時租酒店係五星級酒店？【12 間高 CP 值 Daycation 酒店推介】(港/九/新界酒店)
想搵九龍區時租酒店、香港島時租酒店，定係新界區？Flow 幫你整合 12 間高CP值、方便、適合 Daycation 嘅時租酒店推介。無論你係想搵平價日間酒店，定係豪華五星級酒店 hea 吓，即睇我哋嘅懶人包，用 Flow App 輕鬆 book 房叉電！
2025-11-11
By Yi
日日返工返學咁攰，有時真係好想搵個地方靜靜哋叉電，或者同另一半sweet吓過二人世界。但香港地寸金尺土，想搵個私人空間唔通吓吓都要book酒店過夜咩？梗係唔使啦！而家「時租酒店」或者「Daycation」都好方便。只用一餐飯嘅價錢，就可以享受到幾知鐘酒店嘅私密舒適環境同設施，CP值勁高！
不過，香港酒店咁多間，九龍、港島、新界都有，點揀先至啱？唔使煩，Flow app 小編已經幫你整合咗一份「香港時租酒店懶人包」，分區、分價位同你推介 12 間精選酒店，無論你係想搵地方hea返半日、補眠、做嘢，定係想同friend/伴侶打下卡、游下水，呢個 list 實幫到你！
立即跳往：
九龍區時租酒店推介
九龍區交通方便，食肆林立，無論係旺區尖沙咀、紅磡，定係相對靜啲嘅九龍灣、奧運，都有唔少酒店選擇。
[Budget] 君立酒店 (Camlux Hotel)
想試下啲特別嘢？九龍灣呢間「君立酒店」你一定要識！佢前身係工廠嚟㗎，而家活化咗，保留咗少少工業風，好有特色。行過去就係 MegaBox、德福廣場，近排新開嘅 AIRSIDE 都好近，shopping 食嘢勁方便。啲房設計得幾舒服，無論係 business trip 要搵地方歇歇，定係想快閃抖幾個鐘都好啱。
- 星級： 4星
- 地址： 九龍灣宏光道 15 號
- 交通： 港鐵九龍灣站 B 出口，行 10 分鐘
- 價錢參考： $398 (6小時)
- 時租時段： 12:00 – 18:00 (6小時)
[Medium] 香港逸東酒店 (Eaton HK)
講起佐敦區最有 style 嘅酒店，一定唔少得「逸東」！佢唔係一般嗰種「行行哋」嘅酒店，直頭係一個文青蒲點。酒店翻新完之後，行復古型格路線，周圍都有嘢俾你打卡。肚餓？樓下個「Eaton Food Hall」勁多選擇，唔使出街都搞得掂。佢個位就腳到痺，正正喺彌敦道，行去廟街掃街都係幾分鐘，想感受下地道風情，book 呢度 6 個鐘就最啱。
- 星級： 4星
- 地址： 佐敦彌敦道380號
- 交通： 港鐵佐敦站 B1 出口，行 1-3 分鐘
- 價錢參考： $708 (6小時)
- 時租時段： 17:00 – 23:00 (6小時)
[Medium] 香港寶御酒店 (Hotel Pravo)
尖沙咀絕對係 Daycation 熱點！呢間「香港寶御酒店」係精品酒店嚟，行幾步就到 K11、iSQUARE，行去海港城同維港都係幾分鐘路程，地點靚到爆。佢哋啲房好有 design feel，部分仲有 5 款唔同主題，夠晒特別，好啱想搵個靚地方打卡、休息下嘅朋友。
- 星級： 4星
- 地址： 九龍尖沙咀北京道10號
- 交通： 港鐵尖沙咀站 L5 出口行 5 分鐘；尖東站行 9 分鐘都到。
- 價錢參考： $707 (5小時)
- 時租時段： 09:00 – 14:00 (5小時), 11:00 – 16:00 (5小時)
瀏覽更多尖沙咀時租酒店，由HK$142 / 2小時，2小時起 >>
[Luxury] 香港遨凱酒店 (The Olympian Hong Kong)
如果想搵個靜啲、豪啲嘅選擇，可以諗諗西九龍奧運站附近嘅「香港遨凱酒店」。呢度出名私隱度高，啲房好闊落，樓底又高，配埋落地大玻璃窗，望住個 city view 嘆返幾個鐘，真係好正。雖然係豪華酒店，但用 Flow book 時租都只係千零蚊，想俾自己一個 high-class 嘅 break，呢間好掂。
- 星級： 5星
- 地址： 香港西九龍海輝道18號
- 交通： 港鐵奧運站 A2/E 出口，行 5-8 分鐘
- 價錢參考： $1150 (6小時)
- 時租時段： 14:00 – 20:00, 16:00 – 22:00, 18:00 – 24:00 (全部6小時)
猜你喜歡：【時鐘酒店】高級酒店都有時租？高質推介平過時鐘酒店 ｜ 平價時鐘酒店推介
香港島區時租酒店推介
港島區選擇一樣咁多，由「紅隧口」銅鑼灣、北角，到西環都有唔少靚酒店，好多仲有無敵海景！
[Budget] 富豪香港酒店 (Regal Hongkong Hotel)
估唔到銅鑼灣中心地帶都有咁抵嘅時租！「富豪香港酒店」行去 SOGO、時代廣場都係幾分鐘，地點無得頂。酒店行歐陸古典風，裝修得好華麗。最正係佢個頂層室外泳池，可以一路游水一路望住維園同維港景，用 $600 蚊都唔使嘅價錢就可以嘆到 5 星級酒店 6 個鐘，CP值爆燈！
- 星級： 5星
- 地址： 香港銅鑼灣怡和街88號
- 交通： 港鐵銅鑼灣站 F1 出口，行 3-5 分鐘
- 價錢參考： $575 (6小時)
- 時租時段： 10:00 – 16:00 (6小時), 10:00 – 20:00 (10小時), 13:00 – 19:00 (6小時) 等多個時段
瀏覽更多銅鑼灣酒店，由HK$164 / 2小時，2小時起 >>
[Medium] 粵海181酒店 (Oasis Aurum 181 Hotel)
想搵海景房？西環呢間「粵海181酒店」可能啱你。酒店喺港島西，附近有唔少文青 cafe 同舊式小店，好有 feel。酒店房設計好闊落，最正係好多房都有落地大玻璃，望住個維港海景hea下，真係一流。想過個 chill 啲嘅下晝，呢度係好選擇。
- 星級： 5星
- 地址： 香港干諾道西181號
- 交通： 港鐵香港大學站 B1 出口，行 4 分鐘
- 價錢參考： $664 (4小時)
- 時租時段： 可任選 4 小時或 6 小時
[Medium] 香港越秀雅詩閣服務公寓 (Ascott North Point)
北角呢間Service Apartment 好高質！佢啲房似一個「家」，設計好優雅，有啲房仲有埋靚電器同家庭娛樂系統。酒店有室內恆溫泳池同 gym 房，行去北角匯 (Harbour North) 商場又近。想搵個好似屋企咁舒服、但又享受到酒店 service 嘅地方，可以試吓呢間。
- 星級： 5星
- 地址： 北角渣華道67-75號
- 交通： 港鐵北角站 A1 出口，行 2-4 分鐘
- 價錢參考： $700 (6小時)
- 時租時段： 10:00 – 16:00, 12:00 – 18:00, 14:00 – 20:00 (全部6小時)
瀏覽更多北角酒店，由HK$265 / 2小時，2小時起 >>
[Luxury] 銅鑼灣皇冠假日酒店 (Crowne Plaza CWB)
講到銅鑼灣嘅 5 星級 Daycation，點少得「皇冠假日」！佢個位真係無得彈，就喺禮頓道。你諗下，喺時代廣場、希慎行到腳仔軟，Shopping 拎住大包細包，行返酒店都係 5 分鐘路程，真係方便到笑。
啲房梗係有落地大玻璃窗，俾你揀望 city view 定係望跑馬地馬場景（如果 book 啱日子，隨時睇到夜馬！）。不過，講到最煞食嘅，梗係 28 樓個室外恆溫泳池！喺銅鑼灣正中心 high high 咁游水，再影張相打卡，呃 like 必備，諗起都爽。用 Flow book 6-8 個鐘，一千蚊鬆有找！
- 星級： 5星
- 地址： 銅鑼灣禮頓道8號
- 交通： 港鐵銅鑼灣站 A 出口，行 4-5 分鐘
- 價錢參考： $956 (6小時)
- 時租時段： 10:00 – 18:00 (8小時), 12:00 – 18:00 (6小時), 14:00 – 22:00 (8小時)
新界區時租酒店推介
唔好以為新界區無咩酒店可以去Daycation！其實荃灣、屯門都有好多高質又抵玩嘅選擇，想遠離市區唞下嘅朋友一定要睇。
[Budget] 荃灣絲麗酒店 (Silka Tsuen Wan)
鄰近葵涌嘅荃灣絲麗酒店CP值超高！四百蚊有找就可以 book 到 4 個鐘。酒店設計係行時尚風格，有 gym 房。酒店唔單止有shuttle bus 接駁葵芳站新都會廣場，連去廸士尼都只係30分鐘車程就到。
- 星級： 4星
- 地址： 葵涌和宜合道119號
- 交通： 港鐵葵興站 A/E 出口 ，行 10-12 分鐘
- 價錢參考： $372 (日間4小時)
- 時租時段： 08:00 – 17:00 (任揀4小時), 17:00 – 03:00 (任揀4小時)
[Medium] 荃灣帝盛酒店 (Dorsett Tsuen Wan)
荃灣帝盛酒店有室外泳池、Gym 房，設施算幾齊。30分鐘去到 M+，40分鐘去到港澳碼頭，過大海前後想搵個地方享受吓私人時間真係可以諗諗呢間。
酒店Cafe有中西合璧自助餐，2025年11月18日仲會開埋中菜，有點心食。4 個鐘食晏休息直落啱啱好。
- 星級： 4星
- 地址： 葵涌健全街28號
- 交通： 港鐵大窩口站 B 出口 行 8-10 分鐘
- 價錢參考： $531 (4小時)
- 時租時段： 08:00 – 03:00 (任揀4小時), 10:00 – 16:00 (6小時)
[Medium] 香港屯門貝爾特酒店 (Pentahotel Tuen Mun)
屯門友福音！呢間「貝爾特酒店」行型格工業風，地點超方便，屯馬綫屯門站 F1 出口行 3 分鐘就到，隔離就係 V city、屯市，食玩買乜都齊。酒店個 Pentalounge 休息區仲有美式桌球枱俾你玩，Gym 房 24 小時開。想喺屯門搵個潮啲、方便啲嘅地方 hea 下，呢間唔錯。
- 星級： 4星
- 地址： 新界屯門震寰路6號
- 交通： 港鐵屯馬綫屯門站 F1 出口，行 3 分鐘
- 價錢參考： $638 (3小時)
- 時租時段： 09:00 – 15:00 (任揀3或6小時), 12:00 – 18:00 (6小時)
瀏覽更多屯門時鐘酒店，由HK$400 / 4小時，4小時起 >>
[Luxury] 香港黃金海岸酒店 (Hong Kong Gold Coast Hotel)
想完全遠離煩囂，嘆返個度假 feel？咁就一定要揀「黃金海岸酒店」！酒店對住就係黃金泳灘，大部分房都有無敵海景。酒店有個勁大嘅潟湖式游泳池、水上樂園，仲有好多親子主題房，勁啱一家大細或者情侶去 staycation。雖然唔近地鐵站，但嗰種度假 feel 係市區酒店俾唔到你㗎！
- 星級： 4星
- 地址： 香港黃金海岸青山公路 1 號
- 交通： 屯門站轉 K51/K53 巴士 / 青衣站搭 140M 小巴
- 價錢參考： $770 (4小時)
- 時租時段： 09:00 – 02:00 (任揀4小時或6小時)
即刻用 Flow 幫自己 book 個快嘅break！
睇完咁多間九龍、港島、新界嘅時租酒店推介，係咪已經心郁郁，好想即刻 book 返間房去 chill 吓？
其實香港地，想搵個空間唞吓氣、充吓電，真係唔使下吓book 足成晚咁貴。用我哋 Flow App，就可以按你嘅需要，彈性 book 幾個鐘。無論你係想搵平價高 CP 值嘅日間酒店，定係想豪啲，試下五星級酒店嘅設施同靚景，我哋 Flow 平台上面都有齊。
唔好再等啦！快啲下載Flow App，隨時搵心水酒店，話走就走，俾自己放個break啦！
— 認識Flow —
若只需數小時的住宿或工作空間，為何要預訂一整天？
一個為都市空間而設的預訂平台，Flow為您在日間預訂數小時至半天的酒店或工作空間，作短暫停留。跟傳統整天預訂相比，Flow用戶可節省高達75%的費用。
立即下載Flow App，輕鬆找到附近可供使用的時段酒店或辦公室！
以上文章內容由 Flow 編輯團隊撰寫，並無受任何報酬或贊助。任何得到報酬或贊助的產品或服務評論均會在相關文章中進行充分披露。
常見問題
香港嘅「時租酒店」同「Daycation」有咩分別？
其實兩樣嘢好似。時租酒店 (day use 酒店) 彈性大啲，你可以揀 book 幾個鐘，例如 4 個鐘或 6 個鐘，主要係俾你短暫休息或做嘢。Daycation 就通常指日間住宿體驗，可能包埋酒店設施（好似泳池、Gym房），時間會長啲，例如由朝早10點到傍晚6點，俾你享受一日假期嘅感覺。
喺 Flow App Book 九龍區時租酒店有咩好處？
用 Flow App book 九龍區時租酒店梗係方便啦！首先，我哋個 App 集合晒唔同星級同價位嘅酒店，由旺角、尖沙咀到九龍灣都有，一目了然。你可以即時格價，睇下邊個時段最抵。最緊要係彈性，淨係 book 你需要嗰幾個鐘，唔使俾足全日錢，慳返唔少！
香港時租酒店通常有咩時段揀？可唔可以凌晨 book？
時段好彈性㗎！好多酒店都提供日間時段，例如朝早 9 點到下晝 5 點之間任揀 4-6 個鐘。有啲酒店（好似我哋介紹嘅荃灣絲麗酒店）仲有夜間時租，例如下晝 5 點到凌晨 3 點，方便啲夜收工或者想靜靜地過一晚嘅朋友。你上 Flow App 睇，揀你想要嘅日期，就可以清楚見到每間酒店提供嘅「即時」時租時段，非常方便。
分享文章
下載Flow