海洋公園一日攻略｜4個情侶必玩景點＋附近時鐘酒店
今次整理一條比較輕鬆嘅海洋公園一日攻略，由入場時間、海洋公園門票價格到4個場內必玩點都有！
2026-10-14
By Jamie Wong
去海洋公園拍拖，玩法其實同一家大細去幾唔同。唔一定要朝早一開門就逐個動物館打卡，兩個人可以揀幾個真正成人想玩嘅景點，坐纜車睇海景、玩機動遊戲，再留到黃昏坐摩天巨輪；10月去更加可以玩埋哈囉喂夜間活動。
今次整理一條比較輕鬆嘅海洋公園一日攻略，由入場時間、海洋公園門票價格到4個場內必玩點都有。玩完一日攰又未想即刻返屋企，仲有2間可經Flow預訂嘅海洋公園附近時鐘酒店，可以將一日約會延長做Daycation。
立即跳往：
海洋公園門票價格
海洋公園現時標準成人門票（12歲或以上）為 HK$538。每日開放設施及時間可能因維修、天氣或活動調整，出發前最好再睇官方網站確認。
今年10月哈囉喂活動指定「日連夜驚嚇體驗」日期包括 10月9–11日、16–19日、23–25日、30–31日及11月1日。
部分驚嚇體驗需要另外購買組合門票，例如「驚」典組合門票非高峰日HK$238、高峰日HK$280，而且並不包括海洋公園入場門票。
而由即日起至2026年11月1日，憑AEON信用卡購買海洋公園標準入場門票專享85折優惠、哈囉喂「驚」典組合門票: 陰陽路．Voodoo Boo．瘋人院專享9折優惠。
一般開放時間： 10:00–18:30
哈囉喂活動開放時間：即日至11月1日，每星期週五至週日 10:00–23:00
購買門票：海洋公園
海洋公園5個情侶必玩景點
1. 海洋奇觀
入場之後可以先去海濱樂園嘅海洋奇觀。水族館入面有直徑5.5米嘅觀賞圓頂、珊瑚礁隧道，最後會去到闊13米嘅巨型觀賞屏；場內合共有超過400個品種、約5,000條魚。相比一入場就排過山車，朝早先行水族館會舒服好多。
對情侶嚟講，海洋奇觀亦係園內比較容易慢慢行嘅地方。藍色水底光線、魚群同巨型水族缸本身已經幾適合影相，而且室內有冷氣；如果當日天氣熱，可以先喺入面行一圈，再上山玩機動遊戲。
位置：海濱樂園・夢幻水都
開放時間：10:00–18:30
2. 登山纜車
由海濱樂園去高峰樂園，天氣好時建議至少其中一程坐登山纜車，而唔係來回都搭海洋列車。纜車沿山坡慢慢上山，中途可以俯瞰海洋公園、山景同南區海岸線；天氣好嘅日子，單係呢段風景已經值得坐一次。
如果唔趕時間，可以上山坐纜車、落山先搭海洋列車，兩種交通工具都玩到。情侶去就更加唔使當佢純粹係交通工具，坐低吹住海風、睇景同影相，反而係成日比較輕鬆嘅一段。
位置：海濱樂園 ↔ 高峰樂園
開放時間： 10:00 – 18:30
3. 動感快車
去到高峰樂園想玩刺激設施，可以直接挑戰動感快車。呢款過山車採用雙腳懸空設計，途中會高速俯衝、急彎同連續轉圈，最高會承受約4G重力；最特別係過山車本身建喺山上，衝出去時背景就係南中國海。
如果兩個人都鍾意機動遊戲，呢個會比逐樣玩細型設施更值得優先排。身高要求為 140cm或以上；設施亦可能因天氣、維修而暫停，所以最好上山之前先睇當日開放狀況。
位置：高峰樂園・動感天地
營業時間：10:30–18:30
4. 摩天巨輪
摩天巨輪唔係海洋公園最刺激嘅機動遊戲，但如果係情侶去，反而值得將佢加入行程，並留到下午較後時間去玩。巨輪會升至約24米高，最高位置可以俯瞰高峰樂園同南中國海；天氣好嘅黃昏，光線亦比正午柔和，影相會靚好多。
摩天巨輪直徑約24米、整體高度約27米，轉速慢，所以主要係睇景而唔係追求刺激。
位置：高峰樂園・海洋天地
開放時間：10:30–18:30
5. 尋鯊探秘
除咗機動遊戲，海洋公園嘅「尋鯊探秘」亦值得情侶一齊去。館內可以透過大型觀賞玻璃近距離欣賞唔同品種嘅鯊魚同鯆魚，睇住佢哋喺水中游過，感覺同平時隔住螢幕睇海洋紀錄片完全唔同。展館亦設有海洋保育資訊，可以順便了解鯊魚嘅生活習性。
相比動感快車等刺激設施，尋鯊探秘節奏比較輕鬆，兩個人可以慢慢行、睇海洋生物，亦適合喺玩完過山車之後稍作休息。展館位於高峰樂園，可以同其他山上景點一齊安排，唔使特登落山再上返去。
位置：高峰樂園・海洋天地
開放時間：10:30–23:00
10月限定：哈囉喂活動
如果兩個人都唔怕鬼，10月反而係幾適合去海洋公園拍拖嘅月份。2026哈囉喂有多個驚嚇體驗，包括「陰陽路之棺材仔」、「Voodoo Boo惡靈遊樂場」、「詭域瘋人院」，以及由Jackson Wang王嘉爾主理及擔任創意總監嘅原創IP「Under the Castle」。
夜晚亦有「光影盛夜：暗黑魅影」，以大型光雕投影、水幕及噴泉做哈囉喂限定效果；海洋列車同期亦會變成暗黑版本。指定日公園一路開到23:00，所以如果主要想玩海洋公園活動，可以下午先入場，玩到夜晚先走，未必要朝早10點踩足13個鐘。
海洋公園附近時鐘酒店推介
玩完機動遊戲、行足成日，如果未想即刻搭車返屋企，可以留喺黃竹坑／香港仔休息。以下兩間酒店目前都可以經Flow預訂，而且定位幾唔同：一間勝在正門隔離夠方便，另一間就係海景Daycation。
1. 香港海洋公園萬豪酒店
如果最怕玩完一日仲要搭車，香港海洋公園萬豪酒店係最直接嘅選擇。酒店就喺海洋公園正門旁邊，同港鐵海洋公園站亦非常近；玩到收園先離場，都唔需要再過海或者轉幾程車先有地方休息。
酒店本身有戶外泳池、健身中心、Spa／桑拿、餐廳、咖啡室同酒吧。房型由約豪華特大床房，到豪華套房都有；部分客房可以望泳池。
價格範圍： HK$1050 起 / 整晚
酒店地址： 香港仔黃竹坑道180號 ( Google Map Link )
交通方式： 港鐵海洋公園站B出口步行3分鐘
預訂入口： 香港海洋公園萬豪酒店
2. 香港富麗敦海洋公園酒店
如果玩完公園之後想將約會節奏完全慢落嚟，香港富麗敦海洋公園酒店會比萬豪更有Staycation感。酒店建於香港仔臨海位置，425間客房全部面向南中國海。
情侶去最吸引係酒店本身個環境。3樓有60米戶外無邊際泳池，直接望住南區海景；10月仍然開放使用，開放時間為09:00–12:00及13:00–19:00，但11月會因應季節轉變而暫時關閉。酒店另外有健身中心、Spa、4間餐廳同酒吧。相比玩完公園純粹搵間房瞓陣，呢間更適合預留半日游水、睇海同食飯。
價格範圍： HK$1120 起 / 4小時
酒店地址：香港仔海洋徑3號 ( Google Map Link )
交通方式： 港鐵海洋公園B出口，轉乘酒店的免費穿梭巴士
預訂入口： 香港富麗敦海洋公園酒店
情侶去海洋公園，其實唔需要由開門一刻開始狂衝景點。朝早先行海洋奇觀，再坐纜車上高峰樂園；下午玩動感快車等機動遊戲，黃昏先坐摩天巨輪睇海景，成條路線會比逐個設施打卡舒服。
如果10月去，可以預先睇埋當日海洋公園活動同哈囉喂夜場時間。指定日開到晚上11點，就更加唔使太早入場。買海洋公園門票時亦要留意，部分哈囉喂驚嚇體驗需要另外購買組合票，唔係普通入場票全部包晒。
玩完海洋公園攻略想繼續約會，可以按預算揀附近酒店：想出園即刻休息，海洋公園萬豪最方便；想睇海、游水，將行程延長做真正Daycation，富麗敦就更有度假感。
同場加映：
自助餐優惠攻略｜酒店Buffet低至5折＋信用卡、App優惠
— 認識Flow —
若只需數小時的住宿或工作空間，為何要預訂一整天？
一個為都市空間而設的預訂平台，Flow為您在日間預訂數小時至半天的酒店或工作空間，作短暫停留。跟傳統整天預訂相比，Flow用戶可節省高達75%的費用。
立即下載Flow App，輕鬆找到附近可供使用嘅時段酒店或辦公室！
以上文章內容由 Flow 編輯團隊撰寫，並無受任何報酬或贊助。任何得到報酬或贊助的產品或服務評論均會在相關文章中進行充分披露。
海洋公園 FAQ：常見問題解答
1.海洋公園門票價格幾多？
目前海洋公園標準成人門票為HK$538，3至11歲小童HK$269。部分期間限定活動及哈囉喂驚嚇體驗需要另外購票，最新價格應以海洋公園官方購票頁為準。
2.海洋公園情侶一日點安排最好？
可以朝早先去海洋奇觀，再坐登山纜車上高峰樂園；下午集中玩機動遊戲，黃昏坐摩天巨輪。10月哈囉喂指定日可以再留低玩夜場。唔需要每個景點都去，揀4至6個真正想玩嘅項目會舒服好多。
3.海洋公園附近有時鐘酒店嗎？
有。香港海洋公園萬豪酒店及香港富麗敦海洋公園酒店目前均可經Flow查看彈性住宿／Daycation選擇。前者鄰近公園正門，後者主打南中國海海景及無邊際泳池；可訂時段及價格會按日期變動。
分享文章
下載Flow App