中秋節好去處｜5個情侶約會活動＋附近酒店推介
2026中秋5大情侶好去處＋附近酒店推介
2026-09-10
By Jamie Wong
一年一度中秋節，除咗返屋企食飯、食月餅，其實都係幾適合拍拖嘅日子。2026年中秋節去邊度好？香港中秋正日係9月25日，今年由維園大型綵燈、大坑舞火龍，到尖沙咀海旁賞月都有活動，唔想每年都只係行商場，選擇其實比想像中多。
今次整理5個跨區中秋節好去處推介，特別以情侶約會角度出發，有熱鬧嘅傳統節慶活動，亦有適合慢慢散步、睇夜景同賞月嘅地方。每個中秋好去處推介亦配上一間附近Flow短租酒店，睇完燈、行完街，想休息幾個鐘或者安排半日Daycation都更加方便。
立即跳往：
5個中秋好去處推介
1. 維多利亞公園國際中秋綵燈匯
想搵一個最有節日氣氛嘅中秋節好去處，維多利亞公園應該可以直接放入第一位。今年旅發局首次舉辦「國際中秋綵燈匯」，由9月17日起開放，當中最大焦點係由南京秦淮綵燈創作團隊製作、約8米高嘅巨型榕樹燈組「樹影流光」。
燈組以「團圓」為主題，而且可以360度觀賞；另一邊仲有首次集合20個國家節慶燈飾嘅「世界綵燈大街」，由傳統中國花燈一路睇到不同地方嘅燈飾文化。情侶去嘅話，建議大約黃昏六點幾到場，亮燈之後先慢慢影相，氣氛會比日頭好得多。
大部分燈飾亮燈時間為下午6:30至晚上11:00，中秋正日9月25日更加延長至午夜12點。活動免費入場，所以就算中秋當晚食完飯先臨時想去，都唔需要預先買飛。
活動日期： 2026年9月17日起；
主要大型主題綵燈至9月27日，部分展區延續至10月4日
時間： 下午6:30至晚上11:00；9月25日至午夜12:00
地址： 銅鑼灣維多利亞公園 ( Google Map Link )
交通方式：港鐵天后站A2出口步行約5分鐘；亦可由銅鑼灣站E出口步行前往
附近日租酒店｜香港珀麗酒店
酒店位於信德街，距離維園同天后一帶都唔遠，睇花燈前後唔需要再橫跨半個香港先搵地方休息。酒店屬於傳統市區酒店格局，酒店設有餐廳及酒吧，亦提供健身室等基本設施。
對情侶而言，最大賣點反而唔係「一定要留酒店一日」，可以先食飯、黃昏去維園睇燈，再返酒店休息幾個鐘；亦可以選擇睇綵燈前嘅時段，先喺酒店內食飯或者飲杯嘢，再去感受中秋氣氛，將原本得一晚嘅中秋行程拉長做半日約會。
價格範圍： HK$419 起 / 4小時
地址： 香港銅鑼灣信德街8號 ( Google Map Link )
交通： 港鐵天后站B出口步行約10分鐘；銅鑼灣站F1出口步行約5分鐘
預訂入口： 香港珀麗酒店
2. 大坑舞火龍
大坑舞火龍嘅傳統特別代表到香港味。呢項傳統儀式可以追溯至19世紀，每逢中秋，大坑街坊都會舞動插滿線香嘅火龍穿梭街道，今日更加已經列入國家級非物質文化遺產。
2026年舞火龍會喺9月24至26日舉行，全長約67米嘅火龍插上約12,000枝線香，由300多位健兒合力舞動。當火龍轉入浣紗街一帶，線香、鼓聲、人群全部集中喺狹窄街道入面，現場氣氛同普通商場中秋裝飾完全係兩回事。
如果另一半未睇過，呢個其實幾值得列入中秋節情侶好去處。不過活動人流一向好多，想睇得舒服少少，最好早啲到大坑食晚飯，再搵位置等；亦唔建議著太焗或者太難行嘅衫鞋。
日期： 2026年9月24日至26日晚上19:30至22:30
地址：香港大坑浣紗街至銅鑼灣道一帶 ( Google Map Link )
交通方式： 港鐵天后站B出口，步行約10分鐘至大坑；亦可由銅鑼灣步行前往
附近日租酒店｜銅鑼灣愛麗舍酒店
銅鑼灣愛麗舍酒店位於摩頓台，位置介乎銅鑼灣鬧市同大坑之間，對舞火龍行程特別方便。由酒店步行去大坑唔需要搭車，中秋夜遇上封路或者人潮亦比較容易控制時間。
酒店整體設計走現代簡約路線，客房以柔和色調配搭實用家具，營造舒服、整潔嘅休息空間；部分房型亦設有較寬敞嘅座位區，適合放鬆休息。
酒店附近同時有銅鑼灣大量餐廳，如果唔想喺大坑同其他人迫住食飯，可以先喺銅鑼灣食完，再慢慢行過去睇火龍。
價格範圍： HK$382 起 / 3小時
地址： 香港銅鑼灣摩頓台7號 ( Google Map Link )
交通： 港鐵銅鑼灣站F1出口步行約8分鐘
預訂入口： 銅鑼灣愛麗舍酒店
3. 香港文化中心中秋光影裝置
如果中秋約會想散散步、影相同睇夜景，尖沙咀反而係最穩陣嘅中秋好去處推介。2026年香港文化中心露天廣場會設置丙午年兔兔中秋光影裝置，亮燈時間為下午6:30至晚上11:00，中秋正日同樣延長至午夜。
裝置免費開放，睇完中秋燈飾，仲可以買杯飲品沿尖沙咀海旁慢慢行，對面就係港島夜景。中秋前後月亮升起之後，維港本身已經係最好嘅背景之一。如果怕中秋正日太多人，可以揀前一兩日或者中秋翌日去，燈飾仍然亮燈，氣氛有但人流相對容易控制。
日期： 2026年9月17日至10月11日
時間： 下午6:30至晚上11:00；9月25日至午夜12:00
地址： 九龍尖沙咀梳士巴利道10號香港文化中心露天廣場 ( Google Map Link )
交通方式： 港鐵尖沙咀站E出口步行約5分鐘
附近日租酒店｜馬哥孛羅香港酒店
酒店直接位於海港城，步行幾分鐘就到尖沙咀海旁、天星碼頭、香港文化中心及1881，對想將食飯、睇燈、賞月一次過安排嘅情侶相當方便。
酒店整體設計走典雅而帶現代感嘅路線，大堂空間寬敞，配以高樓底、柔和燈光及簡潔裝潢，入到去有種比較正式、舒服嘅度假感。客房方面以實用嘅城市酒店格局為主，部分房型可以望到維多利亞港，亦有海景房選擇。
酒店設有戶外泳池及健身室，適合下午提早入住後先休息或者游水。餐飲方面亦有Cafe及意大利菜餐廳，無論想食自助餐、飲杯咖啡，定係安排一餐正式少少嘅晚餐，都可以留喺酒店內完成，唔需要特登再搵餐廳。
價格範圍： HK$745 起 / 4小時
地址： 香港九龍尖沙咀海港城廣東道3號 ( Google Map Link )
交通： 港鐵尖沙咀站A1出口步行約8分鐘
預訂入口： 馬哥孛羅香港酒店
4. 美孚饒館花燈節
如果想搵一個免費、充滿社區氣氛，又適合中秋打卡嘅地方，第四屆美孚饒館花燈節就值得列入今次嘅中秋節好去處推介。饒館與不同社區組織合作，透過舉辦免費手繪花燈工作坊，收集逾2,000個由市民親自參與繪畫嘅花燈。而中秋正日晚上19:00更有夜光舞龍表演。
花燈掛滿饒館戶外位置，入夜亮燈後形成壯麗燈海，現場充滿濃厚中秋氣氛，亦係情侶一齊影相打卡嘅好地方。每一個花燈都由市民親手繪畫，圖案各有特色，行入燈海之中可以慢慢欣賞不同作品。情侶可以先喺附近食飯，再到饒館睇花燈同影相，安排一個輕鬆又有節日氣氛嘅中秋約會。
活動日期： 花燈：2026年9月19-20、25-26日 | 10:00-21:00
夜光舞龍表演及舞龍體驗：9月25日19:00-20:30
中秋市集開放時間：9月19-20及25-26日 14:00-21:00
地址： 香港九龍美孚青山道800號 ( Google Map Link )
交通方式：由美孚地鐵站B出口步行至翠雅山房約8-10分鐘
附近日租酒店｜文化旅館 • 翠雅山房
中秋想去饒館花燈節感受節日氣氛，就可以順道入住埋文化旅館 • 翠雅山房。酒店為饒館的一部份，建築保留了部分戰前歐陸風格及歷史特色，現經活化成為結合文化、藝術與住宿體驗的旅館。
對想將中秋節情侶好去處變成Staycation嘅人，入住酒店，再去饒館花燈節感受中秋燈飾，會係較完整嘅安排。酒店本身兼具歷史背景同中式設計，適合想搵一個唔只係用嚟瞓覺、而係有少少故事同設計感嘅中秋住宿選擇。
價格範圍： HK$363 起 / 整晚
地址： 九龍美孚青山道800號 ( Google Map Link )
交通： 由美孚地鐵站B出口步行至翠雅山房約8-10分鐘
預訂入口： 文化旅館 • 翠雅山房
5. 黃大仙嗇色園普濟香江中秋綵燈晚會
如果想搵一個有傳統文化特色、又適合一家大細及情侶同遊嘅中秋節好去處，黃大仙嗇色園普濟香江中秋綵燈晚會就值得留意。嗇色園每年臨近中秋都會舉辦綵燈節，設有大型綵燈展覽、大型花燈展示、中樂表演及夜光龍巡遊等等。
綵燈節以傳統文化及非物質文化遺產為主題，現場除咗可以欣賞不同造型嘅大型花燈，亦有機會觀賞傳統藝術表演及特色匯演，適合想一邊賞燈、一邊感受香港傳統文化嘅情侶。
日期：2026年9月17日至10月4日（一連18天）
時間：星期一至五： 延長開放至晚上 9:00
星期六、日及公眾假期： 延長開放至晚上 10:00
中秋節正日（9月25日）： 延長開放至晚上 11:00
*最後入園時間為關園前 1 小時
地址： 香港九龍黃大仙竹園村二號嗇色園 ( Google Map Link )
交通方式： 港鐵黃大仙站B3出口步行約數分鐘
附近日租酒店｜君立酒店
君立酒店整體設計以復古、簡潔實用為主，配合現代化客房及基本住宿設施，適合想睇完九龍區綵燈活動後搵地方休息嘅情侶。酒店位置鄰近九龍灣商業區及多個交通轉乘點，由黃大仙、九龍灣或觀塘一帶前往都相對方便，活動完結後唔需要長時間轉車，坐的士10分鐘即到。
情侶可以下午先入住休息，晚上到黃大仙參觀綵燈節，行程會更加輕鬆。酒店整體氛圍較低調，適合想避開大型商場人潮、簡單休息嘅旅客。
價格範圍： HK$432 起 / 6小時
地址： 香港九龍灣宏光道15號 ( Google Map Link )
交通： 九龍灣地鐵站B出口步行約10分鐘即到
預訂入口： 君立酒店
中秋活動香港選擇其實幾多：如果想感受節日氣氛，可以去維園睇國際綵燈或者大坑舞火龍；想浪漫少少，就去尖沙咀海傍賞月；想將約會變成半日小旅行，行程前後預訂埋時租酒店又係另一種玩法。
安排中秋節情侶好去處最重要唔係一晚塞晒幾個景點，而係揀一區慢慢玩。預先Book埋附近短租酒店，中間可以休息、沖涼或者避開最逼嘅時段，再等入夜先出去睇燈賞月，成個約會會舒服好多。
同場加映：
屯門好去處：情侶一日遊推介 4 大外國風景點，附 4 間高質時鐘酒店！
— 認識Flow —
若只需數小時的住宿或工作空間，為何要預訂一整天？
一個為都市空間而設的預訂平台，Flow為您在日間預訂數小時至半天的酒店或工作空間，作短暫停留。跟傳統整天預訂相比，Flow用戶可節省高達75%的費用。
立即下載Flow App，輕鬆找到附近可供使用嘅時段酒店或辦公室！
以上文章內容由 Flow 編輯團隊撰寫，並無受任何報酬或贊助。任何得到報酬或贊助的產品或服務評論均會在相關文章中進行充分披露。
中秋節好去處 FAQ：常見問題解答
2026年香港中秋節正日係幾時？
2026年中秋節正日係9月25日（星期五）。維多利亞公園綵燈及香港文化中心光影裝置當晚會延長亮燈時間至午夜12點，而大坑舞火龍則於9月24至26日舉行。
中秋節情侶好去處有咩推介？
鍾意熱鬧可以去維園國際中秋綵燈匯或者大坑舞火龍；想浪漫賞月就比較推薦尖沙咀海旁。鍾意文化或傳統，可以去饒館或黃大仙，再入住附近酒店休息。
中秋節酒店推介需要提早預訂嗎？
建議提早預訂，尤其9月25日中秋正日及前後周末。銅鑼灣、尖沙咀等熱門賞月及活動地區需求通常較高。Flow短租酒店嘅入住時段同價格會因日期變動，最好先比較當日供應再決定。
分享文章
下載Flow App