深圳酒店推薦｜羅湖/福田/深圳灣過關住邊最方便？

香港人北上揀深圳酒店，淨係睇酒店靚唔靚其實未夠。深圳地方大，如果羅湖過關但酒店訂咗去蛇口，食完飯想返房休息，隨時又要搭大半個鐘車。與其問「邊間酒店最好」，不如先睇自己由邊個口岸過關，再決定住羅湖、福田定南山。

今次嘅深圳酒店推薦就按羅湖口岸、福田口岸同深圳灣口岸分區，揀出8間目前可經Flow預訂嘅酒店，等大家諗緊「過關後住邊」或者「北上住邊個區方便」時，可以直接按自己條路線揀。

羅湖口岸過關附近酒店推介

如果由港鐵坐東鐵綫去羅湖過關，最簡單就係繼續留喺羅湖。尤其一日行程主要係東門老街、國貿、金光華廣場或者萬象城，咁就唔需要拖住行李去福田或南山走嚟走去。

1. 深圳市芈白酒店

如果最在意由口岸去酒店快，芈白酒店係今次羅湖組最直接嘅選擇。酒店位於人民南路，由羅湖口岸步行到酒店約8分鐘即可到達，一站地鐵亦可以去東門商業步行街。

酒店有健身中心、餐廳、洗衣服務及行李寄存，房內有梳化、工作枱、咖啡／茶沖調設備。對情侶而言，過關後可以先入住休息，再去國貿、金光華或者東門食飯，夜晚返酒店亦唔使再搭長途車。

價格範圍： CNY159 起 / 3 小時

地址： 深圳市羅湖區人民南路3001號海豐苑大廈3樓 ( Amap Link )

交通： 地鐵國貿站E出口步行8分鐘

預訂入口： 深圳市芈白酒店

2. 希岸Deluxe酒店

另一間可以留意嘅深圳酒店靠近口岸選擇係希岸Deluxe。酒店位於春風路，往來羅湖及文錦渡口岸約5分鐘車程，附近就係金光華廣場、向西站同萬象城。佢唔係「落關即到」，但勝在去羅湖主要食買玩地點都方便。

酒店走法式精品商務風，現時房型由約215平方呎標準大床房，到323平方呎一居室都有，部分房型支援一鍵投屏。酒店亦有健身中心、餐廳、洗衣服務同免費泊車。如果北上主要想食飯、行商場，再返房睇戲休息，呢度嘅位置會比為咗酒店本身而跨區實際。

價格範圍： CNY99 起 / 2 小時

地址： 羅湖區春風路3007號桂都大廈5樓 ( Google Map Link )

交通： 深圳地鐵9號線「向西村站」步行約2分鐘

預訂入口： 希岸Deluxe酒店

3. 深圳云兹智享酒店

如果北上目的地一開始已經係東門，與其住口岸旁邊，不如直接住老街站。云兹智享酒店就喺東門步行街，距老街地鐵站不足100米。由羅湖口岸坐地鐵到老街，大約22分鐘左右到達。

酒店2023年開業，提供智能客控、影音房等房型，Flow目前亦有影音大床房及約279平方呎輕奢大床房。設施方面，有免費Wi-Fi、24小時前台、遮光窗簾及淋浴設備。呢間真正賣點係落樓就有大量食肆同商店，特別適合北上主要行東門、食宵夜嘅情侶。

價格範圍： CNY97 起 / 3 小時

地址： 深圳市羅湖區東門步行街百貨廣場西座1樓 ( Google Map Link )

交通：地鐵老街站D出口步行1分鐘

預訂入口： 深圳云兹智享酒店

💡發掘更多羅湖口岸區附近酒店

福田口岸過關附近酒店推介

如果由落馬洲／福田口岸入境，深圳住宿可以集中在福田。呢區最大優勢係位置居中，去COCO Park、會展中心、蓮花山、華強北，以至再向西去車公廟、竹子林都唔算難。

4. 秋果酒店

秋果酒店（True Go Hotel）呢間走嘅係近年好流行嘅「輕設計＋高性價比」路線，唔係傳統商務酒店嗰種厚重風格，而係偏向清新、簡約同帶少少文青感。大堂同公共空間設計乾淨俐落，以木系同暖色燈光為主，整體氛圍舒服。

房間設計主打實用同舒適，空間規劃合理，唔會有壓迫感，床品偏柔軟，適合短暫休息、補眠或者中途轉場使用。酒店配套以基本舒適為主，有簡約餐飲區、休息空間同自助設施，對於日租／短時休息已經相當足夠。

由福田口岸出發，坐地鐵需時38分鐘即到達酒店。

價格範圍： CNY173 起 / 2小時

地址： 深圳市福田區竹子林紫竹七道1號 ( Google Map Link )

交通： 深圳地鐵1號線「竹子林站」步行約5–8分鐘

預訂入口： 秋果酒店

5. 深圳新世界偉瑞酒店

如果訂時鐘酒店唔係純粹想放低行李，而係想兩個人真正休息幾個鐘，深圳新世界偉瑞酒店比較吸引嘅地方係空間夠大。酒店嘅豪華商務房，房內可以分開睡眠同休息空間，食完飯想返房睇戲、傾偈或者hea幾個鐘，都唔會成程只可以坐喺床上。

房型亦有幾多選擇，除咗一般大床房，仲有影院房、健康湯浴房同一房一廳套房。酒店本身設有餐廳、健身室等基本配套，所以佢比較適合重視「間房本身舒唔舒服」多過一定要住商場樓上嘅情侶。

由福田口岸出發，坐地鐵需時36分鐘即到達酒店。

價格範圍： CNY405 起 / 4小時

地址： 深圳市福田區梅林梅華路新世界家園4棟 ( Google Map Link )

交通：地鐵梅村站 C1出口，步行約5至6分鐘可達

預訂入口： 深圳新世界偉瑞酒店

💡發掘更多福田口岸區附近酒店

深圳灣口岸過關附近酒店

由深圳灣口岸過關，南山本身已經有海岸城、深圳灣萬象城、萬象天地、世界之窗、華僑城同海上世界，情侶玩足一日都得。

6. 海上世界品上酒店

酒店位於海上世界一帶，周邊已經有餐廳、酒吧、Cafe同海濱空間，所以入住之後其實唔需要再四圍搭車。下午休息完，夜晚落樓食飯、飲杯嘢，再去海邊散步已經可以完成一晚行程。

酒店空間以紅磚、綠植同園林元素做設計，房內有休閒梳化及雨淋頂噴。如果重視酒店氣氛同周邊環境，佢會比住一般商務酒店更有度假感。

而且蛇口本身值得留多幾個鐘，除咗海上世界，附近仲有南海意庫、南山公園等地方。酒店距深圳灣口岸一般車程約8–15分鐘。

價格範圍： CNY330 起 / 4小時

地址： 深圳市南山區蛇口太子路111號 ( Google Map Link )

交通：從水灣站D出口出站後步行約1至2分鐘

預訂入口： 深圳蛇口海上世界品上酒店

7. XW Hotel 璽程設計酒店

酒店藏喺華僑城創意文化園，本身由舊建築改造，設計保留工業感之餘加入大量綠植、花園同藝術元素；公共空間亦有咖啡廳同大堂吧，同周邊OCT創意園嘅氣氛幾夾。

對情侶而言，更吸引嘅係房間。酒店嘅茶語套房有大窗、智能客控同大型浴缸，空間比一般時租酒店寬敞得多。下午行完OCT、睇展覽或者飲完咖啡，返酒店浸浴休息幾個鐘，再出去食晚飯，會比純粹搵間房瞓一陣更有Daycation感。

由深圳灣口岸出發，坐地鐵需時50分鐘即到達酒店。

價格範圍： CNY388 起 / 4小時

地址： 深圳市南山區華僑城創意園文昌街4號C7棟 ( Amap Link )

交通：地鐵僑城北站B出口步行6分鐘即到

預訂入口： XW Hotel 璽程設計酒店

8. 深圳南山科技園希爾頓惠庭酒店

希爾頓惠庭酒店具有設計感之餘，房間嘅生活感亦做得好好。部分房型設有微波爐、雙功能雪櫃、膠囊咖啡機、水槽及簡單餐具，買杯咖啡、甜品或者外賣返房，都可以慢慢食，唔需要全程坐喺床邊。

公共設施亦偏實用，有健身中心、餐廳、洗衣區、免費Wi-Fi及泊車等。如果Daycation想真正hea幾個鐘，沖杯咖啡、睇套戲、食外賣再瞓陣，呢類房型反而比純商務酒店方便。對唔追求花巧裝修、但重視房間設備同舒適度嘅情侶，會比較合適。

由深圳灣口岸出發，坐地鐵需時32分鐘即到達酒店。

價格範圍： CNY605 起 / 整晚

地址： 深圳市南山區高新技術產業園北區酷派大廈B座1樓 ( Google Map Link )

交通：地鐵高新北站，步行約5分鐘

預訂入口： 深圳南山科技園希爾頓惠庭酒店

💡發掘更多南山區附近酒店

其實揀深圳酒店唔需要由全深圳幾千間住宿慢慢比較。最簡單係先問自己由邊個口岸過關：羅湖入境又主要去東門、國貿，留喺羅湖最省時間；福田口岸入境、行程集中市中心，可以住福田；由深圳灣過關去華僑城、科技園、蛇口，就直接住南山。

如果仲諗緊北上住邊個區方便，亦可以倒轉由行程決定。想食買玩集中、夜晚方便返香港，羅湖最直接；想去COCO Park、蓮花山、華強北等市中心地點，福田較平均；想拍拖行海邊、Cafe Hopping或者去海上世界，南山會更適合。

同場加映：

深圳一日遊攻略 | 港人北上一日遊攻略：美食購物及高質日租酒店

深圳好去處｜5個拍拖景點＋深圳浪漫一日遊酒店推介

深圳好去處推介！情侶必去6間時租酒店 + 深圳灣/福田/羅湖打卡熱點全攻略深圳好去處

— 認識Flow —

若只需數小時的住宿或工作空間，為何要預訂一整天？

一個為都市空間而設的預訂平台，Flow為您在日間預訂數小時至半天的酒店或工作空間，作短暫停留。跟傳統整天預訂相比，Flow用戶可節省高達75%的費用。

立即下載Flow App，輕鬆找到附近可供使用嘅時段酒店或辦公室！

深圳酒店 FAQ：常見問題解答