酒店Daycation食咩好？5間香港酒店自助餐推介

而家去酒店，未必係去短聚，或者一定要住足一晚先叫享受。對唔少香港人嚟講，假期想搵有度假感嘅地方放鬆下，反而玩法可以係：book 幾個鐘高級酒店房，食埋酒店 buffet，再返房休息、或者用酒店設施，可以游個水、健下身，成件事就由「出去食一餐」、「去短聚完就散」升級做大半日放空。

尤其平日返工已經夠攰，有個截然不同嘅好地方抽離下日常壓力，仲可以慢慢食個酒店自助午餐或者晚餐，再留喺酒店房 hea 下，個人會真係鬆到。今次小編精選出5間酒店自助餐，呢幾間酒店本身亦十分適合做 daycation！

一啲酒店係海景 resort feel 強，極有儀式感，有啲就適合一家大細「食＋玩酒店設施」一條龍。如果你最近正搵緊香港自助餐推介、想試下酒店自助餐daycation，或者想搵一間可以做自助餐staycation酒店的地方，以下5間可以先放入清單。

5間酒店自助餐+Daycation推介

1. 香港富麗敦海洋公園酒店

星耀廳

香港富麗敦海洋公園酒店的自助餐，整個用餐體驗都比較完整及放鬆。酒店 buffet 走的是高端的國際自助餐路線，會有海鮮、刺身壽司、熱盤、甜品等選擇，最特別仲會有由磚爐新鮮烤焗的披薩提供，適合想食得豐富、又想有啲慶祝感的場合。

相比起純粹「求飽肚」的酒店自助，呢度自助餐範圍也可以望到海景，連接戶外平台，啱哂邊打卡邊吃飯！對親子家庭、紀念日或者帶父母食飯都幾合適。環境開揚，仲可以曬到自然日光。

價格範圍：成人自助午餐 HK$ 448.5 起；成人自助晚餐 HK$ 628.5 起

自助餐預訂：星耀廳

酒店住宿

富麗敦屬臨海酒店，入面嘅設計及氛圍主打五星級奢華，會比較有慶祝感、度假感。無論你係同另一半慶祝、帶父母食飯，定係一家人想搵個週末節目，富麗敦都屬於那種「食完唔會想即刻走」的酒店。

酒店本身主打海景 resort 體驗，房間望海比例高，亦有無邊際泳池、健身室、水療中心、兒童嬉水設施、室內兒童遊樂空間等，對情侶或親子家庭都特別有吸引力。

價格範圍： HK$ 915 起

地址： 香港仔海洋徑3號 ( Google Map Link )

交通： 港鐵海洋公園站 B 出口 出站後，前往酒店穿梭巴士站乘坐免費穿梭巴士（約每 30 分鐘一班）。或可搭乘 Citybus 城巴路線 629、48 或 72A 等，於海洋公園（水上樂園）站下車，步行約 5 分鐘即可抵達。

預訂入口： 香港富麗敦海洋公園酒店

2. 富豪機場酒店

藝廊咖啡室

呢間自助餐屬於典型國際 buffet 路線，主打環球美食加亞洲菜式，提供的食品種類超過 100 款，包括海鮮阿拉斯加帝王蟹、蟹、大蝦、青口等，壽司吧精心挑選日式魚生和壽司，仲會有沙律冷盤、熱盤、湯麵、甜品區，以及即席烹調／切肉一類的菜式供應。

藝廊咖啡室嘅泰國菜由駐店泰國廚師親自主理，以新穎的烹調手法結合地道食材和多款香料如香茅、金不換、魚露及青檸等，夠哂正宗及高水準，啱哂鍾意泰菜嘅人士。

價格範圍：成人自助午餐 HK$ 208.8 起；成人自助晚餐 HK$ 382.8 起

自助餐預訂：藝廊咖啡室

酒店住宿

作為五星級機場酒店，其中一個賣點是酒店直接連接機場範圍，夠哂方便！對於喺東涌返工或居住嘅人士嚟講，想搵個地方做半日休息、又唔想再轉幾程車，非常省時及實用。

酒店空間夠大、餐飲選擇齊，亦有室內及室外泳池、健身室及屢獲殊榮的 OM Spa 水療中心。如果你本身就係想搵一個地方，同另一半食餐好，之後上房享受高質床舖瞓個晏覺、沖個涼、hea 幾個鐘，富豪機場酒店呢種 setup 其實幾啱。

價格範圍： HK$930 起

地址： 香港赤鱲角暢達路9號 ( Google Map Link )

交通： 港鐵機場站落車後，沿機場指示步行前往酒店，約 8–10 分鐘；如由機場客運大樓出發，經接駁通道步行即可到達

預訂入口： 富豪機場酒店

3. 香港黃金海岸酒店

聆渢咖啡廳

餐廳以海洋元素做主題，色彩豐富，提振心情！餐廳配合即煮美食站，即席供應不同熱盤，亦會按節日或季節轉主題。呢度主打自助午餐、自助晚餐等 buffet 餐期。講起屯門自助餐推介，呢度一齊榜上有名！

自助晚市更有廚師在戶外即場燒製美食，包括韓式醬燒牛仔骨、孜然烤羊扒、日式醬燒白鱔等，別具風味。相比起一般市區酒店自助餐，Café Lagoon 的賣點唔只係食物選擇，而係整體氣氛比較放鬆，偏向渡假酒店的節奏，座位闊落，有室外及室內座位可以揀，適合一家人或者情侶慢慢食。

價格範圍：成人自助午餐 HK$ 285 起；成人自助晚餐 HK$ 516.6 起

自助餐預訂：聆渢咖啡廳

酒店住宿

香港黃金海岸酒店的住宿定位一向都幾清晰：佢唔係市區商務酒店，而係度假酒店形式。酒店有海景元素、戶外泳池、親子設施，對親子家庭或者想同另一半過一個輕鬆週末的人都幾吸引。

今次如果你係打算做自助餐staycation酒店或者 book 幾個鐘房配 buffet，黃金海岸的好處係整體節奏慢啲、空間感大啲，真係比較有「留喺酒店過半日」的價值。

價格範圍： HK$685 起

地址： 香港新界屯門青山公路1號 ( Google Map Link )

交通： 港鐵屯門站乘的士約 15 分鐘；酒店亦設穿梭巴士。也可在屯門站轉乘K53、K51港鐵巴士，於「黃金海岸」站下車，步行即可抵達。

預訂入口： 屯門黃金海岸酒店

💡 想睇更多屯門區時鐘酒店？即刻去 Flow 屯門時鐘酒店 揀啱心水！

4. 旭逸酒店・荃灣

Eat@ease

餐廳主打半自助午餐、半自助晚餐等路線，一般會有主菜配自助沙律吧、前菜、甜品等，定位上唔係走超豪華自助，而係偏向可負擔「舒服食一餐」的酒店餐廳。對於唔想一餐食到太飽太多、眼闊肚窄、但又想有返酒店式餐飲的感覺的人，呢類半自助反而啱哂。

Eat@ease 整體環境唔花巧，勝在企理、坐得舒服，適合兩個人食個悠閒午餐。相比起以景觀或度假感取勝的酒店自助餐，Eat@ease 更似一個貼地版選擇：想食得比平時好少少，又唔想一餐飯費用去到太高，呢間就會幾啱。

價格範圍：成人半自助午餐 HK$ 99 起；成人半自助海鮮晚餐 HK$ 193.5 起

自助餐預訂：Eat@ease

酒店住宿

旭逸酒店・荃灣定位偏向城市實用型，幾適合做「輕量版」daycation。酒店房價較易入口，對於想預算及時間有限人士，想 book 間方便又唔超預算嘅酒店，入房休息幾個鐘、食埋半自助餐再抖下的人嚟講，整體成本冇咁高。

酒店以工業風設計，設有基本住宿配套及戶外花園，如果你目標係想搵個地方食飯、傾計、返房抖下，其實幾夠用。比起海景酒店或者機場酒店，旭逸的賣點唔係無邀海岸線或歐陸渡假風，反而係夠實際、夠輕鬆，適合平日想搵個地方短暫轉換節奏的人。

價格範圍： HK$399 起

地址： 香港新界葵涌圳邊街15-19號 ( Google Map Link )

交通： 港鐵葵興站B出口，沿行人天橋前往新葵興廣場，地下的有蓋巴士總站（7-Eleven便利店旁）有穿梭巴士，車程約5-10分鐘。若步行前往，從港鐵葵興站B出口出發，步程約需 10 到 15 分鐘。

預訂入口： 旭逸酒店・荃灣

5. 皇家太平洋酒店

堤岸酒吧及餐廳

想搵一間景觀同氣氛都比較有記憶點的酒店自助餐？皇家太平洋酒店的堤岸酒吧及餐廳比一般市區酒店 buffet 更有特色。餐廳樓高兩層，坐擁維港景緻，最大賣點係將海景、半自助餐同西式餐飲氣氛結合得幾完整。想搵一個可以慢慢食、又唔想太商場 feel 的酒店自助午餐選擇，堤岸酒吧及餐廳會幾啱。

係餐廳推出的「意式臻味海鮮半自助餐」，以意大利海岸風味做主題，有一系列清新前菜同自助甜品區，主菜就可以自選一道較有份量的意式菜式，例如香煎比目魚配檸檬水瓜柳忌廉汁、野菌帶子番紅花意大利飯、蒜香辣椒橄欖油炒意粉配香煎海蝦等。

價格範圍：成人半自助午餐 HK$ 222.4 起；成人半自助晚餐 HK$ 334.4 起

自助餐預訂：堤岸酒吧及餐廳

酒店住宿

皇家太平洋酒店係一間地點非常方便、同時又有海港景觀優勢的尖沙咀酒店。酒店位於中港城上蓋，部分房間可望維港或九龍公園景觀。酒店本身亦設有健身室、商務設施等基本配套，雖然唔係主打泳池 staycation，但勝在夠方便、房型穩陣，適合想喺市區做一個輕鬆版酒店daycation自助餐的人。

如果你本身會搭船往返澳門／珠海，或者住新界西、想揀一間比尖沙咀核心地段稍為冇咁擠迫的酒店，皇家太平洋的位置其實幾好用。對於想搵一間酒店自助餐同住宿體驗都比較平衡、又想保留返少少海景氣氛的酒店，皇家太平洋會係一個幾穩陣的選擇。

價格範圍： HK$566 起

地址： 九龍尖沙咀廣東道33號中港城 ( Google Map Link )

交通： 港鐵尖沙咀站 A1 出口步行約 8–10 分鐘；或港鐵柯士甸站 F 出口步行約 8–10 分鐘前往中港城

預訂入口： 皇家太平洋酒店

💡 想睇更多尖沙咀區時鐘酒店？即刻去 Flow 尖沙咀時鐘酒店 揀啱心水！

平時食 buffet，食完就各自返屋企，行程有點太悶太日常？當你將酒店自助餐同 daycation 擺埋一齊，成件事就會完全唔同：中午或者晚市慢慢食，之後返房抖下、沖個涼、游個水，甚至純粹乜都唔做，個人都會真係有種「偷到半日假」的感覺。對於平時工作忙、又唔想週末安排得太密的人，呢種玩法其實幾值得試。

至於搵緊自助餐推介，想揀出邊間最啱你，就真係睇你想要邊種節奏。想有遠離市區偽出國感，富豪機場酒店夠哂近機場；想要海景渡假感，香港黃金海岸酒店同香港富麗敦海洋公園酒店會更有 holiday mood；想控制預算、做一個輕量版酒店自助午餐 daycation，旭逸酒店・荃灣會較貼地；如果你只係想約人方便，再加個幾小時房間休息，皇家太平洋酒店仍然係好實際的自助餐staycation酒店選擇。

同場加映：

香港酒店SPA推介 | 12間必試酒店按摩+時租酒店精選！一次睇哂奢華水療&性價比之選、放鬆按摩全攻略（九龍/港島/新界）

香港 Day Use 酒店推介：平玩 5 星級酒店，想嘆 Spa、游水定歎 Breakfast？

香港酒店推介｜12間五星級酒店情侶時租攻略 由平到貴一次睇哂

— 認識Flow —

若只需數小時的住宿或工作空間，為何要預訂一整天？

一個為都市空間而設的預訂平台，Flow為您在日間預訂數小時至半天的酒店或工作空間，作短暫停留。跟傳統整天預訂相比，Flow用戶可節省高達75%的費用。

立即下載Flow App，輕鬆找到附近可供使用嘅時段酒店或辦公室！

酒店自助餐 FAQ：常見問題解答