想放鬆又唔想過夜？而家喺香港，Daycation香港已經成為近年其中一個最hit嘅玩法之一！喺香港Daycation其實就係利用酒店提供嘅日間入住或時租酒店，好好享受泳池、健身室、餐廳或者spa，就算唔過夜都可以chill一日，好似去咗旅行咁自在！無論係同另一半過一個有儀式感嘅約會、同朋友輕鬆hea住傾計，定係同屋企人過一個溫馨嘅下晝，都可以喺短短幾個鐘入面換個節奏，享受一段真正屬於自己嘅時間。由打卡靚景到舒適客房，再到各種酒店設施，每一個moment都可以變得好有記憶點，平時一般嘅週末都可以過得好有質感。快啲利用我地提供嘅日間酒店香港合集，搵返間啱心水嘅酒店啦！

12間最Hit日間酒店香港Daycation推介

無論你想喺港島睇海景chill一日，定係喺九龍體驗市中心嘅便利同shopping，甚至想喺新界遠離繁囂、享受靜靜地嘅酒店環境，都可以搵到啱你心水嘅Daycation香港選擇。今次就幫大家整理咗最熱門嘅日間酒店香港合集，幫你一次過睇晒有咩半日酒店嘅選擇！宜家透過Flow預訂仲好簡單添，幾個步驟就可以好快揀好時間同酒店，又可以即book即住，真係好易用。即刻展開你嘅一日小旅行啦！今次幫你一次過搵齊香港日間酒店推薦同唔同budget嘅半日酒店option：

日間酒店香港島區

喺香港島，日間酒店唔止可以chill酒店設施，仲可以順便探索附近景點。想睇海景，可以揀銅鑼灣或者灣仔嘅酒店，附近有維多利亞港嘅靚景，另外有好多潮舖等你去行。想行文青路線，可以揀上環或者中環嘅酒店，附近有PMQ創意藝術空間、蘇豪區特色café同歷史建築，食買玩都方便。日間酒店香港島選擇多元化，無論係維港海景酒店、豪華五星級酒店，定係設計感十足嘅boutique hotel，都可以玩成日！

1. 柏寧酒店

柏寧酒店位置喺香港島銅鑼灣心臟地帶，係一間喺日間酒店香港合集入面嘅人氣城市酒店。酒店位置好方便，行幾分鐘就到銅鑼灣港鐵站同多個shopping熱點。百德新街同SOGO就係附近，食買玩一take過，同埋隔離就係大大嘅維多利亞公園，食飽可以chill住散步。設施方面，柏寧酒店提供多個唔同房型，由城市景觀房到望維港嘅房間都有。酒店有設備齊全嘅健身中心，可以一齊做下運動啦，又有行政貴賓廊可以輕鬆歎茶點同飲品，特別適合同另一半、朋友或者屋企人一齊過一個溫馨又放鬆嘅時光。飲食選擇一樣好吸引！酒店有人氣餐廳 PLAYT 嘅國際自助餐，仲有 SKYE Roofbar & Brasserie 高空餐廳酒吧，可以一邊飲杯一邊睇城市景色，真係好正！

⭐⭐⭐⭐⭐

地址： 香港銅鑼灣告士打道310號 ( Google Map )

設施：免費無線上網, 空調, 禁煙飯店, 鄰近鐵路站, 健身中心, 酒店服務, 餐廳, 咖啡室, 酒吧, 有線電視, 遮光窗簾, 毛巾, 咖啡/茶沖泡器, 淋浴設施, 工作桌

價錢：HKD 1250++

2. 銅鑼灣皇冠假日酒店

銅鑼灣皇冠假日酒店喺銅鑼灣其中一間好受歡迎嘅選擇，位置超方便，步行就到Times Square、Hysan Place等人氣購物熱點。如果有國際球賽，你亦都可以好快行去大球場，睇完波再返酒店休息，完美配合日間酒店香港島daycation！酒店多數房型仲可以望到城市景致或者跑馬地馬場，房內提供免費Wi‑Fi、平面電視、咖啡茶同埋大浴室，好啱情侶、家人或者朋友一齊chill返幾個鐘。再上天台享受埋佢嘅無敵天台泳池，遊返個水放鬆一下工作壓力！玩到餓，酒店有幾間餐廳都好高評價，例如Imperial Treasure主打精緻中菜，好啱一家大細食返餐飯。Club @ 28天台酒吧就啱晒情侶食個tea，享受浪漫嘅時間。周圍食肆同咖啡店都勁多，係一個非常適合同另一半、朋友或者屋企人一齊製造美好回憶嘅地方。

⭐⭐⭐⭐⭐

地址： 銅鑼灣禮頓道8號 ( Google Map )

設施：空調, 禁煙飯店, 鄰近鐵路站, 健身中心, 露天泳池, 餐廳, 咖啡室, 有線電視, 遮光布簾/窗簾, 毛巾, 淋浴設施, 工作桌, 泊車

價錢：HKD 956++

3. 中環晉逸精品酒店

喺港島中環區，可以搵到一間時尚精品酒店中環晉逸精品酒店，好啱做日間酒店香港島嘅daycation之選。酒店位於中環威靈頓街，行幾分鐘就到充滿外國餐廳、小酒吧同藝術小店嘅蘇豪區同蘭桂坊，周圍食買玩一應俱全，氣氛活力十足，約埋另一半或者朋友嚟個輕鬆一日遊就fit晒！客房採用暖色調燈光同埋用上古典風格家具，設有平面有線電視，為你打造理想嘅休憩空間。而附近更加唔少人氣餐廳同酒吧、特色cocktail bar等，飲完再行下蘇豪夜生活，或者喺酒店房度慢慢傾計，都係同摯愛一齊度過浪漫時光嘅好方法。整體嚟講，中環晉逸精品酒店結合便利位置、周邊玩樂選擇同酒店本身嘅舒適設施，無論係時租酒店或者搵半日嚟放鬆，都係一個好選擇！

⭐⭐⭐⭐

地址： 香港中環威靈頓街122號 ( Google Map )

設施：免費無線上網, 空調, 禁煙飯店, 鄰近鐵路站, 無障礙設施, 有線電視, 遮光窗簾, 毛巾, 淋浴設施

價錢：HKD 573++

4. 宜必思香港中上環

我地嚟到好潮嘅上環，宜必思香港中上環酒店係一間經濟實惠又方便嘅酒店。步行就可以去到港澳碼頭、上環地鐵站，同埋電車站，去中環、蘇豪周邊藝術文化區都好方便。樓下就有多間好出名嘅餐廳同cafe，例如Yardbird、Honjo，等等。如果種意傳統啲，行去上環方向荷李活道嘅興記咖啡室，歎返個蛋牛治都得！酒店仲有提供海景房，多數房間配有免費Wi‑Fi、大落地玻璃窗同舒適床褥，部分高層房仲可以望到維多利亞港靚景添。酒店亦設有健身中心可以做運動去散下步，成個日間行程由brunch、行街、歎咖啡到返酒店chill都好順暢，係非常啱做日間酒店香港島嘅daycation選擇。

⭐⭐⭐⭐

地址： 香港上環德輔道西28號 ( Google Map )

設施：免費無線上網, 空調, 禁煙飯店, 鄰近鐵路站, 健身中心,咖啡室, 酒吧, 有線電視, 遮光布簾/窗簾, 毛巾, 咖啡/茶沖泡器, 淋浴設施, 工作桌, 梳化

價錢：HKD 531++

睇多啲：10間銅鑼灣Cafe推介

<

日間酒店香港九龍區

喺九龍，日間酒店同時租酒店選擇一樣多元化，無論你想喺尖沙咀睇海景、喺啟德感受新起嘅市區熱點，定係喺深水埗搵平靚正嘅嘢買，都可以安排一個有趣嘅daycation香港一日遊。酒店多數提供齊全設施，例如泳池、健身室、餐廳同咖啡室，方便同屋企人、朋友或者另一半享受幾個鐘嘅輕鬆時光。周圍亦都有好多公園同商場，行完出去又可以隨時返酒店休息，短短一日都可以過得充實又有質感！

5. 啟德帝盛酒店

啟德帝盛酒店位置喺啟德海濱，坐擁維多利亞港迷人景致，步行就可以到新落成嘅啟德體育園主場館睇波或者演唱會，成個位置好有活力同氛圍。周邊除咗啟德體育園，行開有綠化海濱長廊可以散步，甚至坐車短短時間就去到市區熱點。呢間全新旗艦酒店有多種特色套房，設施包括露天無邊際泳池，一邊遊水一邊享受非一般嘅美景！仲有185平方米嘅健身中心，啱晒鐘意keep fit嘅你。樓上酒吧Jin Bo Law提供超靚海景，記住要同另一半上去飲返杯，chill下。依間酒店宜家提供日間訂房，真係好啱同摯愛過一個難忘放鬆嘅daycation呀！

⭐⭐⭐⭐⭐

地址： 九龍啟德承啟道43號 ( Google Map )

設施：免費無線上網, 空調, 24小時保安, 禁煙飯店, 鄰近鐵路站, 健身中心, 24 小時櫃台服務, 露天泳池, 代客停車, 餐廳, 酒吧, 會議室, 有線電視, 接送服務

價錢：HKD 700++

6. YHA美荷樓青年旅舍

位於具歷史價值嘅美荷樓大樓內，YHA美荷樓青年旅舍係深水埗一個非常有特色嘅daycation選擇。呢座建築係戰前公營房屋嘅經典例子之一，經活化後成為旅舍同青年旅遊文化空間。行去港鐵深水埗站大約8分鐘，交通好方便。周圍有深水埗人氣電玩商場、潮流小店同地道美食，玩一日都唔會悶！YHA美荷樓提供多種客房，包括雙床房同大床房等，旅舍亦提供免費Wi‑Fi、自助廚房同自助洗衣間，仲有24小時開放嘅接待處。好適合你同另一半一齊計劃一個日間酒店香港九龍區，平價悠閒嘅一日。不止可以喺旅舍休息，仲可以喺深水埗附近行街買嘢、食嘢、打卡，簡單又充實啦！

⭐⭐⭐

地址： 九龍深水埗巴域街70號石硤尾邨41座 ( Google Map )

設施：免費無線上網, 空調, 鄰近鐵路站, 無障礙設施, 客房設施, 有線電視, 遮光布簾/窗簾, 毛巾, 咖啡/茶沖泡器, 淋浴設施, 工作桌

價錢：HKD 455++

7. 馬哥孛羅香港酒店

馬哥孛羅香港酒店位於尖沙咀廣東道，坐落喺海港城入面，係一個非常方便又經典嘅日間酒店香港九龍區daycation之選。行幾步就到海運大廈同天星碼頭，可以搭船睇維港景色。附近仲有1881古蹟建築群同九龍公園，適合唔太鐘意行街嘅你。行到攰仲可以去附近新開人氣咖啡店 Longbridge Café 坐低歎杯咖啡，慢慢享受屬於你哋嘅半日酒店時間。酒店設施齊全，設有室外泳池同健身中心，唔洗怕無嘢做啦。房間又寬敞舒適，部分仲可以望到維多利亞港景添！餐飲方面，人氣Cafe Marco提供多國自助餐。而主打海景嘅意大利餐廳Cucina更適合嚟個浪漫約會呀！整體由食到玩都可以安排得好滿好滿，快啲去打造一個同摯愛共度嘅高質時光先。

⭐⭐⭐⭐⭐

地址： 尖沙咀海港城廣東道3號 ( Google Map )

設施：免費無線上網, 空調, 露天泳池, 餐廳, 咖啡室, 有線電視, 遮光布簾/窗簾, 毛巾, 咖啡/茶沖泡器, 淋浴設施, 會議室, 代客停車, 健身中心

價錢：HKD 680++

8. 尖沙咀帝苑酒店

如果唔想環境太嘈，可以悠閒啲但又同時可以好快咁去到尖沙咀市中心，咁就可以考慮一下尖沙咀帝苑酒店。酒店位於尖東麽地道一帶，位置相對寧靜，但步行幾分鐘就可以去到維多利亞港海濱、星光大道，無論係同另一半散步睇海景，定係同家人朋友影吓相，都唔錯㗎！係一個非常適合日間酒店香港九龍區daycation嘅選擇。依間香港日間酒店設施方面就相當齊全，最吸引係位於天台嘅Sky Club，設有長達25米嘅恆溫游泳池仲有水底音響系統，可以一邊浸水一邊望維港景同聽音樂，chill感滿分。另外亦有24小時健身中心，隨時都可以做運動。餐飲選擇多達8間，我哋就好推薦日本菜四季菊同埋意大利菜Sabatini，兩間都可以試到5星級嘅服務同水準！

⭐⭐⭐⭐⭐

地址： 九龍尖沙咀東部麽地道69號 (Google Map)

設施：免費無線上網, 空調, 鄰近鐵路站, 健身中心, 露天泳池, 餐廳, 咖啡室, 無障礙設施, 有線電視, 遮光布簾/窗簾, 毛巾, 咖啡/茶沖泡器, 淋浴設施, 工作桌, 泊車

價錢：HKD 1200++

日間酒店香港新界區

講到想真正放鬆、遠離市區節奏，新界嘅選擇會更加chill同貼近自然。相比市區，新界嘅環境更加寧靜，可以慢慢歎下設施、行下附近自然景點，同摯愛享受一段真正屬於自己嘅時間。無論係西貢嘅海景小鎮風情、屯門一帶嘅寧靜空間，定係黃金海岸充滿度假感嘅海邊環境，都好適合安排一個輕鬆嘅daycation。如果時間唔多，其實揀半日酒店都已經好夠，幾個鐘就可以轉換心情，當自己去咗個短trip一樣！

9. The Pier Hotel

喺西貢白沙灣海邊，有一間主打寧靜同度假感嘅The Pier Hotel。非常適合想遠離城市節奏、體驗日間酒店香港新界區daycation嘅你！酒店本身坐擁海景同遊艇碼頭景觀，環境清幽又有度假氛圍，特別適合同另一半plan一個浪漫假期。附近仲可以安排坐船去三星灣，或者去三星釣魚場玩下釣魚、親近大自然，成個體驗好似離開咗香港一樣咁放鬆。酒店設施方面亦好有亮點，包括天台無邊際泳池同Rooftop Garden，可以望住海景chill住曬太陽；另外亦設有健身室，想活動下都冇問題。酒店同BRICK LANE合作提供早餐同私人用餐體驗，可以一邊食一邊望住白沙灣海景，氣氛特別適合同摯愛慢慢享受。房間多數配有露台，可以坐低飲杯咖啡、吹下海風，遠離市區享受寧靜嘅半日小旅行。

⭐⭐⭐⭐

地址： 香港西貢白沙灣街9號 (Google Map)

設施：免費無線上網, 24小時保安, 電動車充電站, 飲水機, 禁煙飯店, 健身中心, 24 小時櫃台服務, 電梯, 露天泳池, 餐廳, 洗衣服務, 行李寄放, 無障礙設施, 智能電視, 保險箱, 隔音房間, 免費樽裝水, 咖啡/茶沖泡器, 淋浴設施, 露天看台, 泊車, 接送服務

價錢：HKD 547++

10. 洲至奢選香港WM酒店

另一間日間酒店香港西貢嘅酒店推介就係洲至奢選香港WM酒店，酒店距離西貢市中心只需大約9分鐘步程，食海鮮、行碼頭都好方便，仲可以輕鬆安排坐船出海玩或者去附近小島，成個daycation好有「離開香港」嘅感覺。依個香港日間酒店推薦設施相當高質，包括天台無邊際泳池、配備桑拿同蒸氣室嘅健身中心，以及多功能活動空間，整體設計偏度假風，超適合同另一半慢慢chill！酒店主打餐廳Café@WM提供海鮮自助餐同下午茶，環境開揚又有落地玻璃，咁就可以一齊食住傾計歎靚境啦！仲有好高評價嘅M Square，有甜品同小食可以游完水喺度補返一下。大部份房間又設有露台，可以望住海景飲杯咖啡，慢慢享受同摯愛相處嘅時光。整體嚟講，WM酒店最大賣點就係近市區但又好似去咗度假，無論你想感受外國風情、去返個外島探險，定係過一個有質感嘅半日酒店小旅行，都係一個好值得試嘅daycation選擇。

⭐⭐⭐⭐⭐

地址： 香港西貢惠民路28號 (Google Map)

設施：免費無線上網, 24小時保安, 電動車充電站, 飲水機, 禁煙飯店, 健身中心, 24 小時櫃台服務, 露天泳池, 桑拿/ 蒸氣室, 餐廳, 洗衣服務, 行李寄放, 會議室, 無障礙設施, 有線電視, 保險箱, 咖啡/茶沖泡器, 淋浴設施, 工作桌, 迷你吧, 泊車

價錢：HKD 880++

11. 香港黃金海岸酒店

香港黃金海岸酒店位於屯門掃管笏海邊，係香港少數真正貼近沙灘嘅度假型酒店，嚟到呢都真係會覺得好似出咗國旅行咁。酒店旁邊就係黃金泳灘同遊艇會，環境開揚又有度假感，行出去已經可以吹海風、睇日落，同另一半散步慢慢hea一日都好有氣氛。附近仲有黃金海岸商場，裏面有好高評價嘅咖啡室Heato，意大利餐聽Resto Bar & Grill，食嘢、行下都好方便！整個staycation好似去咗外國海邊一樣放鬆。交通方面亦算方便，由市區出發可以搭西鐵線到屯門站，再轉乘巴士或者的士，都好快就到。係一間可以有外國風又方便去嘅日間酒店香港新界好選擇。酒店設施仲相當豐富，包括戶外游泳池連滑水梯、健身中心同大型花園空間，仲有親子設施，唔同嘅戶外遊樂設施同水上活動區。咁就一定唔怕悶啦！玩到肚餓有米芝蓮推介中菜餐廳粵YUE，可以喺戶外茶座嘅閒適氣氛下眺望優美海景，享用巧手佳餚，餐廳更設有廂座，適合情侶、三五知己同埋屋企人聚餐。由環境到設施都充滿度假感，都超級豐富，一定會會好難忘！

⭐⭐⭐⭐

地址： 香港黃金海岸青山公路 1 號 (Google Map)

設施：免費無線上網, 空調, 飲水機, 禁煙飯店, 健身中心, 露天泳池, 咖啡室, 無障礙設施, 客房設施, 浴缸, 有線電視, 遮光布簾/窗簾, 咖啡/茶沖泡器, 淋浴設施, 泊車

價錢：HKD 585++

12. 悦品度假酒店

如果想喺屯門搵一個輕鬆又方便嘅daycation選擇，呢間悦品度假酒店就幾適合你啦。亦都係我哋熱門嘅日間酒店香港新界區之一。位置近屯門市中心，就喺地鐵站隔離。步行就可以去到V city同屯門市廣場，shopping、食嘢都好方便；想慢慢行下放鬆，可以去附近嘅屯門公園，或者去屯門舊墟后角天后廟感受下本地歷史文化，同另一半行下都幾有意思。酒店設施方面主打玩樂同休閒，包括室外游泳池連水上浮床、健身中心同COZi Starry露天空間，有發光吊椅及座椅，點綴點點光芒，讓您仿佛置身星空咁。餐廳COZi Lounge就提供輕食同自助餐選擇，方便你唔使特登出去都可以慢慢歎返餐飯。呢度結合便利位置、娛樂設施同周邊景點，係一個半日酒店嘅好選擇！

⭐⭐⭐⭐

地址： 屯門建豐街 4 號 (Google Map)

設施：免費無線上網, 禁煙飯店, 鄰近鐵路站, 健身中心, 露天泳池, 餐廳, 有線電視, 隔音房間, 遮光布簾/窗簾, 淋浴設施, 泊車

價錢：HKD 380++

睇多啲：情侶酒店推介

所以無論你係想同摯愛約會、同朋友chill一日，定係同家人搵個寧靜位放鬆，香港都有唔同類型嘅日間酒店滿足你嘅需要。港島可以享受海景同感受潮人生活，九龍區方便shopping同文化景點，新界則有沙灘、海風同度假感。唔使過夜，透過Flow App嘅時租酒店或者半日酒店訂房服務，就可以輕鬆享受酒店泳池、餐廳、健身室甚至spa，輕鬆轉換一下心情，忘記工作一陣。快啲揀一間心水酒店，享受一個充滿回憶又高質感嘅短暫假期！

同場加映：

香港沙灘推介｜8大情侶日落沙灘+人氣海景酒店拍拖打卡全攻略

【情侶 App 懶人包】遠距離Long D、同居夾錢、熱戀打卡點揀好？

【野餐勝地】香港 12 大野餐好去處推介！

👉 更多九龍區酒店：尖沙咀｜紅磡｜佐敦｜旺角

👉 更多港島區酒店：灣仔｜銅鑼灣｜中環｜黃竹坑

👉 更多新界區酒店：沙田｜屯門｜西貢｜天水圍｜荃灣

— 認識Flow —

如果你只需要幾個鐘嘅住宿或者工作空間，其實冇必要預訂全日嘅。

Flow係一個專為都市生活而設嘅預訂平台，提供日間酒店或者工作空間嘅短時間預訂服務，由幾個鐘到半日都可以，方便用戶按需要安排短暫停留。相比傳統整日預訂，使用Flow可以幫你節省高達75%嘅費用，既靈活又慳錢，輕鬆享受短暫休息時光。想搵近你公司嘅時租酒店香港，或者weekend daycation香港，只要開Flow搵一搵就得。

立即下載Flow App，好輕鬆就可以搵到附近適合你用嘅時租酒店！

以上文章內容由 Flow 編輯團隊撰寫，並無受任何報酬或贊助。任何得到報酬或贊助的產品或服務評論均會在相關文章中進行充分披露。

日間酒店香港Daycation FAQ：常見問題解答

乜嘢係日間酒店Daycation？

日間酒店（Daycation）係指唔過夜，喺酒店只用幾個鐘頭享受設施，例如泳池、健身室、餐廳或者spa，當作短暫放鬆或mini escape。

行程唔長，可以揀幾多小時？

好多酒店提供半日酒店方案，2–4小時都可以享受設施，方便彈性安排時間。

喺Flow 點樣預訂 daycation香港或時租酒店香港？

打開 Flow App，揀地區同日期之後，filter 揀「日間入住」或「時租」，就會睇到一堆香港日間酒店推薦，揀好時段同房型，即刻落單，用手機就可以完成，去到出示 booking 就 check-in 得。

搜尋香港時鐘酒店

q=時鐘酒店&f_book_type=hour,session

Flow App 旅行 Blog

熱門日間酒店香港合集！12間人氣Daycation香港全指南