大坑舞火龍攻略｜時間、路線＋5間附近時鐘酒店
2026大坑舞火龍時間路線＋附近酒店攻略
2026-09-11
By Jamie Wong
每年中秋，大坑最熱鬧嘅並唔係商場燈飾，而係一條真正「着火」嘅龍。
傳承超過一個世紀嘅大坑舞火龍，由街坊一代接一代延續至今。火龍身上插滿燃點中嘅長壽香，伴住鑼鼓聲穿梭大坑街巷，現場煙霧、火光同人群距離近得多，氣氛同隔住舞台睇表演完全係兩回事。
2026年大坑舞火龍活動會喺9月24至26日一連三晚舉行。如果今年打算同另一半第一次去睇，最重要真係唔好「夠鐘先到」——活動範圍本身係大坑舊區窄街，中秋正日更加極多人，企得太後隨時只睇到人頭。
以下一次整理今年舞火龍時間、大坑火龍路線、在哪裏睇、交通同注意事項，睇完火龍想避開散場人潮，文末亦有5間大坑、銅鑼灣、天后及灣仔附近Flow短租酒店可以參考。
立即跳往：
2026大坑舞火龍日期及時間
2026年大坑舞火龍會由9月24日至26日（星期四至六）舉行，分別係迎月夜、中秋正日及追月夜。
目前活動資料顯示，舞火龍時段約由晚上7時開始至10時30分左右；出發前亦最好再留意大坑坊眾福利會及旅發局最新公布，留意有沒有節目安排改動。
2026大坑舞火龍資料：
日期： 2026年9月24日至26日
活動時間： 晚上7:00至10:30
地點： 香港銅鑼灣大坑浣紗街至銅鑼灣道一帶 ( 大坑浣紗街 Google Maps )
交通方式： 港鐵天后站B出口，步行約10分鐘；亦可由銅鑼灣站步行約15分鐘前往大坑
另外，中秋正日9月25日晚，火龍亦會舞入維多利亞公園中秋綵燈會，康文署目前公布維園嘅大坑舞火龍時段為晚上10:30至11:30。如果想睇完整街頭氣氛，仍然建議去大坑；如果只想較輕鬆睇到火龍，維園場次亦可以考慮。
大坑舞火龍獨特慶典
大坑舞火龍並唔係近年專程為旅客而設嘅節慶表演。
呢項傳統可以追溯至19世紀。相傳當年大坑發生疫症，居民紮成火龍、插上線香巡遊，祈求驅除疫症、合境平安；傳統之後一直由社區延續落去。今日大坑舞火龍已列入國家級非物質文化遺產，背後亦代表大坑街坊多年來共同維繫嘅中秋習俗。
今日大家見到嘅火龍全長約 67米，龍身會插上約 12,000枝長壽香，由超過300位健兒輪流舞動。近年巡遊亦有由小朋友舞動嘅LED小火龍同行，將傳統交到下一代手上。
真正去到現場，最震撼未必係「條龍有幾長」，而係火龍喺大坑狹窄街道轉身、盤旋時，線香火光同鑼鼓聲幾乎就在面前。亦正因如此，參觀時最好尊重現場工作人員指示，唔好為咗影相衝入巡遊路線或者伸手掂火龍。
按照傳統，在舞火龍後，工作人員會將火龍身上燃燒後嘅香枝派發給觀賞的人們，象徵祝福和好運。
大坑火龍路線
旅發局2026年官方列出嘅活動範圍係大坑浣紗街至銅鑼灣道，而傳統舞火龍會深入大坑街巷巡遊。巡遊會經過浣紗街、新村街、施弼街、京街及書館街等大坑內街。
最熱門：浣紗街
想睇到最有代表性嘅舞火龍畫面，浣紗街仍然係最多人選擇嘅位置。火龍會喺街上舞動及進行部分傳統儀式，近距離感最強，但相應地亦係最逼。
建議至少提早1至1.5小時到。
尤其9月25日中秋正日，如果晚上7點先落港鐵再慢慢行過去，熱門位置大機會已經企滿人。
想鬆動少少：大坑內街
新村街、書館街及附近內街亦有機會睇到巡遊經過。優點係部分位置比浣紗街稍為鬆動，缺點係視線容易被前排人群、路牌或者街邊設施遮住。
5間大坑舞火龍附近時鐘酒店
1. 銅鑼灣愛麗舍酒店
如果核心目的就係睇大坑舞火龍，銅鑼灣愛麗舍酒店係5間入面位置最直接。酒店位置正正介乎銅鑼灣鬧市同大坑之間，由酒店步行過去浣紗街一帶大約10多分鐘。
酒店整體走明亮、現代簡約路線，亦有健身設施、Wi-Fi及24小時接待。情侶可以下晝先Book幾個鐘休息，黃昏直接行去大坑食飯、等火龍。
價格範圍： HK$382 起 / 3小時
地址： 香港銅鑼灣摩頓台7號 ( Google Map Link )
交通： 港鐵銅鑼灣站F1出口步行約8分鐘
預訂入口： 銅鑼灣愛麗舍酒店
2. 維園118酒店
想住天后方向，可以睇維園118酒店。酒店由港鐵天后站A2出口步行約3分鐘左右，行返大坑亦唔遠。酒店為服務式住宅定位，規模唔算大，房間設計比較現代。
部分房型設有微波爐、迷你雪櫃，甚至有小型Kitchenette，但比一般純酒店房多多少少生活感。酒店亦設有健身室、24小時接待及免費Wi-Fi。
價格範圍： HK$536 起 / 3小時
地址： 香港銅鑼灣電氣道118號 ( Google Map Link )
交通： 港鐵天后站A2出口步行約3分鐘
預訂入口： 維園118酒店
3. 富豪香港酒店
酒店鄰近銅鑼灣商業區及多個室內娛樂、購物同餐飲選擇。情侶可以先入住休息，喺附近行下街或者享用酒店設施，再出發去睇大坑舞火龍。
酒店以典雅現代風格為主，客房偏向舒適實用，空間感充足。房內一般設有舒適睡床、工作空間、電視、迷你雪櫃、咖啡及茶沖泡設備，方便兩個人留喺房內睇戲或者慢慢休息。酒店設有齊健身中心同戶外泳池，可以安排一段較放鬆嘅酒店時間。。
價格範圍： HK$556起 / 4小時
地址： 香港銅鑼灣怡和街88號 ( Google Map Link )
交通方式： 港鐵銅鑼灣站F1出口，步行約5分鐘即達
預訂入口： 富豪香港酒店
4. 南洋酒店
南洋酒店位於灣仔摩理臣山道，地點勝在銅鑼灣同灣仔兩邊都方便。酒店本身係28層高嘅橢圓形建築，部分客房更加喺2026年完成翻新。酒店提供免費Wi-Fi，3樓亦設健身室。
如果兩個人本身打算先喺灣仔食晚飯，再去大坑睇火龍，南洋酒店會幾順路。可以下晝先短休，五六點去銅鑼灣或者大坑食飯，之後睇活動；散場後亦可以避開天后一帶最集中嘅人潮，再慢慢向灣仔方向返酒店。
價格範圍： HK$384 起 / 4小時
地址： 香港灣仔摩理臣山道23號 ( Google Map Link )
交通： 港鐵銅鑼灣站A出口步行約8至10分鐘
預訂入口： 南洋酒店
5. 華麗銅鑼灣酒店
酒店設計走實用、簡約路線，以深色木系家具配合柔和燈光，營造較安靜、私密嘅休息空間；部分高層房型亦可以欣賞城市景觀。房間基本設施包括免費Wi-Fi、雪櫃、茶啡設施同私人浴室，酒店亦有健身設施。
比較特別係部分高階Sky Villa房型設有獨立按摩浴缸，想將普通短休變成多少少約會感。對於睇完火龍後想返房放鬆、浸浴或者影下夜景嘅情侶，呢類房型會比一般標準房更有氣氛。
價格範圍： HK$370 起 / 4小時
地址： 銅鑼灣寶靈頓道38號 ( Google Map Link )
交通： 港鐵銅鑼灣站A出口步行約8至10分鐘
預訂入口： 華麗銅鑼灣酒店
如果從未現場睇過大坑舞火龍，值得至少去一次。67米火龍插滿萬多枝線香，喺大坑舊區街道穿梭，真正吸引人嘅唔只係視覺效果，而係一項由社區延續百多年、至今仍然有人一代接一代參與嘅中秋傳統。
2026年活動只有 9月24至26日三晚。第一次去最實際嘅安排，係下午五六點已經到大坑，先食飯，再提早去浣紗街附近搵位置。中秋正日預計會非常擠迫，怕逼嘅話可以考慮迎月夜或者追月夜。
如果係情侶約會，亦唔需要睇完火龍就即刻同幾萬人一齊散場。預訂附近短租酒店，下晝先休息，夜晚先出去睇火龍；或者活動後等人潮散去先離開，都會舒服好多。
同場加映：
— 認識Flow —
若只需數小時的住宿或工作空間，為何要預訂一整天？
一個為都市空間而設的預訂平台，Flow為您在日間預訂數小時至半天的酒店或工作空間，作短暫停留。跟傳統整天預訂相比，Flow用戶可節省高達75%的費用。
立即下載Flow App，輕鬆找到附近可供使用嘅時段酒店或辦公室！
以上文章內容由 Flow 編輯團隊撰寫，並無受任何報酬或贊助。任何得到報酬或贊助的產品或服務評論均會在相關文章中進行充分披露。
大坑舞火龍 FAQ：常見問題解答
2026大坑舞火龍幾點開始？
2026大坑舞火龍於9月24至26日舉行，街頭活動時間約晚上7:00至10:30。出發前建議再查看大坑坊眾福利會及香港旅遊發展局最新公布。中秋正日9月25日亦有火龍舞入維多利亞公園嘅安排，康文署公布時段為晚上10:30至11:30。
大坑舞火龍在邊度看最好？
第一次睇可以直接去浣紗街，呢度係最主要亦最有氣氛嘅觀賞位置之一，但同時亦係最多人嘅地方。建議至少提早1至1.5小時到場。如果唔想太逼，可以留意火龍巡遊經過嘅大坑內街，或者中秋正日到維多利亞公園睇火龍場次。
大坑舞火龍附近有時鐘酒店嗎？
有。大坑本身酒店唔多，但步行或一兩個港鐵站範圍已經有銅鑼灣愛麗舍酒店、維園118酒店、歷山酒店、南洋酒店及華麗銅鑼灣酒店等Flow短租選擇。
分享文章
下載Flow App