深圳好去處｜5個拍拖景點＋深圳浪漫一日遊酒店推介

近年香港情侶北上深圳情侶好去處，玩法已經唔再局限於食酸菜魚、唱K同按摩。深圳好去處其實有唔少適合二人慢慢行、影相同睇日落嘅地方，而且大部分景點免費入場，食飯同交通亦比香港相宜。朝早過關，日間去一兩個深圳拍拖景點，黃昏睇海景，再預訂幾個鐘酒店休息，已經可以砌到一個唔趕又有儀式感嘅深圳浪漫一日遊。

今次精選5個風格完全唔同嘅深圳情侶好去處：有摩天輪海濱、藝術館、客家古鎮同公園散步路線。後半部分推介5間 Flow 日租酒店俾大家，房型以大床房、影音房、海景露台房或獨立客廳公寓為主。香港出發即日來回都得，想留多幾個鐘休息亦有選擇。

5大深圳好去處推介

1. 歡樂港灣

想搵最有約會氣氛嘅深圳情侶好去處，歡樂港灣基本上唔會出錯。園區臨海而建，集合海濱文化公園、商場、餐廳、演藝設施同「灣區之光」摩天輪。情侶可以先沿海旁慢慢行，黃昏再搭摩天輪，由高空睇前海日落同城市燈光；唔搭摩天輪亦可以免費入園影相、食飯同吹海風。

歡樂港灣嘅海景、公園同商業區集中喺同一處，唔需要周圍轉場，好適合第一次北上拍拖。影相打卡方面，摩天輪、海濱步道、白色建築群同夜景都幾有代表性。建議下晝先到，避開正午陽光，食完晚飯再睇亮燈。要留意園區本身免費，但摩天輪、展覽同個別活動需要另外購票。

地址：深圳市宝安区海天路15-4号 ( Google Map Link )

交通資訊：深圳地鐵5號線「臨海站」B2出口，步行約5分鐘

開放時間：24小時開放，各個特色設施、商店及景點則有各自的營運時間。

海濱文化公園／商業區／餐廳：約 10:00 – 22:00

摩天輪：週一至四：10:30 – 22:00；週末：10:30 – 22:30（逢週二設備維護）

2. 海上世界文化藝術中心

鍾意藝術、設計同靜態約會，可以去蛇口海上世界文化藝術中心。場館設有主展館、V&A展館、濱海展館、花園展館同海景公共空間，展覽內容涵蓋設計、攝影、時裝、建築同當代藝術；部分公共區域免費開放，特別展覽就按場次收費。

場館正對深圳灣，睇完展覽可以直接去海邊散步，屬於唔使刻意安排都幾浪漫嘅 深圳拍拖打卡景點。附近海上世界一帶亦有餐廳、咖啡店、酒吧同「明華輪」地標，日頭同夜晚係兩種完全唔同嘅氣氛。

香港情侶由深圳灣口岸出發尤其方便，現時海上世界一帶亦有接駁深圳灣口岸嘅跨境及區內交通選擇。想行得輕鬆啲，可以將藝術中心、海邊晚餐同南山日租酒店放喺同一日。

地址：深圳市南山區蛇口望海路1187號（ Google Map Link ）

交通方式：深圳地鐵2／8號線「海上世界站」A出口，步行約10分鐘

開放時間：平日10:00–20:30；週五至週六10:00–21:30

3. 深業上城

深業上城係福田其中一個最易安排嘅文青拍拖點。商場上層嘅小鎮以彩色外牆、天橋、樓梯同開放式街區組成，平日可以行品牌店、食飯同影相；再經幸福廊橋，可接駁筆架山及蓮花山一帶，想行得舒服定行多少少路都得。

呢度特別適合唔想曬足全日、又想有室內外行程嘅情侶。可以先食午餐，再去小鎮影相，黃昏行上連廊睇城市景；落雨亦有商場可以避。相比純商場約會，深業上城多咗戶外空間同城市景觀，作為深圳浪漫一日遊中段行程會幾順。

地址：深圳市福田區華富街道蓮花一村社區皇崗路5001號（ Google Map Link ）

交通方式： 深圳地鐵10號線「冬瓜嶺站」A出口，轉乘接駁車或沿幸福廊橋步行前往

營業時間：10:00-22:00

4. 仙湖植物園

想搵免費、安靜又唔太商業化嘅深圳情侶好去處推介，仙湖植物園會幾啱。園區位於梧桐山腳，結合湖景、山林步道、溫室植物館同宗教建築（弘法寺），整體環境好清幽，特別適合想遠離市區、慢慢行同傾偈嘅情侶。園內路線選擇多，可以輕鬆散步圍住湖行一圈，亦可以行上山睇景，節奏彈性好大。

建議黃昏前到，光線柔和啲，湖面同山景會更靚。行完可以再去羅湖或東門一帶食晚飯，或者直接返酒店休息。呢個景點唔靠刺激活動取勝，賣點係自然環境夠靜、空氣好，適合拍拖耐咗、想過一個簡單慢活下午嘅情侶。

地址：深圳市羅湖區蓮塘街道仙湖社區仙湖路160號 ( Google Map Link )

交通資訊：深圳地鐵2號線「仙湖路站」C出口，轉乘接駁巴士或步行約15–20分鐘

開放時間：每日 06:00 至 21:30（21:30停止入場）

5. 甘坑古鎮

鍾意古風、漢服或者夜景，可以將甘坑古鎮放入深圳拍拖景點清單。古鎮保留客家村落格局，入面有石巷、古屋、燈籠街、餐廳、文創店同小涼帽主題區；基本古鎮範圍可以免費行，部分展館、演出及主題園區就需要購票。節日期間通常會有燈飾、巡遊或表演，夜晚比日頭更有氣氛。

交通方面，甘坑站距離古鎮仍有一段路。現時可由甘坑地鐵站B出口轉乘T124接駁線直達古鎮南門，車費CNY 2，日間班次較密；唔想等車亦可以步行約15分鐘。

地址：深圳市龍崗區吉華街道甘坑社區甘李路18號 ( Google Map Link )

交通資訊：深圳地鐵10號線「甘坑站」B出口，轉乘T124接駁線至甘坑古鎮南門；或步行約15分鐘

營業時間：全年全天免費開放（區內部分展館或農場可能個別收費或有特定營業時間）

5 間深圳浪漫一日遊酒店推薦

小編精選出以下5間深圳浪漫一日遊酒店推薦，覆蓋羅湖、南山、福田區等等。

1. 深港酒店公寓

如果你嘅深圳浪漫一日遊會去深圳灣或者南山一帶，深港酒店公寓會係幾順路嘅日租選擇。呢度嘅豪華一房有成484平方呎，設大床、獨立起居空間及窗景，比一般標準酒店房寬敞，兩個人買完嘢、行完海邊之後返去休息會舒服好多。

公寓位於來福士廣場旁，食飯、買飲品同補給都方便。房間走服務式公寓路線，私密度同生活感較強，特別適合唔追求泳池或Spa、純粹想要空間大啲嘅情侶。由深圳灣口岸過去亦唔算遠，適合香港情侶即日北上。

價格範圍： CNY ¥260 起

酒店地址： 深圳市南山區登良路公園道大廈A座1002室 ( Google Map Link )

交通方式： 深圳地鐵9號線「南油站」步行約5分鐘

預訂入口： 深港酒店公寓（深圳來福士店）

2. 深圳福田紅樹林希爾頓歡朋公寓

想揀房型本身已有少少浪漫感，可以留意深圳福田紅樹林希爾頓歡朋公寓。Flow 上提供高級海景大床房，以及設有露台嘅豪華海景大床房可供預訂，房型可望公園、城市或海灣景觀。比起普通商務酒店房，露台加窗景更適合情侶影相、飲咖啡同休息。

公寓鄰近福田保稅區同紅樹林生態帶，距離益田站步行約10至13分鐘，亦方便由福田口岸前往。酒店雖然不設泳池或浴缸，主要賣點係房間較大、海景露台、健身室同位置近福田，適合去完福田商圈後短休。

價格範圍： CNY ¥655 起

酒店地址： 深圳市福田區新洲南路2008號新洲同創匯二期 ( Google Map Link )

交通方式： 深圳地鐵3號線「益田站」步行約10–13分鐘

預訂入口： 深圳福田紅樹林希爾頓歡朋公寓

3. 深圳花園格蘭雲天大酒店

深圳花園格蘭雲天大酒店位於福田與華強北之間，呢度設計以航空文化為主題。房內有航空主題打卡佈置、智能客控同迷你吧，唔係一般千篇一律嘅商務房。酒店旁邊就係深圳中心公園，想將城市散步、食飯同酒店休息排埋一齊會幾方便。

酒店部分季節會開放戶外泳池，惟開放月份及天氣限制可能調整，預訂前要再確認。對於想搵設備比公寓完整、但價錢又未去到頂級五星酒店嘅情侶，呢間性價比幾突出。

價格範圍： CNY ¥298 起

酒店地址： 深圳市福田區深南中路4028號田面城市大廈 ( Google Map Link )

交通方式： 深圳地鐵2／7號線「華強北站」步行約10分鐘

預訂入口： 深圳花園格蘭雲天大酒店

4. WESU微宿設計公寓

想要私密度高、可以一齊睇戲嘅房型，WESU微宿設計公寓會比較啱。呢度行政城景大床房有成700平方呎，設獨立客廳、洗衣機同健身鏡；公寓資料亦列出高層景觀、智能門鎖、投影設備、雪櫃同家居式配置。相比普通酒店房，空間明顯大好多，特別適合情侶買外賣返房、睇戲或者休息幾個鐘。

位置靠近八卦嶺、紅嶺北同體育中心，去完深業上城或華強北都容易接駁。佢唔係豪華酒店路線，亦冇泳池同Spa，但以空間同價錢嚟講，係幾實際嘅深圳浪漫一日遊酒店推薦。

價格範圍： CNY ¥306 起

酒店地址： 深圳市福田區園嶺街道八卦三路清鳳榮盛創投大廈2308號 ( Google Map Link )

交通方式： 深圳地鐵7／9號線「紅嶺北站」A出口，步行約8分鐘

預訂入口： WESU微宿設計公寓（深圳福田八卦嶺店）

5. 君亭尚品酒店

由羅湖口岸過關，又想將東門食飯行街同酒店休息排埋一齊，君亭尚品酒店最順路。Flow提供1.8米大床房，以及配備影音設備嘅「賽博影音房」，房內有智能客控、免費迷你吧、掛耳咖啡同熱帶雨林花灑；酒店13樓亦設餐廳及夜間清吧，整體比一般口岸附近快捷酒店有設計感。

酒店鄰近東門步行街、國貿商圈同金光華廣場，由羅湖口岸乘車約8分鐘。想北上食飯、睇戲、行街，再搵個私密空間休息，呢間係5間之中最方便香港即日客嘅選擇。

價格範圍： CNY ¥198 起

酒店地址： 羅湖區南湖街道新南社區深南東路2103號建工服務樓1層1號 ( Google Map Link )

交通方式： 深圳地鐵2／8號線「湖貝站」G出口，步行約2分鐘

預訂入口： 君亭尚品酒店

深圳拍拖最大優勢係選擇多、交通平、景點密集。鍾意海景，可以排摩天輪、藝術中心同海濱晚餐；鍾意影相，就去彩色小鎮、古鎮或者花園；想靜靜地傾偈，公園散步反而最舒服。將一兩個深圳情侶好去處排埋同區食飯，已經夠玩大半日，唔需要由朝趕到晚。

如果行到攰，或者想留返一段真正屬於兩個人嘅時間，可以按區域預訂 Flow 日租酒店。Flow 酒店涵蓋各大深圳好去處，南山行程配南山公寓、福田景點配福田酒店、東門購物就揀羅湖口岸附近，交通會順好多。房價同時段每日都有變動，落單前記得確認入住時間、取消政策、稅項同附加費。

同場加映：

深圳一日遊攻略 | 港人北上一日遊攻略：美食購物及高質日租酒店

深圳按摩推介｜12間必試酒店水療按摩+時租酒店精選！情侶放鬆按摩全攻略（福田/羅湖/深圳灣）

深圳好去處推介！情侶必去6間時租酒店 + 深圳灣/福田/羅湖打卡熱點全攻略深圳好去處

— 認識Flow —

若只需數小時的住宿或工作空間，為何要預訂一整天？

一個為都市空間而設的預訂平台，Flow為您在日間預訂數小時至半天的酒店或工作空間，作短暫停留。跟傳統整天預訂相比，Flow用戶可節省高達75%的費用。

立即下載Flow App，輕鬆找到附近可供使用嘅時段酒店或辦公室！

深圳情侶一日遊 FAQ：常見問題解答