深圳好去處｜東門老街/深圳灣等5個深圳文青景點

香港人北上深圳，其實排到行程滿滿玩足一日。好多時都仲可以揀「朝早過關、玩半日」嘅節奏，例如早上由香港出發，過關之後，去一個區慢慢行幾個鐘，食埋午餐或者下午茶，再睇下狀態決定返香港，或者去附近搵間日租酒店休息一陣，沖個涼、瞓個午覺，之後再輕鬆返港，成個行程會慢活及舒服好多。

今次呢份深圳好去處推薦就係圍繞呢種「半日輕旅行」玩法去設計，特別揀咗5種完全唔同風格嘅深圳好去處，包括東門老街、華強北、深圳灣公園、紅樹林生態區，同埋紅山一帶嘅深圳文青景點。每個地點都配埋附近 Flow 日租酒店，方便大家可以即日休息再返香港，無論係想朝早去、傍晚返，定係中途抖一抖，都可以自由調整行程節奏。

5個深圳好去處推介

1. 東門老街

第一次去深圳，又想搵一個唔使做功課都玩到嘅地方，東門老街依然係最穩陣嘅 深圳好去處。東門其實唔只係一條商業步行街，而係深圳最早形成嘅「老城核心」之一，後來慢慢演變成今日集購物、飲食同街頭文化於一身嘅城市地標。

行入去其實會見到一種幾特別嘅對比感：一邊係保留咗騎樓建築、舊街巷肌理同老字號招牌，帶少少舊深圳痕跡；另一邊就係霓虹燈牌、新式茶飲同潮流店舖，形成好有「新舊交錯」嘅城市畫面感，亦係近年好多人鍾意嚟打卡嘅原因。

玩法其實好簡單：由老街站出嚟慢慢行東門步行街、1234Space、東門町一帶，中間食小食、飲杯嘢，再去附近商場歎冷氣。想影相可以留意翻新後嘅騎樓立面、青磚街景同夜晚霓虹燈牌，尤其黃昏開始打燈之後，整條街會變成好有電影感嘅城市夜景位，日頭同夜晚係兩種完全唔同氣氛。

地址： 深圳市羅湖區東門商業步行街 ( Google Map Link )

交通方式： 深圳地鐵1／3號線「老街站」A或D出口步行即達

附近日租酒店｜深圳羅湖東門老街美崙酒店

喺東門掃街行到攰，美崙酒店位置幾順。酒店走現代簡約風格，主打智能化客房體驗，由燈光、空調到窗簾都可以一鍵控制，住落幾方便又有科技感。公共空間設計偏向商務＋輕奢路線，大堂寬敞明亮，配合柔和燈光同木系元素，整體感覺唔會太商業化，反而幾舒服。

設施方面，酒店提供24小時健身室、洗衣服務同餐廳，對於即日北上想中途休息或者換衫整理行程嘅旅客都幾實用。部分房型亦設有浴缸，可以行完街返去浸一浸放鬆，提升整體休息體驗。

價格範圍： CNY244 起 / 4小時

地址： 深圳市羅湖區寶安南路2014號振業大廈B座 ( Amap Link )

交通： 深圳地鐵1／2號線「大劇院站」步行前往；去東門老街亦可步行接駁

預訂入口： 深圳羅湖東門老街美崙酒店

2. 華強北

如果你係相機控或者科技迷，華強北基本上就係一個「可以行到失控」嘅地方。由復古CCD相機、二手鏡頭，到最新無人機、運動相機、AI眼鏡同各種改裝配件，成條街都好似一個大型「數碼尋寶場」，好多位都好啱影相打卡，甚至有啲舖頭本身已經好有未來感。

第一次去唔需要每座商場都掃，可以先由華強北主街開始，再慢慢入華強電子世界、賽格等大型賣場。對相機控嚟講，可以重點留意二手攝影器材區；對科技迷就可以集中睇最新 gadget 同 AI 裝置。買數碼產品最好行多兩三間格價，尤其配件、二手貨同非官方品牌，品質同報價可以差好遠。

地址：深圳市福田區華強北路一帶 ( Google Map Link )

交通方式： 深圳地鐵2／7號線「華強北站」步行即達；亦可由1號線「華強路站」前往

附近日租酒店｜深圳華強廣場酒店

想行完電子街即刻休息，呢間基本上係「零轉場」。酒店位於華強北核心商圈，設計走現代商務風格，空間感寬敞，房間以落地大窗引入自然光，可以直接望到城市天際線，感覺唔似一般快捷酒店，而係偏向高質感城市型酒店。

酒店配套亦相當齊全，設有中西餐廳提供多元餐飲選擇，大堂酒吧適合短暫休息或會客，亦配備健身中心，方便旅客行程中保持運動習慣，整體更接近「輕奢商務＋休閒」混合型住宿體驗。

價格範圍： CNY434 起 / 4小時

地址： 深圳市福田區華強北路1019號華強廣場A座23樓 ( Google Map Link )

交通： 深圳地鐵2／7號線「華強北站」步行約數分鐘

預訂入口： 深圳華強廣場酒店

3. 深圳灣公園

想離開商場同室內空間，深圳灣公園係最容易去嘅海濱深圳好去處推介。公園由紅樹林海濱生態園同深圳灣濱海休閒帶組成，沿岸約13公里，分成14個不同主題園區，唔需要一次行晒，揀一段散步已經好舒服。

園內亦設觀光線，穿梭深圳灣公園站、大運火炬塔、白鷺坡、小沙山等位置。如果第一次去，可行花一個下午沿海濱慢慢行或者踩單車，等日落之後再睇深圳灣夜景。

地址： 深圳市南山區濱海大道深圳灣公園 ( Google Map Link )

交通方式： 深圳地鐵9號線「深圳灣公園站」出站即達；A、D出口可前往公園一帶

附近日租酒店｜深圳澳澄海岸酒店

澳澄海岸幾啱今篇「文青半日遊」條線，因為佢自己都唔係傳統商務酒店。酒店以閱讀＋人文攝影做主題，大堂設計走文藝書店風格，空間內擺滿攝影作品同藝術裝置，營造出似展覽館多過酒店嘅氛圍。

酒店同時設有24小時閱讀角、健身房同星空露台，無論係想靜靜睇書、做少少運動，定係夜晚上天台吹風，都有相應空間可以使用。房間方面採光充足，整體設計偏向簡約自然風。

價格範圍： CNY215 起 / 4小時

地址： 深圳市南山區蛇口街道東角頭社區藍天路15–18號 ( Amap Link )

交通： 深圳地鐵2號線「灣廈站」步行約7–10分鐘

預訂入口： 深圳澳澄海岸酒店

4. 福田紅樹林生態公園

如果你想搵自然系深圳好去處半日遊，又唔想去到大鵬咁遠，可以揀福田紅樹林生態公園。公園佔地約38萬平方米，分遊覽區、生態修復區同生態控制區，有多種國家重點保護野生動物，而且免費開放。

呢度同深圳灣公園感覺唔同：深圳灣比較適合睇海、踩單車；紅樹林就偏向濕地、生態同觀鳥。想真正慢慢行，建議預一至兩個鐘，帶長焦鏡或者望遠鏡會更好玩。

地址： 深圳市福田區新洲南路與福榮路交界 ( Google Map Link )

交通方式： 可由地鐵3號線「益田站」再步行／轉短程交通前往

附近日租酒店｜深圳福田紅樹林希爾頓歡朋公寓

呢間公寓主打現代簡約海景設計，落地大窗將自然光同海岸景色直接引入室內，整體氛圍偏向放鬆同度假感。室內以柔和色調配合木質元素，營造出乾淨、舒適又帶少少高級感嘅生活空間。

公寓內配有開放式廚房，可以自己簡單煮食或者整杯咖啡慢慢歎，特別適合想放慢節奏嘅人。健身房同餐廳亦一應俱全，無論係想做運動、食返餐輕鬆嘢，或者純粹留喺酒店休息，都可以一站式完成。

如果係行完紅樹林或者由福田口岸過關之後過嚟，呢度好適合當作中途 recharge 位——沖個涼、坐喺窗邊望海放空一陣，或者攤喺房入面休息，都可以好快回復狀態，再繼續行程。

價格範圍： CNY655 起 / 4小時

地址： 深圳市福田區新洲南路2008號新洲同創匯二期 ( Google Map Link )

交通： 深圳地鐵3號線「益田站」步行約10分鐘

預訂入口： 深圳福田紅樹林希爾頓歡朋公寓

5. 深圳美術館＋紅山文化公園

想搵一個真係有內容嘅深圳文青打卡景點推介，龍華紅山近年幾值得去。深圳美術館（新館）建築面積約6.6萬平方米，設18個藝術展廳、藝術圖書館、雕塑展場同文創店；一般參觀免費，主題活動就視乎安排需要提前預約。

美術館外面就係紅山文化公園，亦連接深圳圖書館，南面就係紅山6979商業綜合體。即係可以朝早睇展覽，中午去6979食飯，再喺公園散步，完全唔需要搭車轉場，幾適合文青半日遊。

入場費用：深圳美術館一般免費參觀；個別活動或需預約

地址： 深圳市龍華區民治街道大嶺社區騰龍路30號1棟 ( Baidu Map Link )

交通方式： 深圳地鐵4／6號線「紅山站」A1出口，步行約300米

附近日租酒店｜深圳北站Moxy酒店

Moxy本身就喺紅山6979商業中心，基本上去完美術館就可以過嚟。酒店屬於萬豪集團旗下Moxy品牌，整體設計以「年輕潮流社交空間」為核心意念，將大堂、酒吧Moxy Bar同休憩區融合成一個開放式共享場景，風格比較年輕。

睇完展覽想留喺龍華休息幾個鐘都相當方便。而酒店距離深圳北站車程亦只是約5分鐘，交通算方便。

價格範圍： CNY368 起 / 4小時

地址： 深圳市龍華區民治街道紅山6979商業中心三期10棟301 ( Google Map Link )

交通： 深圳地鐵4／6號線「紅山站」D1出口步行約3分鐘

預訂入口： 深圳北站Moxy酒店

如果行程只得半日，就唔建議一次掃哂東門、華強北、深圳灣。深圳地方大，轉幾次地鐵已經花咗唔少時間。比較舒服嘅做法係按興趣揀一區：想行街食嘢去羅湖；買電子產品去福田華強北；想睇海、散步就留南山；鍾意自然可以去紅樹林。

今次5個深圳好去處推薦都有附近Flow日租酒店，玩到攰可以休息兩至幾個鐘，再決定返香港或者繼續食晚飯。即日北上唔一定要留喺酒店住一晚，揀返景點附近嘅日租房，砌返一個即日輕假期都已經係一個 weekend gateway。

同場加映：

5個拍拖景點＋深圳浪漫一日遊酒店推介

深圳一日遊攻略 | 港人北上一日遊攻略：美食購物及高質日租酒店

情侶必去6間深圳時租酒店 + 深圳灣/福田/羅湖打卡熱點全攻略

— 認識Flow —

若只需數小時的住宿或工作空間，為何要預訂一整天？

一個為都市空間而設的預訂平台，Flow為您在日間預訂數小時至半天的酒店或工作空間，作短暫停留。跟傳統整天預訂相比，Flow用戶可節省高達75%的費用。

立即下載Flow App，輕鬆找到附近可供使用嘅時段酒店或辦公室！

深圳好去處 FAQ：常見問題解答