荔枝角一日遊：5大慢活文青景點＋荔枝角酒店推介

講起荔枝角，好多人第一印象都仲停留喺工廈區、返工區，其實近十年工廈活化後，呢度嘅玩法愈嚟愈多，好似可以去 D2 Place 行市集、工廈搵荔枝角美食！如果你將成個區慢慢砌埋一齊睇，荔枝角仲係幾適合做一個「文青一日遊」嘅區域：有商場、有工廈 Cafe、有公園同散步位，食完、行完，再搵間荔枝角酒店或者荔枝角時鐘酒店休息幾個鐘，節奏可以幾舒服。

今次就等小編以商場＋荔枝角工廈 Cafe推介＋荔枝角酒店daycation為主軸，精選出5個荔枝角一帶值得放入行程的地方，再整合5間荔枝角時鐘酒店及鄰近可時租酒店。你可以跟著住行，朝早去 Cafe 坐下，中午去 D2 Place 食飯行街，之後再去荔枝角公園散步，夜晚 book 間酒店休息，成個行程唔趕，又唔會無聊。

5大荔枝角文青好去處

1. D2 Place

講到荔枝角文青路線，D2 Place 幾乎一定係起點。D2 Place 分為 D2 Place ONE 同 D2 Place TWO，兩邊都集中咗商場、荔枝角美食、特色小店、活動空間同娛樂設施，係荔枝角近年最有代表性的 lifestyle 地標之一。

比起一般商場，D2 Place 更多的是係文創市集、期間限定活動同本地品牌店舖，所以如果你本身鍾意慢慢行、鍾意睇香港小店，呢度幾值得預時間。商場亦有餐廳、咖啡店同玩樂設施，對第一次嚟荔枝角的人嚟講，基本上食完 lunch 再行返2-3個鐘都唔難。

如果你想將 D2 Place 放入一日遊，可以預先睇下有冇期間限定市集，再計劃揀一間餐廳食飯或者坐低飲杯咖啡。D2 Place TWO 近年亦多咗親子餐廳、遊戲中心、娛樂設施同電影院元素。對於想搵D2 Place商場美食推介或者安排拍拖／朋友 gathering 的人，呢度真係幾好用。

地址：D2 Place ONE：香港荔枝角長義街9號 ( Google Map Link )；D2 Place TWO：香港荔枝角長順街15號 ( Google Map Link )

交通資訊：港鐵荔枝角站 D2 出口 步行約 3–5 分鐘可到 D2 Place 一帶

營業時間： 一般為每日約 10:00–22:00（個別店舖營業時間或有不同）

2. 大員

而家荔枝角美食愈嚟愈多選擇，你喺荔枝角突然想食台式菜，搵一間氣氛舒服、又有特色的台式餐廳，大員會係一個幾值得試的選擇。餐廳走簡約文青風格，環境乾淨企理，坐低食飯會有種輕鬆慢活的感覺，適合朋友聚餐或者拍拖食飯。

食物方面，大員主打台式料理，菜式選擇幾有特色，又夠地道。比較受歡迎的包括金沙百頁豆腐、花雕醉雞腿卷配藥膳湯麵、三七肥瘦台灣腸等台灣菜，睇得出老闆係經典菜中加入了一點新意。台式飲品選擇亦多，例如熱桂圓紅棗茶、凍低糖仙草奶茶等。

地址：香港荔枝角青山道538號半島大廈地下1-2號舖（ Google Map Link ）

交通方式： 港鐵荔枝角站 D2 出口 步行約 5–8 分鐘

營業時間： 星期一至日 11:00 – 21:00

3. BON CHAT CHAT 閑寮

店內設計走日式簡約和風路線，以日式竹林、榻榻米座位、柔和燈光為主，整體感覺寧靜又舒服，有種置身日本小店的感覺。相比起一般荔枝角工廈 Cafe推介，呢度更著重空間感同細節，適合慢慢坐低放鬆，甚至當作一個靜靜傾計或者獨處的地方。

餐單方面，餐廳主打意式/日式主菜同甜品，幾精緻同有心思。比較受歡迎菜式的包括茶泡飯、咖喱吉列豬扒飯、卡邦尼培根意粉、沙律等等。整體呈現都幾講究，無論賣相定味道都帶有日式Cafe的細膩感。

呢度最大特色嘅係佢營造出來的「慢活感」。由空間設計到餐點風格，都係圍繞住一種輕鬆、唔趕時間的節奏。如果你想喺荔枝角一日遊入面加一個比較靜態、可以抽離休息的環節，呢間Cafe會幾適合放喺行程中段或者尾段。

地址：香港荔枝角長順街20號時豐中心5樓510室 （ Google Map Link ）

交通方式： 港鐵荔枝角站 D1 出口步行約 3 分鐘

營業時間： 每日12:00-19:00 星期四休息

4. 饒宗頤文化館

想喺荔枝角行程入面加一個更有文化深度的地方，屬三級歷史建築嘅饒宗頤文化館會係一個幾值得安排的站點。文化館原址係前荔枝角醫院，建於20世紀初，曾經歷過醫院、檢疫中心等不同用途，見證住香港公共醫療同社會發展的歷史。

後來經過活化工程，轉型成為一個結合文化、藝術同歷史的公共空間以及旅館，並以國學大師饒宗頤命名，成為香港少數兼具歷史背景同文化定位的地標之一。

文化館保留咗原有的紅磚建築群，同時融合中西建築元素，例如拱形走廊、斜屋頂同庭院式布局，整體感覺同一般現代商場或者工廈完全唔同，行落去會有少少似小型歷史村落的感覺。

地址：香港荔枝角青山道800號 ( Google Map Link )

交通資訊：港鐵美孚站 B 出口 步行約 10–12 分鐘；或由荔枝角站乘的士約 5 分鐘

開放時間：

下區：星期一至日，上午8時至下午6時
中區：星期一至日，上午8時至晚上10時​

下區 藝術館及保育館
星期二至日：上午10時 – 下午6時
(逢星期一休館，公眾假期除外)

5. 荔枝角公園

荔枝角公園係九龍其中一個較大型的公園，內有中式園林、步道、草地、休憩空間，旁邊亦有游泳池同體育館設施。公園比較有特色的部分係「嶺南之風」，故名思義，呢一部分嘅設計係嶺南式園林設計，設有亭台樓閣、曲橋、水池同假山石景，整體佈局講求借景同層次感，行入去會同一般城市公園有少少唔同。

對於想喺荔枝角一帶慢慢行下、唔想全程都困喺室內的人嚟講，呢度可以當成一個行程中的緩衝位：食完 lunch、飲完咖啡之後過嚟散步。你可以純粹坐下、行下、吹下風，或者喺園林區慢慢行一圈。

地址：香港荔枝角荔灣道1號 ( Google Map Link )

交通資訊：港鐵美孚站 C1 出口 步行約 10 分鐘；或 D 出口 步行約 15 分鐘前往公園及泳池一帶

開放時間：24小時開放

5 間荔枝角酒店及鄰近地區時鐘酒店推介

1. 文化旅館・翠雅山房

佢位於饒宗頤文化館園區內，環境比一般鬧市酒店安靜好多，整體感覺亦偏向文化旅宿而唔係純商務住宿。對於想喺荔枝角附近搵一間有少少歷史建築氣氛、又無咁連鎖式、商業化的酒店，呢度絕對比一般連鎖酒店更有記憶點。

酒店房型走簡潔路線，唔係靠奢華設施取勝，但勝在環境夠舒服及獨特，同埋整個文化館範圍本身已經有散步感。你可以將佢當成一個比較慢活的荔枝角酒店daycation選擇：如果你喜歡文化及歷史，去完 D2 Place行街、食嘢、飲咖啡，之後想搵個冇咁商業化又帶文化氣息嘅地方抖下，翠雅山房會幾啱。

價格範圍： HK$349 起

酒店地址： 香港荔枝角青山道800號 ( Google Map Link )

交通方式： 港鐵美孚站 B 出口 步行約 10–12 分鐘；或港鐵荔枝角站轉的士前往約 5 分鐘

預訂入口： 文化旅館・翠雅山房

2. Hotel YX

酒店位於永康街，距離荔枝角地鐵站只約5-10分鐘的步行路程，位置上亦同 D2 Place、工廈 Cafe 路線十分鄰近，對於想玩完荔枝角之後直接搵地方休息的人幾方便。Hotel YX 偏向城市型酒店，適合想要簡單、想要經濟型住宿、近返行程核心的人。

而且酒店設計十分現代化，喺 2023 年全新開幕，設施仍十分企理乾淨，仲係四星級酒店，房內提供免費 WiFi、乾濕分離衛浴與城市景觀。呢度亦提供彈性時鐘住宿，唔想過夜嘅可以考慮呢間！

價格範圍： HK$418 起

酒店地址： 香港九龍長沙灣永康街42A ( Google Map Link )

交通方式： 港鐵荔枝角站 D2 出口 步行約 5–10 分鐘

預訂入口： Hotel YX

3. YHA美荷樓青年旅舍

雖然美荷樓唔喺正荔枝角，但如果你接受「荔枝角玩完，去鄰近深水埗休息」，咁 YHA 美荷樓會係幾有特色的一間。佢本身由石硤尾徙置區舊建築活化而成，定位上係帶少少歷史同社區文化感的旅舍式住宿。對於想搵一間有主題、有故事、又唔係普通商務酒店的時租／短休選擇，美荷樓幾值得放入名單。

酒店本身勝在有空間感，整體氣氛亦比一般廉價旅館舒服。如果你本身一日遊路線會順手去埋深水埗、石硤尾一帶，砌個探索舊區小店行程，咁時租美荷樓接住個行程都算順路。

價格範圍： HK$465 起

酒店地址： 九龍深水埗巴域街70號石硤尾邨41座 ( Google Map Link )

交通方式： 港鐵深水埗站 D2 出口 步行約 8–10 分鐘；或石硤尾站步行約 10 分鐘

預訂入口： YHA美荷樓青年旅舍

4. 城滙精品酒店

城滙精品酒店位於荔枝角道，地理上唔係荔枝角核心，但由荔枝角搭一個站地鐵，或者直接的士過去都唔算遠。對於純粹想搵個地方休息幾個鐘，呢類 boutique hotel 其實幾夠用。

酒店房間設計走簡約實用路線，基本配備齊全，例如獨立浴室、冷氣、電視同免費 Wi-Fi，適合短時間休息或者簡單整理行程。酒店鄰近深水埗區內多間地道餐廳同小食店，鴨寮街、福榮街一帶都可以輕鬆步行到達，如果你打算順路探索深水埗的街頭文化，再返酒店休息，呢條動線都會幾順暢。

價格範圍： HK$453 起

酒店地址： 香港深水埗荔枝角道307號 ( Google Map Link )

交通方式： 港鐵深水埗站 C2 出口 步行約 3–5 分鐘

預訂入口： 城滙精品酒店

5. 旭逸雅捷酒店・荃灣

雖然佢位置喺葵涌，但如果你本身係住大西北方向，例如屯元天一帶，揀呢度反而都幾順路。酒店定位偏向城市型住宿，唔係走文青或者度假風，但勝在交通同實用性都幾高。

設施方面，酒店提供房型選擇，設計簡潔，配備獨立浴室、電視等基本設備，適合短暫休息或者daycation使用。酒店亦設有24小時前台服務，方便彈性入住時間；部分房型空間感亦算充足，對於想有個私密空間抖下、沖個涼、休息幾個鐘的人嚟講已經夠用。整體嚟講，佢係作為一個方便、易入手的短休酒店選擇，特別係對大西北方向出發的人，會幾實際。

價格範圍： HK$387 起

酒店地址： 香港葵涌嘉慶路12號 ( Google Map Link )

交通方式： 港鐵葵興站乘的士約 10 分鐘；或可於港鐵葵芳站（新都會廣場外）乘搭酒店接駁車前往

預訂入口： 旭逸雅捷酒店・荃灣

如果你以前對荔枝角的印象仲停留喺工廈區、返工區，咁其實呢區近年真係比想像中好玩。最簡單的玩法係由 D2 Place 開始，行商場、嘆荔枝角美食，再揀間荔枝角工廈 Cafe推介坐下，中間加插荔枝角公園散步，最後再接一間荔枝角酒店或者鄰近時鐘酒店休息，成個行程就會由「去個商場」升級做一個節奏幾舒服的文青一日遊。

至於荔枝角時鐘酒店點揀，就真係睇你想住返正荔枝角，定會想去鄰近深水埗／葵涌。想最貼荔枝角行程，文化旅館・翠雅山房同 Hotel YX 茘枝角會最啱；如果你行程本身會去埋深水埗，美荷樓同城滙精品酒店亦幾好接；至於想搵一個純粹實用型短休點，旭逸雅捷酒店都可以。總之，如果你最近正搵荔枝角酒店daycation或者想安排一個「Cafe＋D2 Place＋酒店」的週末，呢條路線值得試一次。

同場加映：

屯門好去處：情侶一日遊推介 4 大外國風景點，附 4 間高質時鐘酒店！

荃灣好去處：邊個話淨係得行街？情侶一日遊 4 大景點，兼推介 4 間時鐘酒店！

旺角情侶時鐘酒店乾淨推介：星級質素時租酒店，衞生高、私隱度足、附 MK 搵食購物攻略！

— 認識Flow —

若只需數小時的住宿或工作空間，為何要預訂一整天？

一個為都市空間而設的預訂平台，Flow為您在日間預訂數小時至半天的酒店或工作空間，作短暫停留。跟傳統整天預訂相比，Flow用戶可節省高達75%的費用。

立即下載Flow App，輕鬆找到附近可供使用嘅時段酒店或辦公室！

荔枝角酒店 FAQ：常見問題解答