銅鑼灣美食地圖｜5間銅鑼灣必食＋附近時鐘酒店推介

銅鑼灣可以話係香港最唔愁冇嘢食嘅地區之一，選擇太多，有時反而更加難揀。時代廣場、希慎廣場一帶有大量餐廳，行多少少去渣甸街、登龍街、邊寧頓街，甚至大坑方向，又有另一批老字號同街坊小店。想食平價美食，幾十蚊已經有選擇；想食餐好少少，西餐、酒店餐廳甚至米芝蓮名店一樣齊。

除咗餐廳種類多，銅鑼灣另一個優勢就係交通方便，無論由港鐵站、電車站定巴士站出發，都可以輕鬆去到唔同食店。由早餐至宵夜，區內都有相應選擇，適合一個人食飯、朋友聚會或者情侶約會。

今次呢份銅鑼灣必食推介就揀5間價錢親民又有特色嘅銅鑼灣餐廳，包括地道粉麵、台式/泰式/日式餐廳。食完如果想休息幾個鐘，小編亦整理咗5間銅鑼灣時鐘酒店，無論約會、行街想中途休息或者安排半日Daycation都可以參考。

銅鑼灣美食推介

1. 榮記粉麵

銅鑼灣唔係餐餐都要二三百蚊。如果係想食個Lunch、下午茶或者行街途中醫肚，榮記粉麵就係一間幾實際嘅平價選擇。餐廳主打各式粉麵，價錢相對親民，適合想簡單食碗熱湯粉麵、又唔想花太多時間等位嘅時候。

榮記粉麵可以按自己口味選擇麵底、湯底同配料，常見選擇包括牛腩、牛筋、豬手及魚蛋等等。想食得豐富少少，可以加餸或者配小食；如果只係想快速醫肚，單叫一碗粉麵已經足夠。

人均消費：HK$50以下

地址：香港銅鑼灣糖街15-23號地下 ( Google Map Link )

交通資訊：港鐵銅鑼灣站F出口出站後，步行約5分鐘到達

營業時間：每日11:30至晚上8:30

2. 何洪記

講銅鑼灣必食，何洪記係比較穩陣嘅老字號選擇。由昔日街邊麵檔一路發展到今日希慎廣場店，主力仍然係傳統廣東粥麵。最經典當然係雲吞麵，細粒雲吞配竹昇麵同湯底；不過另一樣唔應該錯過嘅係乾炒牛河，連《米芝蓮指南》介紹餐廳時都特別提到。

相比街坊麵舖，何洪記而家環境舒服好多，坐喺商場入面有冷氣，帶長輩或者一家人食都方便。除雲吞麵同牛河之外，亦可以食粥、腸粉等傳統廣東食品。價錢自然比普通街坊粥麵店高少少，但如果想一次過試比較有代表性嘅香港粥麵，仍然值得放入銅鑼灣美食推介。

人均消費：HK$51-100

地址：香港銅鑼灣軒尼詩道500號希慎廣場12樓1204–1205號舖（ Google Map Link ）

交通方式：港鐵銅鑼灣站F2出口，經希慎廣場直達

營業時間：每日11:00 至22:00

3. Soi Thong 銅巷

2026年新開泰式街頭風味餐廳 Soi Thong 由擁有逾30年經驗、曾任澳門新葡京酒店泰菜主廚嘅資深廚師坐鎮。第一次去可以由泰北古法船面、泰式豬手飯及泰式串燒開始。船麵湯底每日熬煮約6小時，以牛骨等多款材料製成。

小食方面，泰式柚子蝦沙律、泰式醃生蝦及手打蝦餅都值得一試。甜品可以留肚試椰汁糕及斑斕千層糕，再配泰式奶茶或椰汁三色冰。Soi Thong整體較適合晚餐、朋友聚會，或者想一次過試幾款地道泰菜嘅場合。

人均消費：HK$51-100

地址：香港銅鑼灣謝斐道528號地舖（ Google Map Link ）

交通方式：港鐵銅鑼灣站C出口出站後，步行約8分鐘即可到達

營業時間：每日11 :00-16:30；18:00-23:00

4. 牛品吃到飽台式火鍋

如果想食得豐富少少，入秋後想一邊打邊爐一邊慢慢傾偈，牛品吃到飽台式火鍋係銅鑼灣幾適合嘅選擇。餐廳主打台式火鍋吃到飽，食客可享用多款肉類、海鮮、蔬菜、火鍋配料及飲品。

呢度嘅搞作非常多，近期就推出咗期間限定【綠野仙蹤湯鍋】，呢款湯底用咗芫荽打成濃厚芫荽岩漿，再配上濃湯及皮蛋。配料亦比較豐富，除咗一般嘅牛肉、豬肉及雞肉，仲會定期加入新產品，最近就有黑松露牛丸。

人均消費：HK$201-400

地址：銅鑼灣登龍街新時代廣場二期一樓 ( Google Map Link )

交通資訊：港鐵銅鑼灣站A出口步行約5分鐘

營業時間：每日12:00-23:00

5. 拉麵屋嶋

拉麵屋嶋係東京過江龍，餐廳總店位於日本東京，係當地人氣拉麵店之一。香港團隊更曾到日本總店接受密集訓練，將湯底火候、麵條處理、叉燒製作，以至青蔥切法等細節帶到香港，務求保留原店嘅日本味道。

店內供應四款拉麵選擇，包括手製雲吞拉麵、叉燒拉麵、招牌特上拉麵及極上味玉拉麵，當中叉燒拉麵配有慢煮豚叉燒、燉煮豚肩叉燒及慢煮雞叉燒，可以一次過試到幾款不同口感嘅叉燒。如果你想一次過試勻多款配料，則可以選擇極上味玉拉麵。

人均消費：HK$101-200

地址：銅鑼灣糖街31號 Sugar+ 地下1號舖 ( Google Map Link )

交通資訊：港鐵銅鑼灣站E出口，步行約5分鐘

營業時間：星期一至四及星期日11:30–15:30、17:00–22:00；星期五至六11:30–15:30、17:00–22:30

5間銅鑼灣時鐘酒店推介

食完一輪銅鑼灣必食，如果當日仲安排咗Shopping、約會或者夜晚第二場，中間未必想特登返屋企。銅鑼灣本身亦有唔少酒店提供日間短租，可以按Budget、酒店設施同位置選擇。

以下5間酒店，都係大部分餐廳可以步行或者短程交通到達。可以睇自己想純粹休息兩三個鐘，定想有泳池、健身室、景觀等較完整Daycation體驗再揀。

1. 香港珀麗酒店

香港珀麗酒店位於信德街，位置比較靠近維園、大坑同天后一邊，所以如果當日唔只行時代廣場，而係連大坑美食、維園或者天后一帶都會去，住呢邊會幾順路。

酒店屬傳統城市酒店路線，設基本餐飲及住宿配套，房間設計以實用為主。佢最大優勢唔係豪華度假設施，而係地點：向一邊行係銅鑼灣購物區，另一邊就可以去大坑。對純粹想食完飯休息幾個鐘、沖個涼再繼續行程嘅人，反而幾實際。

價格範圍： HK$419 起 / 4小時

酒店地址： 香港銅鑼灣信德街8號 ( Google Map Link )

交通方式： 港鐵天后站A1出口步行約8分鐘；港鐵銅鑼灣站E出口步行約10分鐘

預訂入口： 香港珀麗酒店

2. 富豪香港酒店

富豪香港酒店位於怡和街，係銅鑼灣其中一間歷史較悠久嘅大型酒店。酒店裝潢走比較華麗嘅歐陸路線，同近年大量極簡精品酒店完全兩種風格；如果鍾意傳統五星酒店感覺，呢間會比較對味。

除客房之外，酒店本身亦有餐飲、健身、戶外泳池等配套，位置靠近維園、崇光百貨及希慎廣場。相比純粹Book間房瞓兩個鐘，富豪香港酒店比較適合想將食飯、Shopping同酒店hea玩砌成半日Daycation嘅人，尤其唔想成日喺街上行來行去，入住後附近已經有大量食買玩選擇。

價格範圍： HK$512 起 / 4小時

酒店地址： 香港銅鑼灣怡和街88號 ( Google Map Link )

交通方式： 港鐵銅鑼灣站F出口步行約5分鐘

預訂入口： 富豪香港酒店

3. 銅鑼灣智選假日酒店

銅鑼灣智選假日酒店最大賣點可以一句講晒：位置夠正。酒店就喺時代廣場旁邊，附近已經有大量餐廳、商場同小店。

智選假日品牌本身走實用型城市住宿路線，有健身室及會議室等，但唔需要預期大型Spa或者Resort式設施；但對短租酒店而言，交通方便本身已經係重要賣點。尤其夏天行街行到成身汗，或者Shopping買完幾袋嘢，唔需要再搭車就可以返酒店休息。

價格範圍： HK$652起 / 6小時

酒店地址： 香港銅鑼灣霎東街33號 ( Google Map Link )

交通方式： 港鐵銅鑼灣站A出口，經時代廣場步行約5分鐘前往酒店

預訂入口： 銅鑼灣智選假日酒店

4. 柏寧酒店

如果想Daycation唔止得一間房，柏寧酒店入面設施比較完整。酒店正對維多利亞公園，由銅鑼灣站步行幾分鐘就到；位置既近購物區，又有維園景觀，感覺同藏身內街嘅精品酒店幾唔同。

酒店設24小時健身中心、桑拿及蒸氣室，亦有餐廳及酒吧等餐飲選擇。如果本身就想留喺酒店多幾個鐘，而唔係純粹瞓覺，呢類設施都幾有用。酒店樓上亦有高層餐飲空間，部分位置可以望到維港及維園一帶景觀，整體Daycation感會比純商務酒店完整。

價格範圍： HK$1295 起 / 8小時

酒店地址： 香港銅鑼灣告士打道310號 ( Google Map Link )

交通方式： 港鐵銅鑼灣站E出口步行約2分鐘

預訂入口： 柏寧酒店

5. 銅鑼灣皇冠假日酒店

銅鑼灣皇冠假日酒店靠近時代廣場及跑馬地馬場一邊。酒店設計走現代城市風格，以簡潔線條、柔和燈光及較精緻嘅材質營造舒適感；客房配合落地窗及城市景觀，整體感覺比一般商務酒店更有質感。

酒店其中一個特色係高層位置可以望向城市及跑馬地一帶，亦設泳池、健身設施及餐飲空間。如果係生日、拍拖或者想真正Hea半日，呢間會比較有Staycation Feel。加上酒店行去時代廣場只需短時間，休息完再出街食飯亦方便。

價格範圍： HK$996 起 / 6小時

酒店地址： 香港銅鑼灣禮頓道8號 ( Google Map Link )

交通方式： 港鐵銅鑼灣站A出口步行約5分鐘

預訂入口： 銅鑼灣皇冠假日酒店

銅鑼灣真正方便嘅地方，就係唔需要有固定Budget先搵到好嘢食。想簡單食餐麵或者茶記，百零蚊內已經有唔少老字號；預算多少少，可以約朋友食亞洲菜或者西餐；去到生日、周年等重要日子，區內亦有高級粵菜同米芝蓮餐廳可以揀。

今次呢份銅鑼灣美食地圖推介主要列出價錢相宜嘅亞洲風味餐廳，等大家按需要及口味選擇。食完如果仲想留喺區內，亦可以按Budget同設施揀銅鑼灣時鐘酒店，將食飯、Shopping同Daycation一次過安排好。

同場加映：

銅鑼灣好去處：港島情侶下午遊 4 大驚喜景點，兼推介 4 間CWB時鐘酒店！

銅鑼灣酒店推介｜10間銅鑼灣天后時租酒店 由$60起 情侶朋友聚會Daycation攻略

10間銅鑼灣Cafe推介｜居酒屋feel怪趣主題必訪咖啡店

— 認識Flow —

若只需數小時的住宿或工作空間，為何要預訂一整天？

一個為都市空間而設的預訂平台，Flow為您在日間預訂數小時至半天的酒店或工作空間，作短暫停留。跟傳統整天預訂相比，Flow用戶可節省高達75%的費用。

立即下載Flow App，輕鬆找到附近可供使用嘅時段酒店或辦公室！

銅鑼灣美食 FAQ：常見問題解答