飲返杯雞尾酒，享受海灘邊小餐館風情嘅美食。平日工作壓力大嘅情侶可以一齊喺悠閒嘅氣氛中hea吓。

消費預算： 一小時單次課程：港幣500元

開放時間： 每日 11:30-22:00

獨特浪漫體驗

11. 直升機觀光 | 空中俯瞰香港

有啲咩體驗係令人又震撼、又緊張、又興奮？包機！坐直升機由另一個角度欣賞香港美景⋯⋯維港、太平山、中環全部景色一覽無遺。準備慶祝生日、紀念日或者求婚嘅情侶不妨考慮吓。

開放時間： 需提前預約（視天氣情況而定）

消費預算： HK$3700 起

12. 私人遊艇 | 海上約會

租返隻小型西式遊艇遊返個日間船河，一邊欣賞景色，一邊享受海風。遊艇上通常有飲品小食，仲可以播自己鍾意嘅音樂。啱哂想要高私隱度，靜靜地relax 、傾吓計嘅情侶。

消費預算： HK$7000/日

13. 天文館 | 浪漫體驗

你知唔知有咩地方係細細個去好好玩，大個去仲好玩？係尖沙咀嘅太空館！唔好以為係細個先去嘅地方。試諗下，同另一半挨喺舒服嘅凳度，成個宇宙喺你頭頂上演。無論係講宇宙起源嘅《星圖旅航》，定係帶你返去恐龍時代嘅《暴龍傳奇》，個種震撼感真係好難形容。冷氣又夠凍，氣氛又浪漫，絕對係性價比極高嘅拍拖選擇。

開放時間： 星期一、三至五 13:00-21:00，週末及公眾假期 10:00-21:00（星期二休館）

消費預算： HK$30-40/人

情侶Fine Dining

14. La Vache! 山頂分店 | 情侶餐廳

講到睇夜景食扒，山頂La Vache! 嘅新分店真係無得輸。個景靚到喊就基本啦，但佢哋嘅牛扒同任食薯條先係主角！塊肉眼扒次次都煮到啱啱好，配埋個秘製醬汁，真係會食上癮。成件事好簡單，就係沙律、牛扒、薯條，但就係咁先夠經典。人均唔使一千蚊就可以喺山頂享受咁嘅質素同夜景，老實講，CP值高到嚇親人。

開放時間： 每日 12:00-15:00, 18:00-23:00

消費預算： HK$800-1200/人

15. Amber 米芝蓮三星 | 情侶Fine Dining

位於文華東方酒店七樓嘅Amber喺2025年終於得到米芝蓮三星。餐廳設計彩用香檳米白色為主色調，風格簡約現代化。Amber嘅晚餐有六道式或八道式菜單。餐廳以頂級食材，例如赤海膽、藍龍蝦、平原雞同乳鴿等，配合法式技巧入饌。菜單不含乳製品且肉類比例較低，仲採用本地有機食材，亦提供素食選擇。喜歡精緻餐飲嘅情侶真係要快啲book位。

開放時間： 星期二至六 12:00-14:30, 19:00-21:30

消費預算： HK$2500-3500/人

無論你係想搵個靜靜地Chill吓嘅小角落，定係同另一半拍拖放鬆、影相打卡，香港都有好多高CP值嘅時鐘酒店等緊你發掘。即刻上 Flow App 睇睇有咩心水選擇，彈性預訂，話咁快就入住，唔洗等夜晚都可以輕鬆享受二人世界！ 👉 立即預訂時鐘酒店｜選擇你最想去嘅時間，同你最想見嘅人見面 。

以上文章內容由 Flow 編輯團隊撰寫，並無受任何報酬或贊助。任何得到報酬或贊助的產品或服務評論均會在相關文章中進行充分披露。

細細聲話你知， 6大秘密入住方法｜情侶約會要夠 discreet 就睇呢篇

【香港自助餐2025】13大酒店Buffet推薦＋預訂優惠攻略

— 認識Flow —

約會計劃好晒，但係想搵個地方休息吓？Flow App係香港首個時租酒店預訂平台，提供彈性時租服務，無論係2小時短daycation定過夜，你都可以喺app輕鬆book到心水酒店。特別啱去咗上面呢啲拍拖好去處之後，想要私人空間relax一下嘅情侶。

同傳統整天預訂相比，Flow用戶可節省高達75%嘅費用。

立即下載Flow App，令下一個date night 更加fun！立即下載Flow App，輕鬆找到附近可供使用的時段酒店或辦公室！

加入Flow Rewards 獎賞計劃，每消費滿 HKD50 即可自動獲取 一個 Reward Point 。於一年內儲滿指定 Reward Points，可升級至金會員或鑽石會員，解鎖更多 特別禮遇。

常見問題

更多香港時鐘酒店