深圳歡樂海岸攻略｜5個約會好去處及附近日租酒店

北上去深圳玩，想同另一半搵個地方行街食飯，未必一定要去福田或者羅湖嘅商場。如果你哋鍾意坐喺水邊食晚餐、睇住天色慢慢變暗，再沿住燈光映照嘅街道散步，位於南山區嘅深圳歡樂海岸（OCT Bay）就幾值得安排一晚。

歡樂海岸唔係傳統室內商場，而係結合人工湖、水道、戶外餐飲、購物中心同表演場地嘅大型休閒區。當中曲水灣尤其適合情侶約會，水邊有餐廳、酒吧同特色建築，黃昏時可以影相，夜晚亮燈之後又有另一種氣氛。

今次歡樂海岸攻略會集中介紹5個適合情侶嘅美食及夜遊體驗，亦整理歡樂海岸怎麼去、營業時間同附近日租酒店。唔使將行程排得太密，下午先去酒店休息，傍晚再慢慢食飯睇歡樂海岸夜景，已經可以過一個舒服嘅二人約會。從香港北上？出發前先準備好中國內地 OkieSim eSIM，過關後即刻上網睇地圖、叫車。

深圳歡樂海岸怎麼去？

去深圳歡樂海岸，其中一個最方便嘅交通方式係乘搭深圳地鐵9號線，喺深圳灣公園站E出口出站，步行約5分鐘即可到達園區入口。

如果由香港經深圳灣口岸入境，可以乘的士或者網約車直接前往歡樂海岸；交通暢順時可預留約15–25分鐘車程，實際時間視乎塞車情況而定。想搭地鐵亦得：口岸設有地鐵13號線深圳灣口岸站，可以搭13號線再轉乘9號線前往深圳灣公園站。

歡樂海岸嘅戶外公共區域一般毋須門票，但商場、餐廳、展館同水秀劇場有各自嘅營業或演出安排。購物中心一般由早上10點營業至晚上10點左右，個別餐廳可能營業得更夜，出發前最好查清楚想去嗰間店嘅時間。

深圳歡樂海岸5個約會好去處及美食推薦

1. 曲水灣

呢度係歡樂海岸最有代表性嘅水岸街區之一，人工水道穿過建築同餐廳之間，配合橋樑、綠化同戶外座位，行起上嚟同一般大型商場幾唔同。

曲水灣非常適合傍晚去。天未黑時可以沿住水邊散步、影吓建築同水面倒影；等餐廳同街道逐漸亮燈，再去食晚飯，成個氣氛會更加適合情侶。唔使特登安排太多節目，單係慢慢行同搵個靚位影相，已經可以消磨一段時間。

沿途有不同類型嘅餐廳、咖啡店同休閒空間。部分餐廳設有靠近水邊嘅座位，不過景觀位唔一定可以指定，想食晚餐兼睇景，建議訂座時先向餐廳查詢。

消費：公共街區免費；餐飲約RMB 30–200／位

地址： 深圳市南山區濱海大道2008號歡樂海岸曲水灣 ( Amap Link )

交通資訊：9號線深圳灣公園站E出口，步行約5–10分鐘

營業時間：公共街區按園區管理安排開放；餐廳各自營業

2. 海洋奇夢館

如果你哋想喺歡樂海岸搵個真正可以入場參觀嘅景點，可以考慮海洋奇夢館。相比單純行商場，水族館可以近距離欣賞海洋生物，燈光同水族箱營造出另一種氣氛，幾適合情侶安排一個輕鬆嘅室內約會。

海洋奇夢館以不同海洋生物展示區為特色，當中水母展示尤其適合慢慢觀賞。水族箱嘅燈光配合水母游動，影相效果幾特別。兩個人可以沿住展區慢慢行，睇吓唔同魚類同海洋生物，唔需要好似大型主題樂園咁花成日時間排隊。

門票價格：日間成人門市價約RMB 80

地址：深圳市南山區白石路東8號歡樂海岸購物中心一帶（ Amap Link ）

交通方式：9號線深圳灣公園站E出口，步行約5–10分鐘

營業時間：10:00 – 22:00

3. 歡樂海岸水秀劇場

想令歡樂海岸約會有個比較特別嘅結尾，可以留意園區內嘅水秀劇場。水秀結合噴泉、水幕、燈光、音樂同多媒體效果，夜晚睇會比日間更有氣氛，適合想喺食飯以外加一個節目嘅情侶。

水秀劇場同普通街頭噴泉唔同，屬於有指定演出時間同入場安排嘅表演場地。演出日期、場次同票價會因活動、天氣及營運調整，唔一定每晚都有表演。

如果打算專程睇水秀，建議先確認當日有冇場次，再倒轉安排晚餐時間。最舒服係黃昏先喺曲水灣散步，食完飯之後預留足夠時間入場，唔使食到一半趕去劇場。

門票價格：平日/一般票價約RMB 69 起

地址：深圳市南山區歡樂海岸水秀劇場（ Amap Link ）

交通方式： 9號線深圳灣公園站E出口，步行約10–15分鐘

營業時間：平日 每天 20:00 – 20:30（約 30 分鐘）

節假日 每天 20:00 – 20:50（約 50 分鐘）

每逢星期一停演（節假日除外）

4. 1001西域餐廳

講到歡樂海岸美食，如果你同另一半食厭咗一般西餐同火鍋，不妨喺歡樂海岸試吓新疆菜。1001西域餐廳主打西北及新疆風味，羊肉串、大盤雞、手抓飯等都係值得留意嘅菜式。相比普通商場餐廳，呢度嘅食物風格比較鮮明，幾適合鍾意一齊試新口味嘅情侶。

兩個人食飯可以先叫幾串羊肉串，再揀一款主菜同手抓飯分享。新疆菜通常比較重視香料同烤肉風味，部分菜式亦可能帶辣，落單時可以先問清楚辣度同份量，避免叫得太多。

價格範圍：人均約RMB 78 起（參考同品牌海岸城店，以店家公布為準）

地址：深圳市南山區白石路2033號歡樂海岸曲水灣4棟G層 ( Amap Link )

交通資訊：9號線深圳灣公園站E出口，步行約8–12分鐘至曲水灣4棟

營業時間：11:00 – 14:00、17:00 – 22:00

5. 潤園四季椰子雞火鍋

如果唔想食西餐，深圳特色椰子雞火鍋亦係唔錯嘅選擇。潤園四季喺歡樂海岸設有分店，主打以椰子水煮雞嘅火鍋，湯底比較清甜，食法亦唔複雜，適合兩個人坐低慢慢食。

除咗椰子雞，可以按喜好加竹笙、珍珠馬蹄、蔬菜同其他火鍋配料。部分食客亦會配腊味煲仔飯或者椰子甜品。兩個人食嘅話，建議先叫一份雞鍋，再加兩三款配菜，避免一開始落單太多。

餐廳位於曲水灣東區，食完可以直接喺歡樂海岸繼續散步。如果想避開排隊，建議提早到店或者先查詢訂座安排，尤其星期六、日嘅晚飯時段。

價格範圍：請以店家最新公布為準

地址：深圳市南山區白石路東8號歡樂海岸東區曲水灣5棟2樓 ( Amap Link )

交通資訊：9號線深圳灣公園站E出口，步行約8–12分鐘

營業時間：11:00 至 22:00

5 間歡樂海岸附近酒店推介

如果你同另一半打算傍晚先去歡樂海岸，日間可以先搵間酒店休息幾個鐘，再去食晚餐同睇夜景。Flow有深圳不同地區嘅時鐘酒店及Daycation選擇，部分提供2至4小時住宿，亦有固定日間時段。

不過要留意，歡樂海岸附近唔係以下推介嘅每間酒店都可以步行到達，部分需要乘車或地鐵接駁。

1. XW Hotel 玺程設計酒店

想喺歡樂海岸附近搵間有設計感嘅酒店，可以考慮XW Hotel玺程設計酒店。酒店位於華僑城創意園，周邊有設計工作室同特色餐廳，適合鍾意文藝風格嘅情侶。

酒店嘅茶語套房，配有大床、智能客房控制、大窗同浴缸。房間以溫暖簡約設計為主，亦設有電視、電動窗簾及其他基本設施。如果你哋想喺房內舒服休息幾個鐘，再搭車去歡樂海岸食晚飯，呢間可以放入考慮。

價格範圍： 約RMB 388 起 / 4小時

酒店地址： 深圳市南山區華僑城創意園文昌街4號C7棟 ( Amap Link )

交通方式：2號線僑城北站，步行約6分鐘

預訂入口： XW Hotel 玺程設計酒店

2. 雅園前海酒店

想喺歡樂海岸約會之後留宿一晚，可以考慮雅園前海酒店。酒店位於南山前海，鄰近前海歡樂港灣、蛇口海上世界同前海石公園，有花園景觀，環境比較清靜。要留意酒店同歡樂海岸有一段距離，需要另外搭車前往，適合想將夜景約會同留宿分開安排嘅情侶。

Flow 上可訂房型包括雲雅、淡雅、風雅、清雅、博雅大床房同博雅雙床房，面積由215至323平方呎，房型選擇算多。

價格範圍： 約RMB 304 起 / 過夜（14:00 入住，翌日 14:00 退房；未連稅及附加費）

酒店地址： 深圳市南山區港城路前海灣花園四期11棟 ( Amap Link )

交通方式：5號線媽灣站A出口，步行約2分鐘

預訂入口： 雅園前海酒店

💡更多 Flow 深圳南山時租酒店

3. 秋果酒店

秋果酒店位於福田竹子林，雖然唔係南山區內，但交通上可以作為歡樂海岸行程嘅另一個住宿選擇。酒店鄰近地鐵站，適合想先休息、之後再出發去歡樂海岸嘅情侶。

酒店設計加入竹、藤等元素，客房偏向清新簡約。酒店提供豪華大床房及海景房，部分房型有大型窗戶、電視同雪櫃。如果想要有景觀嘅房間，訂房時要睇清楚所選房型。

價格範圍： 約RMB 166 起 / 2小時

酒店地址： 深圳市福田區竹子林紫竹七道1號 ( Amap Link )

交通方式：1號線竹子林站B2出口，步行約5–8分鐘

預訂入口： 秋果酒店

4. 深圳南山萬象青華酒店

酒店鄰近萬象天地，附近有商業大廈、餐廳同購物設施，適合想將購物、休息同夜景約會安排喺同一日嘅情侶。

酒店以現代簡約風格為主，客房設有AI智能控制、4K大屏電視及恒溫淋浴設備。酒店另外設有24小時健身室、自助洗衣設施、西餐廳及免費Wi-Fi，想喺房內休息幾個鐘，或者先去萬象天地行街，都幾方便。

交通亦係呢間酒店嘅優勢。由酒店步行到9號線高新南站約6–7分鐘，搭往文錦方向列車，經紅樹灣南站、深灣站，再到深圳灣公園站，全程只需3個站，毋須轉線。出站後步行前往歡樂海岸，適合下午先入住酒店、傍晚再出發食晚餐同睇夜景嘅情侶。

價格範圍： 約RMB 482 起 / 6小時

酒店地址： 深圳市南山區科技園高新南六道10號朗科大廈1樓 ( Amap Link )

交通方式：9號線高新南站，步行約6–7分鐘

預訂入口： 深圳南山萬象青華酒店

5. 今悅花園酒店

如果你同另一半想避開熱鬧商圈，搵個比較清靜嘅地方休息，可以考慮位於前海灣花園嘅今悅花園酒店。酒店鄰近媽灣地鐵站，周邊以住宅及前海新發展區為主，環境同歡樂海岸嘅水岸餐飲街截然不同。

房間設有智能電視、淋浴設備及Wi-Fi，酒店亦設有健身中心、餐廳同24小時前台服務。對於想用合理預算享受幾個鐘私人空間嘅情侶，係可以考慮嘅選擇。

如果你哋打算入住後再去歡樂海岸食晚餐，可以先由媽灣站乘5號線到前灣站，再轉9號線往深圳灣公園站。相比直接住喺9號線附近，交通時間相對長少少。

價格範圍： 約RMB 273 起 / 整晚

酒店地址： 深圳市南山區前海灣花園一期二棟 ( Amap Link )

交通方式：5號線媽灣站A出口，步行約2分鐘

預訂入口： 今悅花園酒店

深圳歡樂海岸最吸引嘅地方，唔係有幾多名店或者幾多個收費景點，而係可以將食飯、散步同夜景放喺同一個地方。曲水灣嘅水岸環境、湖畔餐廳同夜間燈光，令普通晚餐都多咗一份約會氣氛。

想將成個約會延長成半日Daycation，可以先喺Flow搜尋深圳時鐘酒店，按入住時段安排休息，再去歡樂海岸食晚飯同睇夜景。最重要係留意酒店位置，因為唔少南山酒店同歡樂海岸有一段車程，提早規劃會舒服得多。

同場加映：

深圳景點推薦｜5大必去景點＋附近時鐘酒店

深圳酒店推薦｜羅湖/福田/深圳灣過關住邊最方便？

深圳好去處推介！情侶必去6間時租酒店 + 深圳灣/福田/羅湖打卡熱點全攻略

— 認識Flow —

若只需數小時的住宿或工作空間，為何要預訂一整天？

一個為都市空間而設的預訂平台，Flow為您在日間預訂數小時至半天的酒店或工作空間，作短暫停留。跟傳統整天預訂相比，Flow用戶可節省高達75%的費用。

立即下載Flow App，輕鬆找到附近可供使用嘅時段酒店或辦公室！

深圳歡樂海岸 FAQ：常見問題解答