香港一日遊：為你度身訂造的兩款「道地」戀人絮語
香港一日遊推薦2025｜必食餐廳行程推薦；兩條路線行程表，集景點、美食、交通與浪漫體驗，懶人包帶你快閃香港，情侶必試！一日城市，一日山野，總有一條啱你。
2025-09-23
By Sin Yi
無論係久居海外想重溫香港味道嘅遊子，想同外國朋友分享地道香港體驗嘅本地人，定係純粹想深度探索呢個城市嘅旅人，以下兩條精心策劃嘅香港一日遊路線——一日城市，一日山野，總有一條啱你。
如果行程途中想唞陣或者整理吓個樣，可以用 Flow app 搵附近嘅時租酒店，方便又抵。
立即跳往：
香港一日遊路線一：都會戀曲，穿梭中環與旺角嘅熱鬧
呢條路線啱晒鍾意城市節拍、想深入了解香港歷史同地道美食嘅人。由百年老舖嘅精緻點心，到旺角街頭嘅米芝蓮小食，最後嚟個熱辣辣嘅海鮮火鍋，感受香港夜晚嘅生活氣息。
朝早 9:00｜喺百年酒家，以味蕾穿梭香港歷史
第一站去擁有超過一個世紀歷史嘅襟江酒家。佢唔單止係間餐廳咁簡單，更加係一本活生生嘅香港飲食文化史書。2025年，呢間由清朝尾開始嘅傳奇酒家係旺角重新出發，將傳統粵菜嘅精髓同香港嘅創新精神加埋一齊。喺度可以食到老師傅堅持手工製作嘅懷舊點心，精心烹調嘅明爐燒味，每一啖都充滿香江嘅百年韻味。
- 地點：旺角家樂坊56號8樓
- 交通： 港鐵油麻地站 A1 出口，行約 4 分鐘。
飲完茶嘆埋點心之後可以去Cafe，例如半路咖啡坐吓或者book 間時租酒店休息。附近有高爾酒店、新天地酒店同旺角盛世酒店。
下晝 1:00｜旺角心臟地帶嘅「掃街」體驗
返香港食午餐梗係要「掃街」。呢個唔係淨係食小食咁簡單，而係一種屬於香港嘅文化體驗。首先去到開業超過六十年嘅「肥姐小食店」，感受港式滷味嘅威力，嗰啲爽脆嘅生腸、彈牙嘅大墨魚，係幾代人嘅共同回憶。跟住，轉個彎就遇到米芝蓮推介嘅「兩姊妹涼皮有限公司」，喺人聲鼎沸嘅黑布街，嚟碗冰涼透心嘅招牌涼皮，青瓜絲、花生碎配埋秘製辣醋，酸辣開胃，絕對係最地道嘅味覺衝擊。
- 地點： 旺角登打士街及黑布街
- 交通： 港鐵油麻地站 A2 出口或旺角站 E2 出口，行約 5-8 分鐘。
下晝 3:00｜旺角午後嘅隨意漫遊
係旺角，最好嘅行程就係冇行程。可以走入「信和中心」搵懷舊嘅漫畫影碟，喺「西洋菜南街」感受電子產品嘅熱鬧氣氛，或者喺「花園街」嘅波鞋舖之間穿梭。呢度每條街每條巷，都有等緊人發掘嘅驚喜。行到攰想休息吓？用 Flow app 即刻搵到附近嘅鐘點酒店，有個舒服嘅私人空間整理吓行裝，為夜晚嘅海鮮火鍋做好準備。
晚上 7:30｜滾一鍋「人間煙火」嘅海鮮盛宴
香港人不分季節咁打邊爐呢件事係應該納入健力士世界記錄大全。一枱難求嘅「珍姐海鮮火鍋」將港式「人間煙火」氣氛發揮到極致。睇住侍應端上枱嘅生猛海鮮，聽住隔離枱熱鬧嘅傾計聲，喺咕嚕咕嚕嘅湯底前面淥住新鮮嘅肥牛，一個字，爽啊。
- 地點： 中環和安樓地下
- 交通： 港鐵中環站 D2 出口，行約 4 分鐘。
打完邊爐之後如果想延續呢個熱辣辣嘅夜晚， Flow App 可以幫你搵到附近舒適嘅時租油店，繼續享受悠閒時光。
香港一日遊路線二：山林漫步，重溫中環嘅復古情懷
呢條路線專為想遠離煩囂、鍾意大自然、喜歡懷舊浪漫，同時又想試新潮美食體驗嘅人而設。由山野間嘅傳統茶樓，到中環嘅復古變裝，最後係城中最新嘅韓式居酒屋，感受新舊交織嘅香港。
旅程由香港最高的山峰大帽山開始。清晨出發上山睇日出，之後行落山腰飲早茶。
朝早 7:00｜大帽山腰嘅鄉郊茶敘
喺呢個擁有超過六百年歷史嘅客家村落川龍村入面，端記茶樓係行山客同香港人嘅寶藏。呢度冇點心紙，係香港少有嘅自助飲茶：自己去茶水間開茶，捧住托盤係點心蒸籠前面揀心水，聽住老闆「叫咪」通報新鮮出爐嘅客家茶粿、蝦餃燒賣，睇住廚房師傅將村內種植嘅西洋菜灼熟，耳邊係雀仔嘅叫聲，眼前係開揚嘅山景。係呢份鄉郊嘅熱鬧同寧靜之間，分享一頓樸實地道嘅早茶，特別心擴神怡。
- 貼士： 茶樓逢星期一休息，建議早啲出發，感受清晨山間嘅清新空氣，太晏就未必食到西洋菜同咁多款點心。
- 交通： 係港鐵荃灣站A出口，到兆和街轉乘80號小巴，係川龍村總站落車。
落山之後，可以喺荃灣用 Flow App 預訂時租酒店，例如香港遠東絲麗酒店， 3個鐘都只係 320蚊就可以輕鬆攤唞。
下晝 1:00｜化身王家衛電影嘅主角
返到市區，直衝中環，去「嫣裳記」租件合身嘅手工旗袍或長衫，彷彿瞬間穿越到王家衛嘅電影場景入面。有需要可以預先加購化妝同攝影項目。接落嚟嘅幾個鐘頭，會以一個全新嘅身份去探索別具香港特色嘅中環，由石板街影到文武廟。如果租過夜，可以去埋裝潢以王家衛經典電影《花樣年華》為靈感嘅建民號雞尾酒酒吧影相。
- 地點： 中環永利街4號地下
- 交通： 港鐵中環站 D2 出口，經中環半山自動扶手電梯行，到士丹頓街出口右轉直行，路程約 10 分鐘。
- 嫣裳記租借詳情： 租借時間由早上九點開始，歸還時間為晚上六時正。
下晝 3:00｜遊走於「活」嘅歷史建築
除咗影相，另一個必去嘅景點一定係由香港最古老街市活化而成嘅中環街市。呢度將歷史同現代完美融合。抬頭係幾百個傳統街市嘅紅色燈罩，身邊係新潮餐飲店同文創小店。喺呢度每個角落，都影到充滿故事感嘅相片。之後，不如跳上「叮叮」電車，坐到上層頭排，以最慢最悠閒嘅視角，欣賞港島嘅街景。
行完中環街市影完靚相，如果想搵個地方休息，可以用Flow app睇吓附近有咩靚景嘅鐘點房，例如 ，蘭桂坊酒店@九如坊 ，繼續復古約會體驗。
傍晚 6:00｜維港最浪漫嘅日落航線
黃昏時分，可以搭天星小輪由中環去尖沙咀碼頭。呢個嘅航程，被譽為欣賞維港日落嘅最佳體驗。當夕陽嘅餘暉將兩岸嘅摩天大樓染成金黃色，海風輕撫面頰，呢個畫面會係旅行最浪漫嘅定格。
晚上 8:00｜晚餐二選一：輕鬆串燒 vs 法國小餐館
1. 過百款串燒，輕鬆好氣氛：尖沙咀燒烤堂
尖沙咀諾士佛臺諾士佛臺除咗係飲嘢嘅好地方，仲有唔少好嘢食。想輕鬆啲，可以去燒烤堂，最特別嘅係佢哋同時有齊港、日、韓、泰、新疆咁多款唔同口味。Google 評分仲有4.6！
2. 親民價法式風性小餐館：牛扒控必食「La Vache!」
喜歡原汁原味牛扒嘅，就要去巴黎風格嘅扒房 La Vache! 用餐。餐廳淨係提供一道菜——頂級肉眼牛扒配無限量供應嘅香脆薯條。兩個人，靜靜哋為呢趟浪漫旅程畫上閃爍動人嘅句號。
如果想喺尖沙咀或者港島區搵個地方過夜或者休息，Flow app都有唔少嘅選擇，例如銅鑼灣五星富豪香港酒店、尖沙咀廣東道四星皇家太平洋酒店同香港紫亭酒店。
細細聲話你知， 自助爆房酒店推介: 社恐人士必book自助時鐘酒店
平價時鐘酒店推介 — 精選18間600港元以下酒店｜Flow獨家優惠
— 認識Flow —
若只需數小時的住宿或工作空間，為何要預訂一整天？
一個為都市空間而設的預訂平台，Flow為您在日間預訂數小時至半天的酒店或工作空間，作短暫停留。跟傳統整天預訂相比，Flow用戶可節省高達75%的費用。
立即下載Flow App，輕鬆找到附近可供使用的時段酒店或辦公室！
以上文章內容由 Flow 編輯團隊撰寫，並無受任何報酬或贊助。任何得到報酬或贊助的產品或服務評論均會在相關文章中進行充分披露。
常見問題
香港有哪些時鐘酒店適合情侶臨時入住？
不少香港酒店都提供時鐘制彈性入住服務，適合情侶想短暫休息或輕鬆拍拖。例如南洋酒店、奧華精選·南岸、逸東酒店等都有靚裝修、方便位置，同時提供幾小時預訂選項，無需過夜也可以享受高質體驗。
預訂時鐘酒店可以即日入住嗎？
可以！透過 Flow App 預訂香港時鐘酒店，大部分都支援即日彈性入住選項，例如 4 小時、6 小時、或日間時段（如 11am–5pm），即使臨時改行程或突然想歇腳，亦可以快速預約、即刻上房。
香港快閃行程推薦？
香港快閃遊最啱就係善用地理優勢同高效交通！如果得一日時間，建議集中係港島區：朝早先去中環威靈頓街嘅襟江酒家食正宗港式點心，跟住行去中環街市感受新舊融合嘅氛圍，下晝可以搭叮叮電車慢遊，或者跳上天星小輪去尖沙咀睇維港景色。如果係半日遊，旺角掃街係必做體驗——肥姐小食店嘅滷味同兩姊妹嘅涼皮可以一次過食晒，再係信和中心同西洋菜南街感受最地道嘅香港街頭文化。記住預留時間係機場嘅阿鴻小吃食返餐，佢哋24小時營業，啱晒趕飛機前嘅最後一餐。快閃期間如果需要休息或者放低行李，Flow app隨時搵到附近嘅鐘點酒店，讓你更有彈性安排緊湊嘅行程。
分享文章
下載Flow