學校假期去邊玩？5間香港時鐘親子酒店+泳池推介

一到學校假期，唔少家長都會開始諗：「今個周末帶小朋友去邊好？」如果唔想太過舟車勞頓，又想搵個地方畀小朋友游下水、轉下環境同屋企人輕鬆hea半日，其實揀一間有泳池、家庭房或者親子元素的親子酒店，已經可以變成一個好實際的節目。

尤其係而家愈來愈多人會揀親子daycation或者親子時鐘酒店，唔使住足一晚，都可以用幾個鐘享受酒店設施，對想放電又唔想安排得太複雜的家庭嚟講，真係方便好多。

今次就幫大家整合5間香港適合一家大細去放鬆的親子酒店，偏向有啲度假感、可以砌到一個完整親子行程的選擇，都已經夠小朋友放電。如果你正搵緊親子酒店泳池推介、想知親子時鐘酒店邊間好，或者想搵有酒店親子房的香港酒店，以下5間可以先放入你的清單。

5間時鐘親子酒店推介

1. 啟德帝盛酒店

啟德帝盛屬於「新區城市度假」路線：酒店有泳池，整體設施新，房型亦有照顧家庭客。對唔少家長嚟講，呢類酒店的好處係交通方便，又比傳統鬧市酒店多幾分新鮮感。如果你想搵親子時鐘酒店邊間好，又想避開鬧市嗰種人逼人嘅感覺，啟德帝盛可以放入考慮名單。

房型方面，啟德帝盛有四人家庭房，對兩大兩小家庭會實用得多。玩完酒店之後，附近亦可以順手安排啟德體育園周邊、海濱長廊或者九龍城一帶食飯行程，令成個親子daycation唔會只係留喺酒店入面。

如果你鍾意新酒店、想要家庭房，又希望行程唔使去到太遠，呢間就屬於比較平衡型的選擇：勝在新、整潔、配套對家庭客都算友善。

價格範圍： HK$ 730 起

地址： 九龍啟德承啟道43號 ( Google Map Link )

交通： 啟德站 C出口 沿指示步行約10至12分鐘即可到達

預訂入口： 啟德帝盛酒店

2. 香港凱悅酒店 – 沙田

呢度優勢之一就係有度假 feel，交通又唔太偏。酒店有戶外泳池，公共空間及房內空間感亦比一般市區酒店鬆動，對於小朋友嚟講，可以落水玩、返房休息、再喺酒店範圍行下，已經夠開心。

而且沙田凱悅酒店嘅周邊有唔少親子景點，好易排個一日行程，可以選擇去科學園海濱長廊散步踩單車，或者去新城市廣場一帶食飯、行街；如果小朋友鍾意戶外活動，沙田公園同城門河畔都幾啱放電。

呢間酒店唔只係book個房同泳池咁簡單，而係可以變成一個完整的親子daycation基地，輕輕鬆鬆就砌到「酒店玩＋附近再玩」的一日親子行程。

價格範圍： HK$882 起

地址： 香港沙田澤祥街18號 ( Google Map Link )

交通： 港鐵大學站步行約 5 分鐘

預訂入口： 香港凱悅酒店 – 沙田

3. The Pier Hotel

對想同小朋友接觸下郊外、放慢節奏的家庭嚟講，位於香港後花園——西貢嘅 The Pier Hotel 酒店環境同埋周邊都夠哂 chill，有放假嘅感覺。

酒店自設泳池，勝在私人得嚟又望到西貢個海，度假感拉滿，玩到攰仲可以即刻上房休息，幾適合用嚟做親子小旅行。房內設計亦十分夢幻，比一般商務感重嘅酒店更能放鬆五感。

你哋仲可以朝早入酒店，先游個水或者返房休息，之後去白沙灣海旁一帶食 lunch，再沿住海邊散步；如果小朋友精神仲好，可以再去西貢市中心、萬宜遊樂場附近，或者去橋咀／海邊一帶感受下假日氣氛。

價格範圍： HK$576 起

地址： 香港西貢白沙灣街9號 ( Google Map Link )

交通： 由港鐵彩虹站乘的士約 20 分鐘；或由港鐵坑口站／彩虹站轉乘前往西貢方向小巴，再轉的士前往白沙灣一帶

預訂入口： The Pier Hotel

💡 想睇更多西貢區時鐘酒店？即刻去 Flow 西貢時鐘酒店 揀啱心水！

4. 香港愉景灣酒店

愉景灣本身就同市區節奏好唔同，行出酒店已經有種去咗離島度假的感覺。酒店帶有戶外泳池，部分房型亦望海或者望山景，整體氣氛比一般九龍酒店更放鬆。

愉景灣酒店周邊配套亦都好強！你可以先喺酒店玩泳池、休息，之後去愉景廣場食 lunch，再帶小朋友去大白灣沙灘、海濱長廊或者附近草地散步，成個環境都比一般市區更舒服。

對於想搵一間有少少度假感、又適合一家人慢慢玩半日到一日的親子時鐘酒店，呢間會比起單純市區酒店更有記憶點。尤其係天氣好嗰日，影相都會靚好多。

價格範圍： HK$1051 起

地址： 大嶼山愉景灣海澄湖畔路88號 ( Google Map Link )

交通： 由中環乘渡輪到愉景灣碼頭後，再轉乘區內巴士／的士約 10 分鐘到酒店；由欣澳乘的士前往約 15 分鐘

預訂入口： 香港愉景灣酒店

5. 香港黃金海岸酒店

講起親子酒店，不得不提香港黃金海岸酒店，呢度出名走度假型路線，成個設計及周邊氛圍都似去咗歐陸旅行。

酒店設有戶外泳池區，而且仲有兒童泳池同水上滑梯，對於本身已經講明想搵親子酒店泳池推介的家長嚟講，呢度就更加適合小朋友玩。就算係大人，都可以偷到半日假，嚟放鬆下，唔使安排太複雜行程都夠有節目。

玩完酒店泳池之後，除咗可以留係酒店用餐，亦可選擇去隔離黃金海岸商場搵嘢食，再去黃金泳灘、海濱長廊散步、影下相。黃金海岸亦一向係親子熱門之選，特別適合學校假期、週末嚟放電，或者想幫小朋友慶祝生日。

價格範圍： HK$685 起

地址： 香港黃金海岸青山公路 1 號 ( Google Map Link )

交通： 由港鐵屯門站乘的士約 15 分鐘；由屯門市中心可轉乘巴士 K51 / K53 / 52X / 61M 前往黃金海岸一帶

預訂入口： 黃金海岸酒店

💡 想睇更多屯門區時鐘酒店？即刻去 Flow 屯門時鐘酒店 揀啱心水！

如果你今次目標係搵一間有泳池、又有少少度假感的親子酒店，比起單純睇房價，仲應該睇埋酒店設施，以及附近有冇親子地方可以順手玩，可以計劃出一個完整嘅一日親子daycation。

以今次5間親子酒店嚟講，如果你最重視玩水放電同海邊小旅行感，香港黃金海岸酒店、香港愉景灣酒店同 The Pier Hotel 會貼近大家心目中的親子酒店泳池推介。而希望交通可以更方便，則可以揀啟德帝盛酒店或沙田凱悅酒店。

如果你想學校假期唔使飛都可以同小朋友放鬆半日到一日，以上5間酒店都係值得收藏的親子時鐘酒店同親子daycation酒店推介。

同場加映：

香港彈性 24 小時入住酒店推介：幾點 Check-in 由你話事！

香港 Day Use 酒店推介：平玩 5 星級酒店，想嘆 Spa、游水定歎 Breakfast？

香港酒店入住時間攻略：6 間支持上午入住酒店推介！補眠、梳洗、快閃度假必睇

— 認識Flow —

若只需數小時的住宿或工作空間，為何要預訂一整天？

一個為都市空間而設的預訂平台，Flow為您在日間預訂數小時至半天的酒店或工作空間，作短暫停留。跟傳統整天預訂相比，Flow用戶可節省高達75%的費用。

立即下載Flow App，輕鬆找到附近可供使用嘅時段酒店或辦公室！

香港時鐘親子酒店 FAQ：常見問題解答