自助餐優惠攻略｜酒店Buffet低至5折＋信用卡、App優惠
酒店自助餐優惠，官網、信用卡及App低至5折！
2026-09-30
By Jamie Wong
香港酒店自助餐正價動輒幾百蚊一位，其實識得搵優惠，未必要原價入場。除咗大家最熟悉嘅「買一送一」，酒店官網預付、指定信用卡、會員App、訂座平台，甚至酒店自己嘅eShop，都可能有特別優惠。
今次呢份自助餐優惠攻略就列出5間Buffet，優惠涵蓋至10月甚至12月底，啱晒秋冬聚餐及聖誕飯局嘅讀者。部分優惠唔需要輸入自助餐折扣碼，預訂時揀指定方案已經自動減價；亦有信用卡或App限定，Book之前記得比較最終人均價。
小提醒： 酒店餐飲優惠變得快，節日及指定日子亦可能不適用。落單前建議再睇一次最新條款。
立即跳往：
5間自助餐優惠推介
1. 北角海逸酒店
綠怡咖啡廳
綠怡咖啡廳嘅「海鮮狂歡 x 港式滋味自助晚餐」供應至2026年10月31日，逢星期五至日，以及10月1（國慶）及19日（重陽節翌日）供應；酒店eShop有成人買一送一優惠，只需HK$898/2位，即平均 HK$449/位。另外小童及長者HK$350起，亦有家庭、多人聚餐及生日套餐。
食物唔係得一般凍盤，主題將海鮮同香港味道擺埋一齊。海鮮區有鱈場蟹腳、凍蝦、凍蜆，刺身有三文魚、吞拿魚、鯛魚及八爪魚；熱盤就有粉絲果皮蒸鮑魚、蒜蓉辣椒燒蠔、麻辣小龍蝦、蟹蓋粉絲煲等。
即煮區仲有港式煲仔飯、雲吞麵同格仔餅，甜品則有楊枝甘露、芒果班戟及9款MÖVENPICK雪糕。晚市亦包括汽水、氣泡酒、紅白餐酒及啤酒Free Flow。
價格範圍：HK$898/2位成人，買一送一
優惠時間：2026年9月1日至10月31日指定日子
自助餐預訂：綠怡咖啡廳
酒店住宿
北角海逸酒店位於英皇道，去完鰂魚涌或者北角食玩都方便。酒店設室外泳池、健身室等休閒設施，部分客房可望維港景色；如果唔想食完Buffet即刻返屋企，可以約埋即日短租，休息返半日。
價格範圍： HK$525 / 4小時
地址： 香港鰂魚涌英皇道665號 ( Google Map Link )
交通： 港鐵鰂魚涌站C出口步行約3分鐘
預訂入口： 北角海逸酒店
2. 香港黃金海岸酒店
聆渢咖啡廳
香港黃金海岸酒店Café Lagoon全年都有幾種折扣方法，其中經酒店網上預訂並提前至少一日全數付款，星期一至五可以享 6折，星期六、日及公眾假期則有 65折，優惠期去到2026年12月31日。
酒店亦有提供信用卡優惠，American Express、HSBC、恒生、東亞及渣打指定信用卡，平日Buffet有8折、周末及公眾假期85折。指定節日及酒店特別活動日不適用。
價格範圍：午市成人HK$408起；晚市HK$738起
優惠時間：即日至2026年12月31日
自助餐預訂：Café Lagoon
酒店住宿
黃金海岸酒店本身嘅位置及裝潢已經超有 Staycation Feel，戶外有泳池，附近就係黃金泳灘同黃金海岸商場。
相比市中心酒店，呢度比較適合預半日慢慢玩：食Lunch Buffet、返房休息，再去海邊散步，行程唔使排得太密。
價格範圍： HK$508 起 / 4小時
地址： 香港屯門青山公路1號 ( Google Map Link )
交通： 港鐵屯門站轉乘巴士／的士前往；酒店亦設穿梭巴士服務，班次以酒店公布為準
預訂入口： 香港黃金海岸酒店
3. 香港富麗敦海洋公園酒店
星耀廳
星耀廳係酒店1樓全日餐廳，面向南中國海，主打地中海及亞洲風味國際菜。至於優惠，即日至 2026年12月31日，經星耀廳網上商店預約星期一至五午市成人自助餐，可享買一送一優惠。
用富邦信用卡付款亦會有個優惠：星期一至四自助晚餐有 8 折；星期六日及公眾假期午市，以及星期五至日及公眾假期晚市則有 85 折。富麗敦官方現時亦列明，酒店住客憑房卡可享成人自助餐 8折，優惠同樣做到12月31日。
價格範圍：成人午市收費每位 HK$598 起
優惠時間：即日至2026年12月31日
自助餐預訂：星耀廳網上商店
酒店住宿
酒店依山面海，定位本身就偏度假。除咗海景客房，亦有大型戶外無邊際泳池、兒童設施及Spa等。
如果係情侶或者想慶祝生日，可以將食自助餐同Daycation放埋同一日，比純粹入餐廳食兩個鐘更有度假Feel。
價格範圍： HK$820 起 / 4小時
地址： 香港仔黃竹坑海洋徑3號 ( Google Map Link )
交通： 港鐵海洋公園站轉乘酒店穿梭巴士、巴士或的士前往
預訂入口： 香港富麗敦海洋公園酒店
4. 旭逸酒店・荃灣
Eat @ease
Eat @ease走工業Loft風格，紅磚牆、金屬元素比較有型格感。現時OKiBook可以搵到「饗樂悠閒半自助午餐」星期一至五優惠，最高5折。
半自助形式唔係淨係得沙律吧：每位可以自選一款主菜，再任食即開生蠔、冰鎮海鮮、前菜、沙律、甜品及自助飲品，適合想食Buffet但又唔需要百幾款食物嘅人。
酒店官方另外亦有自己嘅長期優惠玩法：例如持指定The Platter消費單據，可享Eat @ease半自助午／晚餐及指定Buffet 5折；COZi Premium會員則有指定餐飲7折，條款同樣列明服務費按原價計。
價格範圍：優惠價每位 HK$99 起（原價 HK$198，另收加一服務費）
優惠時間：即日起至另行通知
自助餐預訂：Eat @ease
酒店住宿
旭逸酒店位於葵涌圳邊街，酒店設計偏年輕城市風，房間以簡潔實用為主。對住荃灣、葵涌一帶或者週末想避開尖沙咀、銅鑼灣人潮嘅人，食完午餐再Book幾個鐘休息都幾順路。
價格範圍： HK$347 起 / 4小時
地址： 香港葵涌圳邊街15–19號 ( Google Map Link )
交通：酒店提供接駁巴士往返葵興站，車程約15分鐘
預訂入口： 旭逸酒店・荃灣
5. 香港天際萬豪酒店
中菜廳
香港天際萬豪酒店嘅萬豪中菜廳，提供「點點心思」點心午餐放題。餐廳由中菜行政總廚梁杰民師傅主理，主打經典粵菜及手工點心，再加入時令食材及較現代嘅烹調方式。
放題有超過25款美食任點任食，由即蒸點心，到蒸飯、粥品、麵類都有，比傳統酒店Buffet集中得多，鍾意飲茶、又想一次過試多款點心就幾啱。
真正吸引嘅係酒店自己eShop優惠。現時只要二人或以上同行，經萬豪中菜廳網店預訂點心午餐放題，可以享低至75折，折後HK$244.8/位起。每日優惠名額有限，所以想食最好預早Book。
價格範圍：HK$245 / 每位起
供應時間：即日至另行通知
自助餐預訂：萬豪中菜廳官方eShop
酒店住宿
香港天際萬豪酒店位於航天城，最大優勢係鄰近亞洲國際博覽館、11 SKIES及香港國際機場。酒店本身屬五星級配置，設室內泳池、健身及餐飲設施，如果去亞博睇Concert、展覽或者送機接機，食飯加短租會比專程出返市區再折返方便。
價格範圍： HK$1080 起 / 整晚
地址： 香港大嶼山香港國際機場航天城東路1號 ( Google Map Link )
交通： 港鐵機場快綫博覽館站步行約5分鐘
預訂入口： 香港天際萬豪酒店
其實搵酒店自助餐優惠有個幾簡單嘅方法，可以留意酒店官網或eShop，因為一些酒店對於直接預訂嘅客人會有特別折扣。另外仲可以睇吓酒店有無同信用卡合作推出優惠，仲可以比較埋OKiBook等訂座平台同會員App。
不過，去到萬聖節、聖誕節呢類旺季，特別是12月24至26日，通常都唔可以使用優惠折扣。兩個人食之前花幾分鐘比較，喺日常日子去食自助餐慳返一兩百蚊其實唔難。如果食完仲想抖下，亦可以將餐廳優惠配搭Flow日租房。
同場加映：
香港酒店推介｜12間五星級酒店情侶時租攻略 由平到貴一次睇哂
— 認識Flow —
若只需數小時的住宿或工作空間，為何要預訂一整天？
一個為都市空間而設的預訂平台，Flow為您在日間預訂數小時至半天的酒店或工作空間，作短暫停留。跟傳統整天預訂相比，Flow用戶可節省高達75%的費用。
立即下載Flow App，輕鬆找到附近可供使用嘅時段酒店或辦公室！
以上文章內容由 Flow 編輯團隊撰寫，並無受任何報酬或贊助。任何得到報酬或贊助的產品或服務評論均會在相關文章中進行充分披露。
自助餐優惠 FAQ：常見問題解答
酒店自助餐優惠通常邊度搵？
可以先睇酒店官網及eShop，再比較信用卡優惠、OKiBook等訂座平台，以及酒店集團的會員App。唔少酒店官網預付本身都會有折，例如香港黃金海岸酒店2026年指定日子網上預付低至6折，未必需要另外搵自助餐優惠碼推介。
自助餐優惠仲有咩要注意嘅地方？
香港一啲酒店會按原價另收10%服務費。例如正價HK$500、5折後餐價HK$250，但服務費可能會按原價計，就要再加HK$50，而唔係HK$25。所以比較自助餐減價時，最好睇清楚服務費計算方法。
萬聖節或聖誕節可以用平時信用卡／App優惠嗎？
未必。好多全年優惠會將公眾假期、特別節日、聖誕節12月24至26日、除夕等列作不適用日期。訂節日自助餐前最好重新確認一次。
分享文章
下載Flow App